ເພງສັນລະເສີນ 83:1-18
ເພງສັນລະເສີນ. ເພງຂອງອາສັບ.+
83 ພະເຈົ້າເອີ້ຍ ຂໍພະອົງຢ່າມິດຢູ່ຊື່ໆ.+ພະເຈົ້າຜູ້ມີລິດເດດສູງສຸດ ຂໍພະອົງຢ່າມິດງຽບເລີຍ.
2 ສັດຕູຂອງພະອົງກຽມພ້ອມຈະສູ້ແລ້ວ.+ຄົນທີ່ຊັງພະອົງກໍເຮັດທ່າທາງຈອງຫອງຂະໜາດ.
3 ເຂົາເຈົ້າວາງແຜນທີ່ມີເລ່ລ່ຽມແບບລັບໆເພື່ອຈັດການຄົນຂອງພະອົງ.ເຂົາເຈົ້າລວມຫົວກັນຕໍ່ສູ້ຄົນທີ່ມີຄ່າຂອງພະອົງ.*
4 ເຂົາເຈົ້າເວົ້າວ່າ: “ໄປ໋! ໃຫ້ພວກເຮົາພາກັນໄປທຳລາຍພວກມັນໃຫ້ໝົດຊາດ+ເພື່ອຈະບໍ່ໃຫ້ໃຜຈື່ຊື່ຂອງພວກອິດສະຣາເອນອີກຕໍ່ໄປ.”
5 ເຂົາເຈົ້າລວມຫົວກັນວາງແຜນຮ້າຍແລະຕົກລົງ*ກັນວ່າຈະຕໍ່ຕ້ານພະອົງ.+
6 ເຂົາເຈົ້າມີພວກເອໂດມ ພວກອິດຊະມາເອນ ພວກໂມອາບ+ ພວກຮັກກິດ+
7 ພວກເກບານ ພວກອຳໂມນ+ ພວກອາມາເລັກພວກຟີລິດສະຕີນ+ ແລະລວມທັງຄົນທີ່ຢູ່ເມືອງຕີເຣນຳ.+
8 ພວກອັດຊີເຣຍ+ກໍມາຮ່ວມມືກັບພວກນັ້ນ.ເຂົາເຈົ້າສະໜັບສະໜູນລູກຫຼານຂອງໂລດ.*+ (ເຊລາ)*
9 ຂໍພະອົງເຮັດກັບເຂົາເຈົ້າຄືກັບທີ່ເຮັດກັບພວກມີດີອານ+ແລະຄືກັບທີ່ເຮັດກັບຊີເຊຣາແລະຢາບິນຢູ່ຫ້ວຍ*ກີໂຊນ.+
10 ເຂົາເຈົ້າຖືກທຳລາຍຢູ່ເອັນໂດເຣ.+ເຂົາເຈົ້າກາຍເປັນຂີ້ສັດຢູ່ດິນ.
11 ຂໍໃຫ້ພວກເຈົ້ານາຍຂອງເຂົາເຈົ້າເປັນຄືກັບໂອເຣັບແລະເຊເອບ+ແລະຂໍໃຫ້ພວກຜູ້ນຳຂອງເຂົາເຈົ້າເປັນຄືກັບເສບາແລະຊັນມຸນນາ+
12 ຍ້ອນເຂົາເຈົ້າເວົ້າວ່າ: “ໄປ໋! ໃຫ້ພວກເຮົາໄປຍຶດເອົາແຜ່ນດິນທີ່ພະເຈົ້າຢູ່.”
13 ພະເຈົ້າຂອງລູກເອີ້ຍ ຂໍພະອົງເຮັດໃຫ້ເຂົາເຈົ້າເປັນຄືກັບຕົ້ນໜາມ*+ຄືກັບຕໍເຟືອງທີ່ຖືກລົມພັດປິວໄປ
14 ຄືກັບໄຟທີ່ໄໝ້ປ່າແລະຄືກັບໄຟທີ່ໄໝ້ລາມພູຕ່າງໆ.+
15 ຂໍພະອົງໃຊ້ພາຍຸທີ່ພັດແຮງໆໄລ່ເຂົາເຈົ້າ+ແລະຂໍພະອົງໃຊ້ລົມພາຍຸຂອງພະອົງເຮັດໃຫ້ເຂົາເຈົ້າຢ້ານ.+
16 ພະເຢໂຫວາເອີ້ຍ ຂໍພະອົງເຮັດໃຫ້ເຂົາເຈົ້າອັບອາຍຂາຍໜ້າເພື່ອເຂົາເຈົ້າຈະໄດ້ຮ້ອງຫາຊື່ຂອງພະອົງ.
17 ຂໍໃຫ້ເຂົາເຈົ້າຂາຍໜ້າແລະຢ້ານຕະຫຼອດໄປ.ຂໍໃຫ້ເຂົາເຈົ້າເສຍກຽດແລະຖືກທຳລາຍ.
18 ຂໍໃຫ້ທຸກຄົນຮູ້ວ່າພະອົງຜູ້ມີຊື່ວ່າເຢໂຫວາ+ເປັນພະເຈົ້າສູງສຸດອົງດຽວທີ່ປົກຄອງທົ່ວໂລກ.+
ຂໍ
^ ແປຕາມໂຕວ່າ “ຄົນທີ່ຖືກເຊື່ອງ”
^ ຫຼື “ເຮັດສັນຍາ”
^ ເບິ່ງສ່ວນອະທິບາຍຄຳສັບ
^ ໝາຍເຖິງພວກໂມອາບແລະພວກອຳໂມນ
^ ຫຼື “ວາດີ.” ເບິ່ງສ່ວນອະທິບາຍຄຳສັບ.
^ ໝາຍເຖິງງ່າຂອງຕົ້ນໜາມທີ່ພັນກັນເປັນປຸ້ມ
