ຈົດໝາຍສະບັບທຳອິດຂອງໂຢຮັນ 5:1-21
5 ທຸກຄົນທີ່ເຊື່ອວ່າພະເຢຊູເປັນພະຄລິດກໍເປັນລູກຂອງພະເຈົ້າ+ ແລະທຸກຄົນທີ່ຮັກພະເຈົ້າຜູ້ເປັນພໍ່ກໍຮັກພວກລູກຂອງເພິ່ນຄືກັນ.
2 ເມື່ອພວກເຮົາຮັກພະເຈົ້າແລະເຮັດຕາມຄຳສັ່ງຂອງເພິ່ນ ກໍສະແດງວ່າພວກເຮົາຮັກພວກລູກຂອງພະເຈົ້າແທ້ໆ.+
3 ການຮັກພະເຈົ້າໝາຍເຖິງການເຊື່ອຟັງຄຳສັ່ງຂອງເພິ່ນ+ ແລະຄຳສັ່ງຂອງເພິ່ນບໍ່ຍາກເກີນໄປ.*+
4 ທຸກຄົນທີ່ເປັນລູກຂອງພະເຈົ້າເອົາຊະນະໂລກໄດ້+ ແລະຄວາມເຊື່ອຂອງພວກເຮົານີ້ແຫຼະທີ່ເຮັດໃຫ້ພວກເຮົາຊະນະໂລກ.+
5 ແມ່ນໃຜທີ່ຊະນະໂລກໄດ້?+ ກໍແມ່ນຄົນທີ່ເຊື່ອວ່າພະເຢຊູເປັນລູກຂອງພະເຈົ້າບໍ່ແມ່ນບໍ?+
6 ຕອນທີ່ພະເຢຊູຄລິດມາ ມີນ້ຳແລະເລືອດກ່ຽວຂ້ອງຢູ່ນຳ. ບໍ່ແມ່ນແຕ່ນ້ຳເທົ່ານັ້ນ+ ແຕ່ແມ່ນນ້ຳແລະເລືອດ.+ ພະລັງຂອງພະເຈົ້າເປັນພະຍານຢືນຢັນເລື່ອງນີ້+ ຍ້ອນພະລັງນັ້ນເປັນພະຍານທີ່ຢືນຢັນຄວາມຈິງ.
7 ດັ່ງນັ້ນ ສິ່ງທີ່ເປັນພະຍານຫຼັກຖານເລື່ອງພະເຢຊູມີ 3 ຢ່າງ.
8 ສິ່ງເຫຼົ່ານັ້ນແມ່ນພະລັງຂອງພະເຈົ້າ+ ນ້ຳ+ ແລະເລືອດ.+ ທັງສາມຢ່າງນີ້ຢືນຢັນກົງກັນ.
9 ຖ້າພວກເຮົາຍອມຮັບພະຍານທີ່ເປັນມະນຸດວ່າເຊື່ອຖືໄດ້ ເມື່ອພະເຈົ້າເປັນພະຍານກໍແຮ່ງເຊື່ອຖືໄດ້ຫຼາຍກວ່ານັ້ນອີກ. ພະເຈົ້າເອງເປັນພະຍານຢືນຢັນວ່າລູກຂອງເພິ່ນເປັນໃຜ.
10 ຄົນທີ່ມີຄວາມເຊື່ອໃນລູກຂອງພະເຈົ້າກໍເຊື່ອພະຍານຫຼັກຖານທີ່ເພິ່ນຢືນຢັນກັບລາວ ສ່ວນຄົນທີ່ບໍ່ເຊື່ອພະເຈົ້າກໍສ່ຳກັບກ່າວຫາວ່າເພິ່ນຕົວະ+ ຍ້ອນຜູ້ນັ້ນບໍ່ເຊື່ອພະຍານຫຼັກຖານທີ່ເພິ່ນໃຫ້ເພື່ອຢືນຢັນເລື່ອງລູກຂອງເພິ່ນ.
11 ພະຍານຫຼັກຖານນັ້ນແມ່ນ ພະເຈົ້າໃຫ້ຊີວິດຕະຫຼອດໄປກັບພວກເຮົາ+ ແລະພວກເຮົາໄດ້ຊີວິດແບບນັ້ນຜ່ານທາງລູກຂອງເພິ່ນ.+
12 ຄົນທີ່ຍອມຮັບລູກຂອງພະເຈົ້າກໍມີຊີວິດຕະຫຼອດໄປ ແຕ່ຄົນທີ່ບໍ່ຍອມຮັບລູກຂອງເພິ່ນກໍບໍ່ມີຊີວິດຕະຫຼອດໄປ.+
13 ຂ້ອຍຂຽນເລື່ອງເຫຼົ່ານີ້ເຖິງພວກເຈົ້າທີ່ເຊື່ອໃນລູກ*ຂອງພະເຈົ້າ+ ເພື່ອພວກເຈົ້າຈະຮູ້ວ່າພວກເຈົ້າມີຊີວິດຕະຫຼອດໄປ.+
14 ພວກເຮົາໝັ້ນໃຈໃນພະເຈົ້າວ່າ+ ຖ້າພວກເຮົາຂໍສິ່ງໃດກໍຕາມທີ່ສອດຄ່ອງກັບຄວາມຕ້ອງການຂອງເພິ່ນ ເພິ່ນຈະຟັງພວກເຮົາ.+
15 ຖ້າພວກເຮົາຮູ້ວ່າເພິ່ນຟັງພວກເຮົາ ບໍ່ວ່າພວກເຮົາຈະຂໍສິ່ງໃດກໍຕາມ ພວກເຮົາກໍຮູ້ວ່າຈະໄດ້ຮັບສິ່ງນັ້ນ ຍ້ອນພວກເຮົາໄດ້ຂໍນຳເພິ່ນ.+
16 ຖ້າຜູ້ໃດເຫັນພີ່ນ້ອງເຮັດຜິດ ແຕ່ຄວາມຜິດນັ້ນບໍ່ໄດ້ພາໄປສູ່ຄວາມຕາຍ ລາວຄວນຈະອະທິດຖານເພື່ອຜູ້ນັ້ນ. ແລ້ວພະເຈົ້າຈະໃຫ້ຊີວິດກັບຜູ້ນັ້ນ+ ເຊິ່ງກໍແມ່ນຜູ້ທີ່ເຮັດຜິດທີ່ບໍ່ໄດ້ພາໄປສູ່ຄວາມຕາຍ. ຄວາມຜິດທີ່ພາໄປສູ່ຄວາມຕາຍກໍມີ+ ແລະຂ້ອຍບໍ່ໄດ້ບອກໃຫ້ອະທິດຖານຂໍເພື່ອຄົນທີ່ເຮັດຜິດແບບນັ້ນ.
17 ການເຮັດຜິດທຸກຢ່າງເປັນບາບ+ ແຕ່ຄວາມຜິດທີ່ບໍ່ໄດ້ພາໄປສູ່ຄວາມຕາຍກໍມີ.
18 ພວກເຮົາຮູ້ວ່າທຸກຄົນທີ່ເປັນລູກຂອງພະເຈົ້າບໍ່ເຮັດຜິດເປັນນິດໄສ ຍ້ອນລູກຊາຍຂອງພະເຈົ້າ*ປົກປ້ອງເຂົາເຈົ້າຢູ່ ແລະຊາຕານໂຕຊົ່ວຮ້າຍຈະບໍ່ມີອຳນາດເໜືອເຂົາເຈົ້າ.+
19 ພວກເຮົາຮູ້ວ່າພວກເຮົາເປັນຄົນຂອງພະເຈົ້າ ແຕ່ໂລກທັງໝົດຢູ່ໃນອຳນາດຊາຕານໂຕຊົ່ວຮ້າຍ.+
20 ພວກເຮົາຮູ້ວ່າລູກຂອງພະເຈົ້າມາແລ້ວ+ ແລະເພິ່ນໃຫ້ພວກເຮົາມີຄວາມເຂົ້າໃຈທີ່ເລິກເຊິ່ງເພື່ອພວກເຮົາຈະຮູ້ຈັກພະເຈົ້າທ່ຽງແທ້ໄດ້. ພວກເຮົາເປັນອັນໜຶ່ງອັນດຽວກັບພະເຈົ້າທ່ຽງແທ້+ໂດຍທາງພະເຢຊູຄລິດລູກຂອງເພິ່ນ. ເພິ່ນນີ້ແຫຼະເປັນພະເຈົ້າທ່ຽງແທ້ແລະຜູ້ໃຫ້ຊີວິດຕະຫຼອດໄປ.+
21 ພວກລູກທີ່ຮັກ ຢ່າຫຍຸ້ງກ່ຽວກັບຮູບບູຊາ.+
ຂໍ
^ ແປຕາມໂຕວ່າ “ບໍ່ເປັນພາລະ”
^ ແປຕາມໂຕວ່າ “ເຊື່ອໃນຊື່ລູກ”
^ ໝາຍເຖິງພະເຢຊູຄລິດ
