ເພງສັນລະເສີນ 108:1-13
ເພງສັນລະເສີນ. ເພງຂອງດາວິດ.
108 ພະເຈົ້າເອີ້ຍ ໃຈຂອງລູກໝັ້ນຄົງ.
ລູກຈະຮ້ອງເພງແລະຫຼິ້ນດົນຕີສັນລະເສີນພະອົງສຸດຫົວໃຈ.+
2 ລູກຈະຕື່ນແຕ່ເຊົ້າໆ. ລູກຈະຕື່ນກ່ອນຕາເວັນຂຶ້ນ.
ລູກຢາກດີດພິນແລະຫຼິ້ນເຄື່ອງດົນຕີທີ່ມີສາຍ.+
3 ພະເຢໂຫວາເອີ້ຍ ລູກຈະສັນລະເສີນພະອົງຕໍ່ໜ້າຄົນໃນຊາດຕ່າງໆ.ລູກຈະຮ້ອງເພງ*ສັນລະເສີນພະອົງຕໍ່ໜ້າຄົນໃນປະເທດຕ່າງໆ
4 ຍ້ອນຄວາມຮັກທີ່ໝັ້ນຄົງຂອງພະອົງຍິ່ງໃຫຍ່ແລະສູງສ່ຳກັບສະຫວັນ+ແລະຄວາມສັດຊື່ຂອງພະອົງກໍສູງຈຳຟ້າ.
5 ພະເຈົ້າເອີ້ຍ ຂໍພະອົງສະແດງໃຫ້ເຫັນວ່າພະອົງຍິ່ງໃຫຍ່ຫຼາຍສ່ຳໃດໃນສະຫວັນແລະຂໍໃຫ້ສະຫງ່າລາສີຂອງພະອົງແຜ່ໄປທົ່ວແຜ່ນດິນໂລກ.+
6 ເພື່ອຄົນທີ່ພະອົງຮັກຈະໄດ້ຮັບການຊ່ວຍໃຫ້ລອດຂໍພະອົງໃຊ້ມືຂວາຂອງພະອົງຊ່ວຍພວກເຮົາແລະຂໍຕອບຄຳອະທິດຖານຂອງລູກ.+
7 ພະເຈົ້າອົງບໍລິສຸດໄດ້ເວົ້າວ່າ:*
“ເຮົາຈະມີຄວາມຍິນດີ ເມື່ອເຮົາໃຫ້ເມືອງເຊເຄັມ+ເປັນມໍລະດົກ.ເຮົາຈະແທກຮ່ອມພູສຸກໂກດເພື່ອແບ່ງໃຫ້ຄົນທີ່ເຮົາຕ້ອງການ.+
8 ກິລຽດ+ກັບມານາເຊເປັນຂອງເຮົາເອຟຣາຢິມເປັນໝວກເກາະ*ຂອງເຮົາ+ແລະຢູດາເປັນໄມ້ຄ້ອນເທົ້າທີ່ສະແດງເຖິງອຳນາດການປົກຄອງຂອງເຮົາ.+
9 ໂມອາບເປັນອ່າງລ້າງມືຂອງເຮົາ.+
ເຮົາຈະດຶກເກີບໃສ່ເອໂດມ.+
ເຮົາຈະຮ້ອງສຽງດັງເມື່ອເອົາຊະນະຟີລິດສະຕີນໄດ້.”+
10 ໃຜຈະຊ່ວຍລູກໃຫ້ເອົາຊະນະເມືອງທີ່ມີກຳແພງສູງໆອ້ອມ?
ໃຜຈະນຳໜ້າລູກໄປຕໍ່ສູ້ເອໂດມທີ່ຢູ່ໄກໆ?+
11 ກໍມີແຕ່ພະອົງນີ້ແຫຼະທີ່ຈະຊ່ວຍພວກເຮົາໃຫ້ຊະນະໄດ້. ແຕ່ພະອົງປະຖິ້ມພວກເຮົາແລ້ວ.ພະອົງທີ່ເປັນພະເຈົ້າຂອງພວກເຮົາບໍ່ໄດ້ໄປນຳກອງທັບຂອງພວກເຮົາແລ້ວ.+
12 ຂໍພະອົງຊ່ວຍພວກເຮົາໃຫ້ພົ້ນຈາກຄວາມທຸກ+ຍ້ອນວ່າມະນຸດຊ່ວຍຫຍັງພວກເຮົາບໍ່ໄດ້ແລະບໍ່ມີປະໂຫຍດຫຍັງທີ່ຈະລໍຖ້າເຂົາເຈົ້າ.+
13 ພະເຈົ້າຈະຊ່ວຍພວກເຮົາໃຫ້ມີກຳລັງ+ແລະພະອົງຈະບີ້ສັດຕູຂອງພວກເຮົາ.+
ຂໍ
^ ຫຼື “ຫຼິ້ນດົນຕີ”
^ ຫຼືອາດແປວ່າ “ພະເຈົ້າເວົ້າຈາກບ່ອນບໍລິສຸດຂອງພະອົງວ່າ”
^ ແປຕາມໂຕວ່າ “ປ້ອມທີ່ແຂງແຮງ”
