ເອຊາຢາ 42:1-25
42 ນີ້ແມ່ນຜູ້ຮັບໃຊ້ຂອງເຮົາ+ທີ່ເຮົາສະໜັບສະໜູນ.
ລາວເປັນຜູ້ທີ່ເຮົາໄດ້ເລືອກ+ແລະເຮົາພໍໃຈລາວຫຼາຍ.+
ເຮົາໄດ້ເອົາພະລັງຂອງເຮົາໃຫ້ລາວ.+ລາວຈະເຮັດໃຫ້ຊາດຕ່າງໆໄດ້ຮັບຄວາມຍຸຕິທຳ.+
2 ລາວຈະບໍ່ຮ້ອງຫຼືເວົ້າສຽງດັງແລະລາວຈະບໍ່ເວົ້າຢູ່ຕາມຫົນທາງ.+
3 ລາວຈະບໍ່ຫັກຕົ້ນອໍ້ທີ່ໃກ້ຈະລົ້ມແລະຈະບໍ່ມອດໄສ້ຕະກຽງທີ່ໃກ້ຈະມອດ.+
ລາວຈະເຮັດໃຫ້ເກີດຄວາມຍຸຕິທຳຢ່າງແນ່ນອນ.+
4 ລາວຈະບໍ່ເມື່ອຍຫຼືບໍ່ຍອມແພ້ຈົນກວ່າຈະເຮັດໃຫ້ໂລກໄດ້ຮັບຄວາມຍຸຕິທຳ.+ຄົນທີ່ຢູ່ຕາມເກາະຕ່າງໆກໍລໍຖ້າກົດໝາຍ*ຂອງລາວ.
5 ພະເຢໂຫວາພະເຈົ້າທ່ຽງແທ້ພະເຈົ້າອົງຍິ່ງໃຫຍ່ ຜູ້ທີ່ສ້າງທ້ອງຟ້າ+ຜູ້ທີ່ສ້າງໂລກແລະທຸກສິ່ງທີ່ຢູ່ໃນໂລກ+ຜູ້ທີ່ໃຫ້ລົມຫາຍໃຈ+ແລະໃຫ້ຊີວິດກັບທຸກຄົນທີ່ຢູ່ໃນໂລກເວົ້າວ່າ:+
6 “ເຮົາເຢໂຫວາໄດ້ເອີ້ນເຈົ້າມາເພື່ອເຮັດໃຫ້ເກີດຄວາມຍຸຕິທຳ.ເຮົາໄດ້ຈັບມືເຈົ້າໄວ້.
ເຮົາຈະປົກປ້ອງເຈົ້າແລະໃຫ້ເຈົ້າເປັນແນວຄ້ຳປະກັນ*ລະຫວ່າງເຮົາກັບທຸກຄົນ+ແລະເປັນຄືກັບແສງສະຫວ່າງໃຫ້ຊາດຕ່າງໆ.+
7 ເຈົ້າຈະເຮັດໃຫ້ຄົນຕາບອດເຫັນຮຸ່ງ.+ເຈົ້າຈະປ່ອຍຄົນທີ່ຖືກຂັງຢູ່ໃນຄຸກໃຕ້ດິນແລະປ່ອຍຄົນທີ່ນັ່ງຢູ່ໃນຄຸກທີ່ມືດໆ.+
8 ເຮົາແມ່ນເຢໂຫວາ. ນີ້ແມ່ນຊື່ຂອງເຮົາ.ເຮົາຈະບໍ່ເອົາກຽດທີ່ເປັນຂອງເຮົາໄປໃຫ້ພະເຈົ້າອື່ນ*ແລະເຮົາຈະບໍ່ເອົາຄຳສັນລະເສີນທີ່ເຮົາຜູ້ດຽວສົມຄວນໄດ້ຮັບໄປໃຫ້ຮູບບູຊາຕ່າງໆ.+
9 ສິ່ງຕ່າງໆທີ່ເຮົາເຄີຍບອກໄວ້ແຕ່ດົນໄດ້ເກີດຂຶ້ນແລ້ວ.ຕອນນີ້ ເຮົາຈະບອກເລື່ອງໃໝ່ທີ່ຈະເກີດຂຶ້ນໃນອະນາຄົດ.
ເຮົາຈະບອກເຈົ້າໃຫ້ຮູ້ກ່ອນທີ່ມັນຈະເກີດຂຶ້ນ.”+
10 ພວກເຈົ້າທີ່ຫາກິນຢູ່ໃນທະເລແລະທຸກສິ່ງທີ່ຢູ່ໃນທະເລເກາະຕ່າງໆແລະທຸກຄົນທີ່ຢູ່ໃນເກາະເຫຼົ່ານັ້ນ+ໃຫ້ຮ້ອງເພງໃໝ່ໃຫ້ພະເຢໂຫວາ+ແລະສັນລະເສີນເພິ່ນຈາກສຸດຂອບໂລກ.+
11 ໃຫ້ບ່ອນກັນດານກັບເມືອງຕ່າງໆທີ່ຢູ່ຫັ້ນແລະບ່ອນທີ່ຄົນເກດາ+ຢູ່ຮ້ອງສຽງດັງໆ.+
ໃຫ້ຄົນທີ່ອາໄສຢູ່ແຖວຫີນຜາຮ້ອງດ້ວຍຄວາມດີໃຈແລະໃຫ້ເຂົາເຈົ້າຮ້ອງຢູ່ຈອມພູຕ່າງໆ.
12 ໃຫ້ເຂົາເຈົ້າໃຫ້ກຽດພະເຢໂຫວາແລະສັນລະເສີນເພິ່ນໃນເກາະຕ່າງໆ.+
13 ພະເຢໂຫວາຈະອອກໄປຄືກັບທະຫານທີ່ກ້າຫານ.+
ເພິ່ນຈະເປັນຄືກັບທະຫານທີ່ກະຕືລືລົ້ນຢາກອອກໄປຕໍ່ສູ້.+
ເພິ່ນຈະຮ້ອງດັງໆຄືກັບທະຫານທີ່ຮ້ອງຕອນອອກໄປສູ້ຮົບ.ເພິ່ນຈະເຮັດໃຫ້ເຫັນວ່າເພິ່ນມີກຳລັງຫຼາຍກວ່າພວກສັດຕູ.+
14 ພະເຈົ້າເວົ້າວ່າ: “ເຮົາບໍ່ເວົ້າຫຍັງມາດົນແລ້ວ.
ເຮົາອົດໄວ້ແລະມິດຢູ່.
ເຮົາຈະຮ້ອງຄາງແລະຫາຍໃຈຫອບໄປນຳຄືກັບຜູ້ຍິງທີ່ກຳລັງຈະເກີດລູກ.
15 ເຮົາຈະເຮັດໃຫ້ພູກັບໂນນພູບໍ່ມີຫຍັງເລີຍແລະພືດທັງໝົດກໍຈະຫ່ຽວແຫ້ງ.
ເຮົາຈະເຮັດໃຫ້ແມ່ນ້ຳຕ່າງໆກາຍເປັນດິນແຫ້ງ*ແລະເຮັດໃຫ້ໜອງທີ່ມີຕົ້ນອໍ້ຫຼາຍໆບໍ່ມີນ້ຳ.+
16 ເຮົາຈະນຳໜ້າຄົນຕາບອດໄປໃນທາງທີ່ເຂົາເຈົ້າບໍ່ຮູ້ຈັກ+ແລະພາເຂົາເຈົ້າໄປໃນທາງທີ່ເຂົາເຈົ້າບໍ່ເຄີຍໄປ.+
ເຮົາຈະເຮັດໃຫ້ຄວາມມືດທີ່ຢູ່ຕໍ່ໜ້າເຂົາເຈົ້າກາຍເປັນຄວາມສະຫວ່າງ+ແລະຈະເຮັດໃຫ້ບ່ອນທີ່ມີຂຸມກາຍເປັນບ່ອນພຽງ.+
ນີ້ແມ່ນສິ່ງທີ່ເຮົາຈະເຮັດສຳລັບເຂົາເຈົ້າ ແລະເຮົາຈະບໍ່ປະຖິ້ມເຂົາເຈົ້າ.”
17 ຄົນທີ່ໄວ້ໃຈຮູບແກະສະຫຼັກແລະຄົນທີ່ເອີ້ນຮູບຫຼໍ່ວ່າ: “ພະເຈົ້າຂອງພວກເຮົາ”+ຈະຕ້ອງກັບໄປແລະອັບອາຍ.
18 ພວກເຈົ້າທີ່ຫູໜວກ ຟັງເດີ້.ພວກເຈົ້າທີ່ຕາບອດ ເບິ່ງດີໆເດີ້.+
19 ໃຜຕາບອດຄືກັບຜູ້ຮັບໃຊ້ຂອງເຮົາ?*ໃຜຫູໜວກຄືກັບຜູ້ສົ່ງຂ່າວທີ່ເຮົາສົ່ງໄປ?
ໃຜຕາບອດຄືກັບຜູ້ທີ່ເຮົາໃຫ້ລາງວັນ?ໃຜຕາບອດຄືກັບຜູ້ຮັບໃຊ້ຂອງພະເຢໂຫວາ?+
20 ພວກເຈົ້າເຫັນຫຼາຍຢ່າງ ແຕ່ບໍ່ສົນໃຈເບິ່ງ.
ພວກເຈົ້າໄດ້ຍິນຫຼາຍເລື່ອງ ແຕ່ບໍ່ສົນໃຈຟັງ.+
21 ຍ້ອນພະເຢໂຫວາເຫັນແກ່ຄວາມຖືກຕ້ອງເພິ່ນຈຶ່ງດີໃຈທີ່ໄດ້ໃຫ້ກົດໝາຍທີ່ຍິ່ງໃຫຍ່ແລະມີກຽດ.
22 ແຕ່ເຂົາເຈົ້າເປັນຊາດທີ່ຖືກປຸ້ນແລະຖືກຈັບໄປ.+ທຸກຄົນຖືກຂັງຢູ່ໃນຂຸມແລະຖືກເຊື່ອງໄວ້ຢູ່ໃນຄຸກ.+
ເຂົາເຈົ້າຖືກປຸ້ນແລະບໍ່ມີໃຜຊ່ວຍ.+ເຂົາເຈົ້າຖືກຈັບໄປໂດຍບໍ່ມີໃຜເວົ້າວ່າ: “ພາເຂົາເຈົ້າກັບມາແມ້!”
23 ໃນພວກເຈົ້າມີໃຜບໍທີ່ຈະຟັງເລື່ອງນີ້?
ມີໃຜບໍທີ່ຈະສົນໃຈແລະຕັ້ງໃຈຟັງເພື່ອເອົາເປັນບົດຮຽນສຳລັບອະນາຄົດ?
24 ໃຜໃຫ້ຢາໂຄບຖືກຈັບແລະໃຫ້ອິດສະຣາເອນຖືກປຸ້ນ?
ກໍແມ່ນພະເຢໂຫວາ ຍ້ອນເຂົາເຈົ້າໄດ້ເຮັດຜິດຕໍ່ເພິ່ນ
ບໍ່ໄດ້ໃຊ້ຊີວິດຕາມແນວທາງຂອງເພິ່ນແລະບໍ່ໄດ້ເຊື່ອຟັງກົດໝາຍຂອງເພິ່ນ.+
25 ເພິ່ນໃຈຮ້າຍໃຫ້ເຂົາເຈົ້າຫຼາຍ.ເພິ່ນໃຈຮ້າຍແລະເຮັດໃຫ້ເຂົາເຈົ້າເຈິສົງຄາມທີ່ໂຫດຮ້າຍ.+
ໄຟຈາກສົງຄາມເຜົາທຸກຢ່າງອ້ອມຂ້າງເຂົາເຈົ້າ ແຕ່ເຂົາເຈົ້າກໍບໍ່ເດືອດບໍ່ຮ້ອນຫຍັງ.+
ເຖິງວ່າແປວໄຟຈະລຸກໄໝ້ແຮງ ແຕ່ເຂົາເຈົ້າກໍບໍ່ສົນໃຈ.+
ຂໍ
^ ຫຼື “ຄຳສອນ”
^ ແປຕາມໂຕວ່າ “ສັນຍາ”
^ ຫຼື “ເຮົາຈະບໍ່ແບ່ງກຽດທີ່ເປັນຂອງເຮົາໃຫ້ພະເຈົ້າອື່ນ”
^ ແປຕາມໂຕວ່າ “ເກາະ”
^ ອາດໝາຍເຖິງຊາດອິດສະຣາເອນ
