ເພງສັນລະເສີນ 85:1-13
ເຖິງຜູ້ຄວບຄຸມດົນຕີ. ເພງຂອງລູກຫຼານໂກຣາ.+ ເພງສັນລະເສີນ.
85 ພະເຢໂຫວາເອີ້ຍ ພະອົງໄດ້ສະແດງຄວາມເມດຕາຕໍ່ແຜ່ນດິນຂອງພະອົງ.+ພະອົງໄດ້ພາລູກຫຼານຂອງຢາໂຄບທີ່ຖືກຈັບໄປເປັນຊະເລີຍກັບຄືນມາ.+
2 ພະອົງໄດ້ຍົກໂທດໃຫ້ປະຊາຊົນຂອງພະອົງ.ພະອົງໄດ້ໃຫ້ອະໄພ*ບາບທັງໝົດຂອງເຂົາເຈົ້າ.+ (ເຊລາ)*
3 ພະອົງອົດຄວາມໃຈຮ້າຍຂອງໂຕເອງໄວ້.ພະອົງບໍ່ໄດ້ປ່ອຍຄວາມໃຈຮ້າຍແຮງອອກມາ.+
4 ພະເຈົ້າຜູ້ຊ່ວຍໃຫ້ລອດຂອງພວກເຮົາເອີ້ຍ ຂໍພະອົງຍອມຮັບພວກເຮົາອີກເທື່ອໜຶ່ງ.*ຂໍພະອົງຢ່າບໍ່ພໍໃຈໃຫ້ພວກເຮົາອີກເລີຍ.+
5 ພະອົງຈະໃຈຮ້າຍໃຫ້ພວກເຮົາຕະຫຼອດໄປບໍ?+
ພະອົງຈະໃຈຮ້າຍໃຫ້ພວກເຮົາໄປຕະຫຼອດທຸກຍຸກທຸກສະໄໝເລີຍບໍ?
6 ພະອົງຈະບໍ່ຊ່ວຍໃຫ້ພວກເຮົາມີຊີວິດຕໍ່ໄປບໍ?ຖ້າພະອົງຊ່ວຍ ພວກເຮົາທີ່ເປັນປະຊາຊົນຂອງພະອົງກໍຈະໄດ້ຍິນດີຍ້ອນພະອົງ.+
7 ພະເຢໂຫວາເອີ້ຍ ຂໍພະອົງສະແດງຄວາມຮັກທີ່ໝັ້ນຄົງຕໍ່ພວກເຮົາ+ແລະຂໍພະອົງຊ່ວຍພວກເຮົາໃຫ້ລອດ.
8 ຂ້ອຍຈະຟັງສິ່ງທີ່ພະເຢໂຫວາພະເຈົ້າທ່ຽງແທ້ເວົ້າຍ້ອນເພິ່ນຈະເວົ້າເລື່ອງຄວາມສະຫງົບສຸກໃຫ້ປະຊາຊົນ+ທີ່ສັດຊື່ຂອງເພິ່ນຟັງ.ແຕ່ຂໍຢ່າໃຫ້ເຂົາເຈົ້າໝັ້ນໃຈໂຕເອງຫຼາຍໂພດຄືກັບແຕ່ກີ້.+
9 ເພິ່ນພ້ອມຈະຊ່ວຍຄົນທີ່ນັບຖື*ເພິ່ນໃຫ້ລອດ+ເພື່ອເພິ່ນຈະໄດ້ຮັບກຽດຢູ່ແຜ່ນດິນຂອງພວກເຮົາ.
10 ຄວາມຮັກທີ່ໝັ້ນຄົງກັບຄວາມສັດຊື່ຈະມາເຈິກັນ.ຄວາມຖືກຕ້ອງກັບຄວາມສະຫງົບສຸກຈະໄປນຳກັນ.+
11 ຄວາມສັດຊື່ຈະປົ່ງຂຶ້ນມາຈາກແຜ່ນດິນແລະຄວາມຍຸຕິທຳຈະເບິ່ງລົງມາຈາກຟ້າ.+
12 ພະເຢໂຫວາຈະໃຫ້ສິ່ງດີໆກັບພວກເຮົາ*+ແລະແຜ່ນດິນຂອງພວກເຮົາຈະເກີດດອກອອກໝາກຫຼາຍ.+
13 ຄວາມຍຸຕິທຳຈະຍ່າງອອກໜ້າເພິ່ນ+ແລະຈະກຽມທາງໄວ້ໃຫ້ເພິ່ນ.
ຂໍ
^ ແປຕາມໂຕວ່າ “ປົກຄຸມ”
^ ເບິ່ງສ່ວນອະທິບາຍຄຳສັບ
^ ຫຼື “ຂໍພະອົງລວບລວມພວກເຮົາກັບມາ”
^ ແປຕາມໂຕວ່າ “ຢ້ານຢຳ”
^ ຫຼື “ໃຫ້ພວກເຮົາຈະເລີນກ້າວໜ້າ”
