ໂຮເຊອາ 14:1-9
14 “ອິດສະຣາເອນເອີ້ຍ ໃຫ້ກັບມາຫາພະເຢໂຫວາພະເຈົ້າຂອງພວກເຈົ້າ.+ພວກເຈົ້າສະດຸດແລະລົ້ມຍ້ອນຄວາມຜິດຂອງໂຕເອງ.
2 ໃຫ້ກັບມາຫາພະເຢໂຫວາແລະເວົ້າກັບເພິ່ນວ່າ ‘ຂໍພະອົງຍົກໂທດຄວາມຜິດທີ່ພວກລູກໄດ້ເຮັດ+ ແລະຂໍພະອົງຍອມຮັບສິ່ງດີໆທີ່ພວກລູກເຮັດ.ຄືກັບທີ່ມີຄົນເອົາງົວມາໃຫ້ພະອົງ ພວກລູກກໍຈະສັນລະເສີນພະອົງ.+
3 ອັດຊີເຣຍປົກປ້ອງພວກລູກບໍ່ໄດ້.+
ພວກລູກຈະບໍ່ເພິ່ງມ້າ+ແລະພວກລູກຈະບໍ່ເອີ້ນສິ່ງທີ່ພວກລູກເຮັດຂຶ້ນມາວ່າ “ພະເຈົ້າຂອງພວກເຮົາ” ອີກຕໍ່ໄປ.ພະອົງເປັນພະເຈົ້າທີ່ອີ່ຕົນລູກກຳພ້າ.’+
4 ເຮົາຈະປົວເຂົາເຈົ້າ ແລະເຂົາເຈົ້າຈະສັດຊື່ຕໍ່ເຮົາຕະຫຼອດໄປ.+
ເຮົາຈະຮັກເຂົາເຈົ້າຈາກໃຈ+ຍ້ອນເຮົາເຊົາໃຈຮ້າຍໃຫ້ເຂົາເຈົ້າແລ້ວ.+
5 ເຮົາຈະເປັນຄືກັບນ້ຳຄ້າງສຳລັບອິດສະຣາເອນ.ເຂົາເຈົ້າຈະບານຄືກັບດອກໄມ້ແລະຮາກຂອງເຂົາເຈົ້າຈະຢັ່ງລົງເລິກຄືກັບຕົ້ນໄມ້ຢູ່ເລບານອນ.
6 ງ່າຂອງເຂົາເຈົ້າຈະແຜ່ອອກໄປ.ເຂົາເຈົ້າຈະງາມຄືກັບຕົ້ນໝາກກອກແລະຫອມຄືກັບຕົ້ນໄມ້ຢູ່ເລບານອນ.
7 ປະຊາຊົນຂອງເຮົາຈະໄດ້ຢູ່ກ້ອງຮົ່ມຂອງເຮົາອີກ.
ເຂົາເຈົ້າຈະປູກເຂົ້າ ແລະເຂົາເຈົ້າຈະອອກດອກຫຼາຍໆຄືກັບດອກໝາກລະແຊັງ.+
ເຮົາຈະມີຊື່ສຽງຄືກັບເຫຼົ້າແວງຢູ່ເລບານອນ.
8 ເອຟຣາຢິມຈະເວົ້າວ່າ ‘ພວກເຮົາຊິໄປຫຍຸ້ງໄປກ່ຽວກັບຮູບບູຊາອີກເຮັດຫຍັງ?’+
ເຮົາຈະຕອບແລະເບິ່ງແຍງເຂົາເຈົ້າ.+
ເຮົາຈະເປັນຄືກັບຕົ້ນຈູນິເປີ້*ທີ່ສູງໃຫຍ່.
ເຮົາຈະເປັນຄືກັບຕົ້ນໄມ້ທີ່ເປັນໝາກສຳລັບເຂົາເຈົ້າ.”
9 ໃຜທີ່ສະຫຼາດກໍໃຫ້ລາວເຂົ້າໃຈເລື່ອງທັງໝົດນີ້.
ໃຜທີ່ສຸຂຸມກໍໃຫ້ລາວຮູ້ເລື່ອງເຫຼົ່ານີ້.
ແນວທາງຂອງພະເຢໂຫວາຖືກຕ້ອງ+ແລະຄົນດີຈະຍ່າງຢູ່ໃນທາງນັ້ນແຕ່ຄົນຊົ່ວຈະສະດຸດແລະລົ້ມຢູ່ຫັ້ນ.
ຂໍ
^ ຕົ້ນແປກຊະນິດໜຶ່ງ
