ໂຢບ 9:1-35
9 ໂຢບຕອບວ່າ:
2 “ຂ້ອຍຮູ້ແລ້ວວ່າມັນເປັນແບບນັ້ນ.
ແຕ່ຖ້າຢູ່ຕໍ່ໜ້າພະເຈົ້າ ມະນຸດຈະຄິດວ່າໂຕເອງຈະເປັນຝ່າຍຖືກໄດ້ແນວໃດ?+
3 ຖ້າຜູ້ໃດຢາກໂຕ້ຖຽງກັບພະເຈົ້າ*+ໃນຄຳຖາມໜຶ່ງພັນຂໍ້ທີ່ເພິ່ນຖາມ ລາວກໍຈະຕອບບໍ່ໄດ້ຈັກຂໍ້ດອກ.
4 ເພິ່ນມີສະຕິປັນຍາແລະມີລິດເດດຫຼາຍ.+
ບໍ່ມີຜູ້ໃດທີ່ສູ້ກັບເພິ່ນແລ້ວຈະບໍ່ບາດເຈັບ.+
5 ເພິ່ນຍ້າຍພູຕ່າງໆໂດຍທີ່ບໍ່ມີຜູ້ໃດຮູ້ແລະປີ້ນພວກມັນດ້ວຍຄວາມໃຈຮ້າຍ.
6 ເພິ່ນສັ່ນໂລກຈົນມັນອອກຈາກບ່ອນຂອງມັນແລະຖານຕ່າງໆຂອງໂລກກໍສັ່ນສະເທືອນ.+
7 ເພິ່ນສັ່ງຕາເວັນບໍ່ໃຫ້ສ່ອງແສງແລະເພິ່ນບັງແສງຂອງດາວຕ່າງໆໄວ້.+
8 ເພິ່ນປູແຜ່ນຟ້າດ້ວຍໂຕເພິ່ນເອງ+ແລະເພິ່ນຢຽບຢູ່ເທິງຄື້ນທະເລ.+
9 ເພິ່ນສ້າງກຸ່ມດາວອາດຊ໌* ກຸ່ມດາວເຄຊິນ* ກຸ່ມດາວຄີມາ*+ແລະກຸ່ມດາວຕ່າງໆທີ່ຢູ່ທາງທິດໃຕ້*ຂອງຟ້າ.
10 ເພິ່ນເຮັດສິ່ງທີ່ຍິ່ງໃຫຍ່ ແລະສິ່ງທີ່ເກີນກວ່າຈະເຂົ້າໃຈໄດ້.+ເພິ່ນເຮັດສິ່ງທີ່ໜ້າງຶດງໍ້ຈົນນັບບໍ່ຫຼ້ອນ.+
11 ເພິ່ນກາຍຂ້ອຍໄປ ແຕ່ຂ້ອຍບໍ່ເຫັນ.ເພິ່ນຜ່ານຂ້ອຍໄປ ແຕ່ຂ້ອຍບໍ່ຮູ້ເລີຍ.
12 ເມື່ອເພິ່ນຍາດຫຍັງໄປ ໃຜຈະຫ້າມເພິ່ນໄດ້?
ໃຜຈະກ້າຖາມເພິ່ນວ່າ ‘ເປັນຫຍັງພະອົງຈຶ່ງເຮັດແນວນີ້?’+
13 ເພິ່ນຈະບໍ່ຄວບຄຸມຄວາມໃຈຮ້າຍຂອງເພິ່ນ.+ແມ່ນແຕ່ຜູ້ຊ່ວຍຂອງຣາຫັບ*+ກໍຕ້ອງໝູບລົງຕໍ່ໜ້າເພິ່ນ.
14 ຄັນຊັ້ນ ເມື່ອຂ້ອຍຈະຕອບເພິ່ນຂ້ອຍກໍຕ້ອງລະວັງຄຳເວົ້າຂອງຂ້ອຍໃຫ້ດີໆ.
15 ເຖິງວ່າຂ້ອຍຈະເປັນຝ່າຍຖືກ ຂ້ອຍກໍຈະບໍ່ຕອບເພິ່ນ.+
ຂ້ອຍເຮັດໄດ້ແຕ່ຂໍຄວາມເມດຕາຈາກເພິ່ນທີ່ເປັນຜູ້ຖຽງກັນກັບຂ້ອຍ.
16 ຖ້າຂ້ອຍເອີ້ນເພິ່ນ ເພິ່ນຈະຕອບຂ້ອຍບໍ?
ຂ້ອຍຄິດວ່າເພິ່ນຄືຊິບໍ່ຟັງຂ້ອຍດອກ.
17 ເພາະເພິ່ນໃຫ້ຄວາມທຸກທີ່ເປັນຄືກັບພາຍຸພັດໃສ່ຂ້ອຍແລະເຮັດໃຫ້ຂ້ອຍມີບາດຫຼາຍໂດຍບໍ່ມີເຫດຜົນ.+
18 ເພິ່ນບໍ່ໃຫ້ຂ້ອຍມີເວລາໄດ້ເຊົາຫາຍໃຈເລີຍ.ເພິ່ນເອົາຄວາມເຈັບປວດມາຕື່ມໃຫ້ຂ້ອຍຢູ່ເລື້ອຍໆ.
19 ຖ້າຈະເວົ້າເຖິງລິດເດດກໍມີແຕ່ເພິ່ນທີ່ມີລິດເດດ.+
ຖ້າຈະເວົ້າເຖິງຄວາມຍຸຕິທຳ ເພິ່ນກໍເວົ້າວ່າ ‘ໃຜຊິກ້າເວົ້າວ່າເຮົາເຮັດຜິດ?’
20 ເຖິງວ່າຂ້ອຍເປັນຝ່າຍຖືກ ແຕ່ຂ້ອຍກໍຈະເວົ້າວ່າຂ້ອຍເປັນຝ່າຍຜິດຢູ່ດີ.ເຖິງວ່າຂ້ອຍຈະສັດຊື່ຕໍ່ເພິ່ນ ເພິ່ນກໍຈະເວົ້າວ່າຂ້ອຍເຮັດຜິດຄືເກົ່າ.
21 ເຖິງວ່າຂ້ອຍຈະສັດຊື່ແທ້ໆ ແຕ່ຂ້ອຍກໍບໍ່ຮູ້ວ່າຈະມີຫຍັງເກີດຂຶ້ນກັບຂ້ອຍ.ຂ້ອຍຊັງຊີວິດຂອງຂ້ອຍ.
22 ຂ້ອຍບໍ່ເຫັນວ່າມັນຕ່າງກັນ ຂ້ອຍຈຶ່ງເວົ້າວ່າ‘ບໍ່ວ່າຄົນດີຫຼືຄົນຊົ່ວ ເພິ່ນກໍທຳລາຍຄືກັນ.’
23 ຖ້າມີນ້ຳຖ້ວມກະທັນຫັນແລະມີຄົນຕາຍທັນທີເພິ່ນກໍຈະຫົວຂວັນໃສ່ຄົນທີ່ບໍ່ໄດ້ເຮັດຜິດທີ່ກຳລັງໝົດຫວັງ.
24 ເພິ່ນໃຫ້ຄົນຊົ່ວປົກຄອງໂລກ.+ເພິ່ນປິດຫູປິດຕາ*ຂອງພວກຜູ້ຕັດສິນ.
ມີແຕ່ເພິ່ນຜູ້ດຽວທີ່ເຮັດແນວນີ້ໄດ້.
25 ຊີວິດຂອງຂ້ອຍຜ່ານໄປໄວແທ້ ໄວກວ່າຜູ້ສົ່ງຂ່າວແລ່ນ+ແລະຂ້ອຍບໍ່ເຄີຍໄດ້ເຈິສິ່ງດີໆເລີຍ.
26 ຊີວິດຂ້ອຍຜ່ານໄປໄວໆຄືກັບເຮືອທີ່ເຮັດຈາກຕົ້ນອໍ້ຄືກັບນົກອິນຊີທີ່ເຈີດລົງມາຄຸບເອົາເຫຍື່ອ.
27 ເຖິງຂ້ອຍຈະເວົ້າວ່າ ‘ຂ້ອຍຈະລືມຄວາມເຈັບປວດໃຫ້ໝົດຂ້ອຍຈະເຊົາໂສກເສົ້າແລະເຮັດໜ້າຊື່ນບານ’
28 ແຕ່ຂ້ອຍກໍຍັງຢ້ານຍ້ອນຄວາມເຈັບປວດຂອງຂ້ອຍ+ແລະຂ້ອຍກໍຮູ້ວ່າຈັ່ງໃດເພິ່ນກໍຄິດວ່າຂ້ອຍເຮັດຜິດ.
29 ແນວໃດຂ້ອຍກໍເປັນຄົນຜິດ*ຢູ່ແລ້ວ
ຄັນຊັ້ນ ຂ້ອຍຊິສູ້ຕໍ່ໄປເຮັດຫຍັງ?+
30 ຖ້າຂ້ອຍເອົານ້ຳທີ່ເປື່ອຍຈາກຫິມະມາລ້າງໂຕແລະເອົາສະບູມາລ້າງມື+
31 ເພິ່ນກໍຈະຈັບຂ້ອຍຈຸ່ມລົງຂຸມຂີ້ຕົມ.ແມ່ນແຕ່ເຄື່ອງນຸ່ງຂອງຂ້ອຍກໍຍັງຂີ້ດຽດຂ້ອຍ.
32 ເພາະເພິ່ນບໍ່ໄດ້ເປັນມະນຸດຄືຂ້ອຍ ຂ້ອຍຈະຕອບເພິ່ນໄດ້ແນວໃດ?ຂ້ອຍຈະໄປຂຶ້ນສານແລະສູ້ຄະດີກັບເພິ່ນກໍບໍ່ໄດ້.+
33 ບໍ່ມີຜູ້ໃດເປັນຄົນກາງລະຫວ່າງຂ້ອຍກັບເພິ່ນໄດ້.ບໍ່ມີຜູ້ໃດຈະຕັດສິນຄະດີລະຫວ່າງຂ້ອຍກັບເພິ່ນໄດ້.
34 ຖ້າເພິ່ນເຊົາຕີຂ້ອຍແລະເຊົາເຮັດໃຫ້ຂ້ອຍຢ້ານ+
35 ຂ້ອຍກໍຈະກ້າເວົ້າກັບເພິ່ນ.ແຕ່ຖ້າຂ້ອຍຍັງຢ້ານຢູ່ ຂ້ອຍກໍບໍ່ກ້າເວົ້າ.”
ຂໍ
^ ຫຼື “ຢາກສູ້ຄະດີກັບພະເຈົ້າໃນສານ”
^ ອາດໝາຍເຖິງກຸ່ມດາວໝີໃຫຍ່
^ ອາດໝາຍເຖິງກຸ່ມດາວນາຍພານ
^ ອາດໝາຍເຖິງດາວໄກ່ນ້ອຍໃນກຸ່ມດາວງົວ
^ ແປຕາມໂຕວ່າ “ຫ້ອງທາງໃນຕ່າງໆຂອງທິດໃຕ້”
^ ອາດໝາຍເຖິງສັດໂຕໃຫຍ່ໃນທະເລ
^ ແປຕາມໂຕວ່າ “ໜ້າ”
^ ແປຕາມໂຕວ່າ “ຄົນຊົ່ວ”
