ເພງສັນລະເສີນ 27:1-14
ເພງຂອງດາວິດ.
27 ພະເຢໂຫວາເປັນແສງສະຫວ່າງ+ແລະເປັນຄວາມລອດຂອງຂ້ອຍ
ຂ້ອຍຈະຕ້ອງຢ້ານໃຜ?+
ພະເຢໂຫວາເປັນປ້ອມທີ່ປົກປ້ອງຊີວິດຂອງຂ້ອຍ+
ຂ້ອຍຈະຕ້ອງຢ້ານຜູ້ໃດ?
2 ຕອນທີ່ພວກຄົນຊົ່ວມາໂຈມຕີເພື່ອຈະຂ້າຂ້ອຍ+ສັດຕູເຫຼົ່ານັ້ນພັດເປັນຝ່າຍສະດຸດແລະລົ້ມລົງ.
3 ເຖິງວ່າຈະມີກອງທັບມາຕັ້ງຄ້າຍຕໍ່ສູ້ຂ້ອຍໃຈຂ້ອຍກໍຈະບໍ່ຢ້ານ.+
ເຖິງວ່າຈະມີຄົນມາເຮັດສົງຄາມກັບຂ້ອຍຂ້ອຍກໍຈະຍັງໝັ້ນໃຈໃນພະເຈົ້າຢູ່.
4 ສິ່ງໜຶ່ງທີ່ຂ້ອຍເຄີຍຂໍຈາກພະເຢໂຫວາເຊິ່ງເປັນສິ່ງທີ່ຂ້ອຍຢາກໄດ້ຫຼາຍນັ້ນແມ່ນການໄດ້ຢູ່ວິຫານ*ຂອງພະເຢໂຫວາຕະຫຼອດຊີວິດຂອງຂ້ອຍ+ເພື່ອຈະໄດ້ແນມເບິ່ງຄວາມດີ*ຂອງພະເຢໂຫວາແລະເບິ່ງວິຫານຂອງເພິ່ນດ້ວຍຄວາມຊື່ນຊົມຍິນດີ.*+
5 ໃນມື້ທີ່ມີການທຳລາຍ ເພິ່ນຈະພາຂ້ອຍໄປລີ້ຢູ່ບ່ອນຂອງເພິ່ນ.+ເພິ່ນຈະເຊື່ອງຂ້ອຍໄວ້ຢູ່ບ່ອນລັບໃນເຕັ້ນຂອງເພິ່ນ.+ເພິ່ນຈະພາຂ້ອຍໄປຢູ່ເທິງຫີນຜາທີ່ສູງໆ.+
6 ຕອນນີ້ຂ້ອຍຊະນະສັດຕູຂອງຂ້ອຍແລ້ວ.ຂ້ອຍຈະເອົາເຄື່ອງບູຊາມາໃຫ້ຢູ່ເຕັ້ນຂອງເພິ່ນແລະຮ້ອງດັງໆດ້ວຍຄວາມດີໃຈ.ຂ້ອຍຈະຮ້ອງເພງ*ສັນລະເສີນພະເຢໂຫວາ.
7 ພະເຢໂຫວາເອີ້ຍ ຂໍພະອົງຟັງລູກຕອນທີ່ລູກຮ້ອງຫາພະອົງ.+ຂໍພະອົງອີ່ຕົນລູກແລະຕອບລູກແດ່.+
8 ໃນໃຈຂອງລູກ ລູກຈື່ຄຳສັ່ງຂອງພະອົງໄດ້. ພະອົງບອກວ່າ:
“ໃຫ້ຊອກຫາວ່າສິ່ງໃດເຮັດໃຫ້ເຮົາພໍໃຈ?”*
ພະເຢໂຫວາເອີ້ຍ ລູກຈະຊອກຫາວ່າແມ່ນຫຍັງເຮັດໃຫ້ພະອົງພໍໃຈ.+
9 ຂໍພະອົງຢ່າປິ່ນໜ້າໜີຈາກລູກ.+
ຂໍພະອົງຢ່າໄລ່ລູກ*ໜີດ້ວຍຄວາມໃຈຮ້າຍ.
ພະອົງເປັນຜູ້ຊ່ວຍຂອງລູກ.+ພະເຈົ້າຜູ້ຊ່ວຍໃຫ້ລອດຂອງລູກເອີ້ຍ ຂໍພະອົງຢ່າປະຢ່າຖິ້ມລູກເດີ້.
10 ເຖິງວ່າພໍ່ແມ່ແທ້ໆຈະປະຖິ້ມລູກ+ແຕ່ພະເຢໂຫວາຈະຮັບລູກໄວ້.+
11 ພະເຢໂຫວາເອີ້ຍ ຂໍພະອົງສອນລູກໃຫ້ຮູ້ຈັກແນວທາງຂອງພະອົງ.+ຂໍພະອົງພາລູກໄປໃນທາງທີ່ຖືກຕ້ອງເພື່ອລູກຈະໄດ້ຊະນະສັດຕູ.
12 ຂໍຢ່າສົ່ງລູກໃຫ້ພວກສັດຕູ+ເພາະມີຄົນມາເປັນພະຍານໃສ່ຮ້າຍລູກ+ແລະເຂົາເຈົ້າກໍຂູ່ວ່າຈະທຳຮ້າຍລູກ.
13 ຖ້າລູກບໍ່ເຊື່ອວ່າລູກຈະໄດ້ເຫັນຄວາມດີຂອງພະເຢໂຫວາຕອນທີ່ຍັງມີຊີວິດຢູ່+ລູກກໍຄືຊິອົດທົນບໍ່ໄດ້.*
14 ໃຫ້ພວກເຮົາລໍຖ້າພະເຢໂຫວາດ້ວຍຄວາມໝັ້ນໃຈ.+ໃຫ້ພວກເຮົາກ້າຫານແລະມີຈິດໃຈທີ່ເຂັ້ມແຂງ.+
ຂໍໃຫ້ພວກເຮົາລໍຖ້າພະເຢໂຫວາດ້ວຍຄວາມໝັ້ນໃຈເດີ້.
ຂໍ
^ ຫຼື “ບ່ອນບໍລິສຸດ”
^ ຫຼື “ຄວາມສະຫງ່າງາມ”
^ ຫຼື “ເບິ່ງວິຫານຂອງເພິ່ນແລະຄິດຕຶກຕອງ”
^ ຫຼື “ຫຼິ້ນດົນຕີ”
^ ແປຕາມໂຕວ່າ “ຊອກຫາໜ້າຂອງເຮົາ”
^ ແປຕາມໂຕວ່າ “ລູກທີ່ເປັນຜູ້ຮັບໃຊ້ຂອງພະອົງ”
^ ຫຼືອາດແປວ່າ “ລູກເຊື່ອວ່າຈະໄດ້ເຫັນຄວາມດີຂອງພະເຢໂຫວາຕອນທີ່ຍັງມີຊີວິດຢູ່ແນ່ນອນ”
