ຈົດໝາຍສະບັບທີສອງເຖິງຄລິດສະຕຽນໃນເມືອງໂກຣິນໂທ 2:1-17
2 ຂ້ອຍຕັ້ງໃຈໄວ້ວ່າເມື່ອໄປຫາພວກເຈົ້າອີກ ຂ້ອຍຈະບໍ່ເຮັດໃຫ້ພວກເຈົ້າເສົ້າໃຈ.
2 ຖ້າຂ້ອຍເຮັດໃຫ້ພວກເຈົ້າທຸກຄົນເສົ້າໃຈ ແລ້ວຈະມີຜູ້ໃດທີ່ຈະໃຫ້ກຳລັງໃຈຂ້ອຍ.
3 ຂ້ອຍໄດ້ຂຽນຈົດໝາຍສະບັບກ່ອນໜ້ານີ້ກໍເພື່ອວ່າເມື່ອຂ້ອຍໄປຫາ ພວກເຈົ້າທີ່ຄວນເຮັດໃຫ້ຂ້ອຍດີໃຈຈະບໍ່ເຮັດໃຫ້ຂ້ອຍເສົ້າໃຈ ຍ້ອນຂ້ອຍໝັ້ນໃຈວ່າສິ່ງໃດທີ່ເຮັດໃຫ້ຂ້ອຍດີໃຈ ກໍຈະເຮັດໃຫ້ພວກເຈົ້າທຸກຄົນດີໃຈຄືກັນ.
4 ຕອນນັ້ນ ຂ້ອຍຂຽນຫາພວກເຈົ້າພ້ອມທັງນ້ຳຕາໄຫຼດ້ວຍຄວາມທຸກໃຈ. ຂ້ອຍບໍ່ໄດ້ຢາກໃຫ້ພວກເຈົ້າເສົ້າໃຈ+ ແຕ່ຢາກໃຫ້ຮູ້ວ່າຂ້ອຍຮັກພວກເຈົ້າຫຼາຍສ່ຳໃດ.
5 ຄົນທີ່ເຮັດໃຫ້ເກີດຄວາມເສົ້າໃຈນັ້ນ+ເຮັດໃຫ້ພວກເຈົ້າທຸກຄົນເສົ້າໃຈບໍ່ຫຼາຍກໍໜ້ອຍລວມທັງຂ້ອຍນຳ ແຕ່ຂ້ອຍບໍ່ຢາກເວົ້າຫຼາຍກ່ຽວກັບສິ່ງທີ່ລາວເຮັດ.
6 ລາວຖືກພີ່ນ້ອງສ່ວນຫຼາຍຕຳໜິຫຼາຍພໍແລ້ວ.
7 ພວກເຈົ້າຄວນຈະຍົກໂທດແລະປອບໃຈລາວຫຼາຍກວ່າ+ ເພື່ອລາວຈະບໍ່ຈົມຢູ່ກັບຄວາມໂສກເສົ້າຫຼາຍໂພດ.+
8 ດັ່ງນັ້ນ ຂ້ອຍຂໍແນະນຳໃຫ້ພວກເຈົ້າເຮັດໃຫ້ລາວໝັ້ນໃຈວ່າພວກເຈົ້າຮັກລາວແທ້ໆ.+
9 ຂ້ອຍຂຽນຫາພວກເຈົ້າເທື່ອກ່ອນກໍເພື່ອຈະຮູ້ວ່າພວກເຈົ້າເຊື່ອຟັງທຸກຢ່າງຫຼືບໍ່.
10 ຜູ້ໃດທີ່ພວກເຈົ້າຍົກໂທດໃຫ້ ຂ້ອຍກໍຍົກໂທດໃຫ້ຄືກັນ ແລະເລື່ອງໃດທີ່ຂ້ອຍຍົກໂທດໃຫ້ແລ້ວ ພະຄລິດເປັນພະຍານໄດ້ວ່າຂ້ອຍຍົກໂທດໃຫ້ເພື່ອປະໂຫຍດຂອງພວກເຈົ້າ.
11 ເມື່ອເຮັດແນວນີ້ຊາຕານກໍຈະບໍ່ຊະນະພວກເຮົາ*+ ຍ້ອນພວກເຮົາຮູ້ກົນອຸບາຍຂອງມັນ.*+
12 ຕອນທີ່ຂ້ອຍໄປເມືອງໂທອາດ+ເພື່ອປະກາດຂ່າວດີເລື່ອງພະຄລິດ ຂ້ອຍໄດ້ຮັບໂອກາດ*ທີ່ຈະເຮັດວຽກຂອງຜູ້ເປັນນາຍ.
13 ແຕ່ຍ້ອນຂ້ອຍບໍ່ໄດ້ເຈິຕີໂຕພີ່ນ້ອງຂອງຂ້ອຍຢູ່ເມືອງນັ້ນ ຂ້ອຍຈຶ່ງອຸກໃຈ+ແລະລາພີ່ນ້ອງຢູ່ຫັ້ນແລ້ວເດີນທາງໄປແຂວງມາເກໂດເນຍ.+
14 ຂອບໃຈພະເຈົ້າທີ່ພາພວກເຮົາໄປໃນຂະບວນແຫ່ສະຫຼອງໄຊຊະນະຮ່ວມກັບພະຄລິດ ແລະໃຊ້ພວກເຮົາເປັນຜູ້ກະຈາຍກິ່ນຫອມກ່ຽວກັບຄວາມຮູ້ເລື່ອງເພິ່ນໄປທົ່ວທຸກບ່ອນ.
15 ພວກເຮົາທີ່ປະກາດຂ່າວເລື່ອງພະຄລິດນັ້ນເປັນຄືກັບກິ່ນຫອມທີ່ຫວານໆສຳລັບພະເຈົ້າ ທັງຄົນທີ່ລອດແລະຄົນທີ່ຈະຖືກທຳລາຍກໍໄດ້ກິ່ນນັ້ນຄືກັນ.
16 ພວກເຮົາເປັນກິ່ນຂອງຄວາມຕາຍສຳລັບຄົນທີ່ຈະຖືກທຳລາຍ+ ແລະເປັນກິ່ນຫອມທີ່ເຮັດໃຫ້ໄດ້ຊີວິດສຳລັບຄົນທີ່ຈະລອດ. ຜູ້ໃດຈະມີຄຸນສົມບັດເໝາະສົມກັບວຽກນີ້?
17 ພວກເຮົານິແຫຼະ ຍ້ອນພວກເຮົາບໍ່ແມ່ນຄົນເລາະຂາຍ*ຄຳສອນຂອງພະເຈົ້າ+ແບບທີ່ຫຼາຍຄົນເຮັດ ແຕ່ພວກເຮົາປະກາດດ້ວຍຄວາມຈິງໃຈໃນຖານະລູກສິດຂອງພະຄລິດ. ພວກເຮົາເປັນຄົນທີ່ພະເຈົ້າໃຊ້ມາ ແລະພວກເຮົາກຳລັງເຮັດສິ່ງນີ້ຕໍ່ໜ້າພະເຈົ້າ.
ຂໍ
^ ຫຼື “ຈະຫຼອກລວງພວກເຮົາບໍ່ໄດ້”
^ ຫຼື “ແຜນການຂອງມັນ”
^ ແປຕາມໂຕວ່າ “ປະຕູໄດ້ເປີດໃຫ້ຂ້ອຍ”
^ ຫຼື “ຫາຜົນປະໂຫຍດຈາກ; ຫາຜົນກຳໄລຈາກ”
