ເອຊາຢາ 30:1-33
30 ພະເຢໂຫວາບອກວ່າ: “ຄວາມຈິບຫາຍຈະເກີດກັບພວກລູກທີ່ດື້ດ້ານຂອງເຮົາ.+ເຂົາເຈົ້າເຮັດຕາມແຜນການຂອງໂຕເອງ ບໍ່ແມ່ນຂອງເຮົາ.+ເຂົາເຈົ້າເຮັດຂັດກັບຄວາມຕ້ອງການຂອງເຮົາໂດຍໄປເປັນມິດ*ກັບຊາດອື່ນ.ຍ້ອນແນວນີ້ ເຂົາເຈົ້າຈຶ່ງເຮັດຜິດຫຼາຍຂຶ້ນອີກ.
2 ເຂົາເຈົ້າໄປເອຢິບ+ໂດຍບໍ່ປຶກສາເຮົາ.+ເຂົາເຈົ້າໄປຂໍໃຫ້ກະສັດເອຢິບ*ຊ່ວຍປົກປ້ອງເຂົາເຈົ້າແລະເຂົາເຈົ້າໄປລີ້ຢູ່ກ້ອງຮົ່ມຂອງເອຢິບ.
3 ແຕ່ການໄປຂໍຄວາມຊ່ວຍເຫຼືອຈາກກະສັດເອຢິບຈະເຮັດໃຫ້ພວກເຈົ້າອັບອາຍແລະການໄປລີ້ຢູ່ກ້ອງຮົ່ມຂອງເອຢິບຈະເຮັດໃຫ້ພວກເຈົ້າຂາຍໜ້າ.+
4 ເມື່ອພວກເຈົ້ານາຍໄປຮອດເມືອງໂຊອານ+ແລະພວກຜູ້ສົ່ງຂ່າວໄປຮອດຮາເນັດ
5 ເຂົາເຈົ້າຈະຕ້ອງອັບອາຍຍ້ອນພວກເອຢິບ.ຍ້ອນຊາດນີ້ບໍ່ໄດ້ເຮັດປະໂຫຍດຫຍັງໃຫ້ເຂົາເຈົ້າເລີຍ ບໍ່ໄດ້ສະເໜີຄວາມຊ່ວຍເຫຼືອແລະບໍ່ໄດ້ໃຫ້ປະໂຫຍດຫຍັງມີແຕ່ເຮັດໃຫ້ອັບອາຍແລະຂາຍໜ້າເທົ່ານັ້ນ.”+
6 ຕໍ່ໄປນີ້ແມ່ນຂ່າວສານກ່ຽວກັບສັດຕ່າງໆທີ່ຢູ່ເນເກັບ.*
ພວກຜູ້ສົ່ງຂ່າວຂົນຊັບສົມບັດຂອງເຂົາເຈົ້າໃສ່ຫຼັງລາແລະຂົນເຄື່ອງໃຊ້ຂອງເຂົາເຈົ້າໃສ່ຫຼັງອູດ.ເຂົາເຈົ້າເດີນທາງຜ່ານແຜ່ນດິນທີ່ຫຍຸ້ງຍາກລຳບາກທີ່ມີໂຕສິງແຜດສຽງຮ້ອງແລະມີງູທີ່ມີພິດຮ້າຍແຮງແລະຕອດບັກໄວໆ.
ແຕ່ທຸກສິ່ງທີ່ເຂົາເຈົ້າຂົນໄປຈະຊ່ວຍຫຍັງເຂົາເຈົ້າບໍ່ໄດ້ເລີຍ.
7 ຍ້ອນຄວາມຊ່ວຍເຫຼືອຂອງເອຢິບບໍ່ມີຄ່າຫຍັງ+
ເຮົາຈຶ່ງເອີ້ນປະເທດນີ້ວ່າ: “ຣາຫັບ*+ຜູ້ທີ່ນັ່ງຢູ່ລ້າໆ.”
8 “ຕອນນີ້ ໃຫ້ໄປຂຽນເລື່ອງນີ້ໃສ່ກະດານຢູ່ຕໍ່ໜ້າເຂົາເຈົ້າແລະຂຽນໄວ້ໃນປຶ້ມ+ເພື່ອມັນຈະເປັນປະໂຫຍດໃນອະນາຄົດແລະເພື່ອຈະຢືນຢັນຄຳເວົ້າຂອງເຮົາຕະຫຼອດໄປ.+
9 ເຂົາເຈົ້າເປັນຊາດທີ່ກະບົດ+ ເປັນລູກທີ່ຂີ້ຕົວະ+ແລະເປັນລູກທີ່ບໍ່ຢາກເຊື່ອຟັງກົດໝາຍ*ຂອງພະເຢໂຫວາ.+
10 ເຂົາເຈົ້າບອກພວກຜູ້ເຫັນນິມິດວ່າ ‘ເຊົາເບິ່ງນິມິດສະ’
ແລະເວົ້າກັບພວກຜູ້ພະຍາກອນວ່າ ‘ບໍ່ຕ້ອງບອກນິມິດທີ່ເປັນຄວາມຈິງໃຫ້ພວກເຮົາຟັງ.+
ໃຫ້ບອກພວກເຮົາເລື່ອງທີ່ຟັງແລ້ວມ່ວນຫູ ແລະໃຫ້ຊອກເບິ່ງນິມິດທີ່ເປັນພາບລວງຕາ.+
11 ຢ່າຊູ່ຊື່ຫຼາຍ ເຈີດຊ້າຍເຈີດຂວາແດ່ກະໄດ້.
ບໍ່ຕ້ອງເວົ້າເລື່ອງພະເຈົ້າອົງບໍລິສຸດຂອງອິດສະຣາເອນໃຫ້ພວກເຮົາຟັງອີກ.’”+
12 ພະເຈົ້າອົງບໍລິສຸດຂອງອິດສະຣາເອນເວົ້າວ່າ:
“ພວກເຈົ້າປະຕິເສດຄຳເວົ້າຂອງເຮົາ+ເຊື່ອໃນສິ່ງທີ່ຂີ້ຕົວະແລະຫຼອກລວງແລະໄວ້ວາງໃຈໃນສິ່ງເຫຼົ່ານີ້.+
13 ຍ້ອນຄວາມຜິດນີ້ ພວກເຈົ້າຈຶ່ງເປັນຄືກັບກຳແພງທີ່ເພແລ້ວແລະເປັນຄືກັບກຳແພງສູງໆທີ່ເນີ້ງແລະໃກ້ຈະລົ້ມ.
ມັນຈະລົ້ມລົງບາດດຽວທັນທີ.
14 ມັນຈະເປັນຄືກັບໄຫດິນດາກໜ່ວຍໃຫຍ່ໆທີ່ແຕກ.ມັນຈະແຕກຈົນມຸ່ນອຸ້ຍປຸ້ຍ.ບໍ່ມີຮອດປ່ຽງນ້ອຍໆທີ່ຈະເອົາໄປເຂ່ຍຖ່ານຮ້ອນໆອອກຈາກເຕົາໄຟຫຼືຈະເອົາໄປຕັກນ້ຳທີ່ຂັງຢູ່ຫົນທາງກໍບໍ່ໄດ້.”
15 ພະເຢໂຫວາຜູ້ຍິ່ງໃຫຍ່ສູງສຸດພະເຈົ້າອົງບໍລິສຸດຂອງອິດສະຣາເອນເວົ້າວ່າ:
“ຖ້າພວກເຈົ້າກັບມາຫາເຮົາ ຢູ່ຊື່ໆແລະໄວ້ວາງໃຈເຮົາ ພວກເຈົ້າຈະປອດໄພ.ຖ້າພວກເຈົ້າເຮັດໃຈໃຫ້ສະຫງົບແລະໄວ້ວາງໃຈເຮົາ ພວກເຈົ້າຈະເຂັ້ມແຂງ.”+
ແຕ່ພວກເຈົ້າບໍ່ຢາກເຮັດແນວນີ້.+
16 ພວກເຈົ້າພັດເວົ້າວ່າ: “ບໍ່ ພວກເຮົາຈະຂີ່ມ້າໜີ!”
ແລະພວກເຈົ້າກໍເຮັດແບບນັ້ນແທ້ໆ.
ພວກເຈົ້າຍັງເວົ້າອີກວ່າ: “ພວກເຮົາຈະຂີ່ມ້າໜີໄວໆ!”+
ແຕ່ຈະມີຄົນຂີ່ມ້ານຳພວກເຈົ້າໄປໄວໆຄືກັນ.+
17 ຄົນພັນຄົນຈະຢ້ານຍ້ອນສຽງຂູ່ຂອງຄົນໆດຽວ.+ພວກເຈົ້າຈະແລ່ນໜີຍ້ອນສຽງຂູ່ຂອງຄົນຫ້າຄົນ.ຄົນທີ່ເຫຼືອຈະເປັນຄືກັບເສົາຕົ້ນດຽວຢູ່ຈອມພູແລະເປັນຄືກັບເສົາໃຫ້ສັນຍານຢູ່ໂນນພູ.+
18 ແຕ່ພະເຢໂຫວາກຳລັງລໍຖ້າຢ່າງອົດທົນ*ເພື່ອຈະເຮັດດີຕໍ່ພວກເຈົ້າ+ແລະເພິ່ນຈະອີ່ຕົນພວກເຈົ້າ.+
ພະເຢໂຫວາເປັນພະເຈົ້າທີ່ຍຸຕິທຳ.+
ທຸກຄົນທີ່ຕັ້ງໃຈລໍຖ້າເພິ່ນກໍມີຄວາມສຸກ.+
19 ເມື່ອຄົນຊີໂອນກັບໄປເມືອງເຢຣູຊາເລັມ+ ພວກເຈົ້າ*ຈະບໍ່ຮ້ອງໄຫ້ອີກ.+ ຕອນທີ່ພວກເຈົ້າຮ້ອງໃຫ້ເພິ່ນຊ່ວຍ ເພິ່ນກໍຈະຊ່ວຍພວກເຈົ້າ. ເພິ່ນຈະຊ່ວຍພວກເຈົ້າທັນທີທີ່ໄດ້ຍິນ.+
20 ເຖິງພະເຢໂຫວາຈະປ່ອຍໃຫ້ພວກເຈົ້າເຈິກັບຄວາມຍາກລຳບາກຈົນເປັນເລື່ອງທຳມະດາຄືກັບກິນເຂົ້າກິນນ້ຳ+ ແຕ່ຄູຜູ້ຍິ່ງໃຫຍ່ຜູ້ນີ້ຈະບໍ່ລີ້ຈາກພວກເຈົ້າອີກຕໍ່ໄປ ແລະພວກເຈົ້າຈະເຫັນເພິ່ນ+ດ້ວຍຕາໂຕເອງ.
21 ຖ້າພວກເຈົ້າຍ່າງເຈີດຊ້າຍເຈີດຂວາ+ ພວກເຈົ້າຈະໄດ້ຍິນສຽງຈາກທາງຫຼັງວ່າ: “ທາງທີ່ຖືກຕ້ອງຢູ່ພີ້.+ ໃຫ້ຍ່າງໄປທາງນີ້.”
22 ເຈົ້າຈະທຳລາຍຮູບບູຊາທີ່ເຈົ້າໂອບດ້ວຍເງິນດ້ວຍຄຳທີ່ເຈົ້າເຄີຍຂາບໄຫວ້.+ ເຈົ້າຈະເວົ້າວ່າ: “ຄືເປື້ອນແທ້!” ແລ້ວໂຍນມັນຖິ້ມຄືກັບໂຍນຜ້າທີ່ເປື້ອນເລືອດ*ຖິ້ມ.+
23 ເພິ່ນຈະໃຫ້ຝົນຕົກໃສ່ເມັດພືດທີ່ເຈົ້າຫວ່ານ+ ແລະຜົນລະປູກທີ່ໄດ້ນັ້ນຈະເຮັດເຂົ້າຈີ່ທີ່ມີປະໂຫຍດໄດ້ຫຼາຍແທ້ຫຼາຍວ່າ.*+ ຕອນນັ້ນ ຝູງສັດຂອງເຈົ້າຈະກິນຫຍ້າຢູ່ທົ່ງຫຍ້າທີ່ກວ້າງໆ.+
24 ງົວກັບລາທີ່ເຮັດວຽກໃຫ້ເຈົ້າຈະໄດ້ກິນອາຫານດີໆທີ່ແຍກຂີ້ແກບອອກແລ້ວ.*
25 ໃນມື້ທີ່ມີການຂ້າລ້າງໃຫຍ່ ປ້ອມຕ່າງໆຈະພັງລົງມາ. ຢູ່ພູທີ່ສູງໆທຸກໜ່ວຍແລະຢູ່ໂນນພູທຸກບ່ອນຈະມີແມ່ນ້ຳແລະນ້ຳຫ້ວຍໄຫຼ.+
26 ໃນມື້ທີ່ພະເຢໂຫວາພັນບາດໃຫ້ປະຊາຊົນຂອງເພິ່ນ+ ແລະປົວບາດຮ້າຍແຮງ*ທີ່ເປັນຍ້ອນເພິ່ນລົງໂທດເຂົາເຈົ້າ+ ແສງຂອງເດືອນທີ່ເຕັມດວງຈະແຈ້ງຄືກັບແສງຂອງຕາເວັນ ແລະແສງຂອງຕາເວັນຈະແຈ້ງຂຶ້ນ 7 ເທົ່າ+ຄືກັບແສງຂອງ 7 ມື້ລວມກັນ.
27 ຖ້າເບິ່ງເດີ້! ພະເຢໂຫວາ*ກຳລັງມາຈາກບ່ອນທີ່ໄກໆ.ເພິ່ນມາດ້ວຍຄວາມໃຈຮ້າຍຫຼາຍພ້ອມກັບຂີ້ເຝື້ອທີ່ດຳໆແລະຕຶບໜາ.
ເພິ່ນເວົ້າດ້ວຍຄວາມໃຈຮ້າຍແລະລີ້ນຂອງເພິ່ນເປັນຄືກັບໄຟທີ່ລຸກໄໝ້ແຮງ.+
28 ພະລັງຂອງເພິ່ນເປັນຄືກັບນ້ຳທີ່ໄຫຼແຮງໆທີ່ຖ້ວມຮອດຄໍ.ເພິ່ນຈະຮ່ອນຊາດຕ່າງໆຈົນບໍ່ເຫຼືອຫຍັງເລີຍ.ເພິ່ນຈະເອົາເຊືອກ*ຄາດໃສ່ປາກເຂົາເຈົ້າ+ເພື່ອພາເຂົາເຈົ້າໄປຜິດທາງ.
29 ແຕ່ພວກເຈົ້າຈະຮ້ອງເພງຄືກັບຮ້ອງຢູ່ໃນຄືນທີ່ກຽມສະຫຼອງເທດສະການ.+ພວກເຈົ້າຈະມີຄວາມມ່ວນຊື່ນຄືກັບຄົນທີ່ເປົ່າຂຸ່ຍ*ແລະຍ່າງຂຶ້ນໄປພູຂອງພະເຢໂຫວາຜູ້ເປັນຫີນຜາຂອງອິດສະຣາເອນ.+
30 ພະເຢໂຫວາຈະເຮັດໃຫ້ມະນຸດໄດ້ຍິນສຽງທີ່ມີພະລັງຂອງເພິ່ນ.+ເພິ່ນຈະເອົາແຂນຂອງເພິ່ນ+ຟາດລົງມາເພື່ອລົງໂທດພວກສັດຕູ+ດ້ວຍໄຟທີ່ລຸກໄໝ້ແຮງ+ດ້ວຍຝົນຕົກແຮງ+ ດ້ວຍຟ້າຮ້ອງແລະໝາກເຫັບຕົກ.+
31 ພວກອັດຊີເຣຍຈະຢ້ານຫຼາຍເມື່ອໄດ້ຍິນສຽງຂອງພະເຢໂຫວາ.+ເພິ່ນຈະເອົາໄມ້ແສ້ຟາດເຂົາເຈົ້າ.+
32 ທຸກເທື່ອທີ່ພະເຢໂຫວາຕີພວກອັດຊີເຣຍດ້ວຍໄມ້ແສ້ທີ່ເພິ່ນໃຊ້ລົງໂທດຈະມີສຽງກອງແທມບູຣິນ*ແລະສຽງພິນ+ຕອນທີ່ເພິ່ນຍົກແຂນຕໍ່ສູ້ເຂົາເຈົ້າໃນສົງຄາມ.+
33 ພະເຈົ້າໄດ້ກຽມບ່ອນ*ທີ່ຈະທຳລາຍເຂົາເຈົ້າໄວ້ແລ້ວ.+ບ່ອນນັ້ນຈະໃຊ້ສຳລັບກະສັດຂອງເຂົາເຈົ້ານຳ.+
ເພິ່ນກຽມຟືນກັບໄຟໄວ້ບັກຫຼາຍໆແລະເອົາຟືນໄປກອງທັບກັນຈົນເຕັມບ່ອນທີ່ເລິກໆ.
ລົມຫາຍໃຈຂອງພະເຢໂຫວາເປັນຄືກັບແປວໄຟໃຫຍ່*ທີ່ພ້ອມຈະຈູດກອງຟືນນັ້ນ.
ຂໍ
^ ແປຕາມໂຕວ່າ “ຖອກເຄື່ອງບູຊາດື່ມ.” ອາດໝາຍເຖິງການເຮັດສັນຍາ.
^ ແປຕາມໂຕວ່າ “ຟາໂຣ”
^ ຫຼື “ທາງທິດໃຕ້”
^ ເບິ່ງສ່ວນອະທິບາຍຄຳສັບ
^ ຫຼື “ຄຳສອນ”
^ ຫຼື “ຕັ້ງໃຈລໍຖ້າ”
^ ຄຳວ່າ “ພວກເຈົ້າ” ໃນຂໍ້ນີ້ໃນພາສາເຮັບເຣີເປັນຮູບແບບຄຳທີ່ເວົ້າກັບຄົນໆດຽວ
^ ຫຼື “ຜ້າທີ່ເປື້ອນເລືອດປະຈຳເດືອນ”
^ ແປຕາມໂຕວ່າ “ເຂົ້າຈີ່ກ້ອນໃຫຍ່ໆທີ່ໃສ່ນ້ຳມັນໝາກກອກຫຼາຍໆ”
^ ຫຼື “ທີ່ໃຊ້ຊວ້ານກັບຊວ້ານທີ່ມີຫຼາຍງ່າມແຍກຂີ້ແກບອອກແລ້ວ”
^ ຫຼື “ຮອຍແຕກ”
^ ແປຕາມໂຕວ່າ “ຊື່ຂອງພະເຢໂຫວາ”
^ ເຊືອກນີ້ມັດຢູ່ສອງສົ້ນຂອງເຫຼັກສຳລັບໃສ່ປາກມ້າເພື່ອຈະຄວບຄຸມມັນໄດ້
^ ຫຼື “ຄົນທີ່ຍ່າງນຳສຽງຂຸ່ຍ”
^ ກອງນ້ອຍທີ່ມີແສ່ງຕິດນຳ
^ ແປຕາມໂຕວ່າ “ໂຕເຟັດ.” ຄຳນີ້ເປັນຄຳສົມທຽບໝາຍເຖິງບ່ອນທີ່ມີໄຟລຸກໄໝ້ເຊິ່ງໝາຍເຖິງການທຳລາຍ.
^ ແປຕາມໂຕວ່າ “ມາດ”
