ເພງສັນລະເສີນ 105:1-45
105 ໃຫ້ຂອບໃຈພະເຢໂຫວາ+ແລະເອີ້ນຊື່ເພິ່ນ.ໃຫ້ທຸກຄົນຮູ້ວ່າເພິ່ນໄດ້ເຮັດຫຍັງແດ່.+
2 ໃຫ້ຮ້ອງເພງໃຫ້ເພິ່ນແລະຫຼິ້ນດົນຕີສັນລະເສີນເພິ່ນ.ໃຫ້ຄິດເຖິງ*ສິ່ງທີ່ເປັນຕາງຶດທີ່ເພິ່ນໄດ້ເຮັດ.+
3 ໃຫ້ພູມໃຈທີ່ໄດ້ສັນລະເສີນຊື່ທີ່ບໍລິສຸດຂອງເພິ່ນ.+
ໃຫ້ຫົວໃຈຂອງຄົນທີ່ຊອກຫາພະເຢໂຫວາມີຄວາມສຸກ.+
4 ໃຫ້ຊອກຫາພະເຢໂຫວາ+ແລະເພິ່ງກຳລັງຈາກເພິ່ນ.
ຂໍໃຫ້ເພິ່ນຊ່ວຍເລື້ອຍໆ.
5 ໃຫ້ຄິດເຖິງສິ່ງທີ່ເປັນຕາງຶດທີ່ເພິ່ນໄດ້ເຮັດ.ໃຫ້ຄິດເຖິງການອັດສະຈັນແລະການຕັດສິນທີ່ຍຸຕິທຳຂອງເພິ່ນ+
6 ພວກເຈົ້າທີ່ເປັນລູກຫຼານ*ຂອງອັບຣາຮາມຜູ້ຮັບໃຊ້ຂອງເພິ່ນ+ພວກເຈົ້າທີ່ເປັນລູກຫຼານຂອງຢາໂຄບທີ່ເພິ່ນໄດ້ເລືອກໄວ້.+
7 ເພິ່ນແມ່ນພະເຢໂຫວາພະເຈົ້າຂອງພວກເຮົາ.+
ເພິ່ນຕັດສິນທຸກສິ່ງໃນໂລກ.+
8 ເພິ່ນຈື່ຄຳສັນຍາຂອງເພິ່ນຕະຫຼອດໄປ.+ເພິ່ນບໍ່ລືມຄຳສັນຍາທີ່ເພິ່ນໄດ້ເຮັດ*+
9 ເຊິ່ງກໍຄືຄຳສັນຍາທີ່ເພິ່ນເຮັດກັບອັບຣາຮາມ+ແລະຄຳສັນຍາທີ່ເພິ່ນເຮັດກັບອີຊາກ.+
10 ເພິ່ນໄດ້ຢືນຢັນຄຳສັນຍານັ້ນກັບຢາໂຄບແລະເຮັດໃຫ້ຄຳສັນຍາທີ່ເຮັດກັບອິດສະຣາເອນໝັ້ນຄົງ.
11 ເພິ່ນເວົ້າວ່າ: “ເຮົາຈະເອົາແຜ່ນດິນການາອານ+ໃຫ້ເຈົ້າເປັນມໍລະດົກ.”+
12 ຕອນນັ້ນ ເຂົາເຈົ້າຍັງມີຄົນບໍ່ຫຼາຍປານໃດ+ແລະອາໄສຢູ່ປະເທດຂອງຄົນອື່ນ.+
13 ເຂົາເຈົ້າຍ້າຍຈາກບ່ອນນີ້ໄປຢູ່ບ່ອນນັ້ນແລະຈາກປະເທດນີ້ໄປຢູ່ປະເທດນັ້ນ.+
14 ເພິ່ນບໍ່ຍອມໃຫ້ໃຜມາຂົ່ມເຫງເຂົາເຈົ້າ.+ເພິ່ນໄດ້ສັ່ງສອນກະສັດຫຼາຍອົງເພື່ອເຂົາເຈົ້າ.+
15 ເພິ່ນບອກພວກກະສັດເຫຼົ່ານັ້ນວ່າ: “ຢ່າມາແຕະຕ້ອງຜູ້ທີ່ເຮົາເລືອກໄວ້ແລະຢ່າເຮັດບໍ່ດີຕໍ່ຜູ້ພະຍາກອນຂອງເຮົາ.”+
16 ເພິ່ນເຮັດໃຫ້ມີຄວາມອຶດຢາກໃນແຜ່ນດິນ.+ເພິ່ນເຮັດໃຫ້ເຂົາເຈົ້າບໍ່ມີອາຫານກິນ.*
17 ເພິ່ນສົ່ງຜູ້ຊາຍຄົນໜຶ່ງໄປກ່ອນເຂົາເຈົ້າເຊິ່ງກໍຄືໂຢເຊັບທີ່ຖືກຂາຍໄປເປັນທາດ.+
18 ເຂົາເຈົ້າເອົາໂສ້ລ່າມ*ຕີນລາວໄວ້+ແລະເອົາໂສ້ລ່າມຄໍລາວ
19 ຈົນຮອດເວລາທີ່ຄຳເວົ້າຂອງພະເຢໂຫວາເກີດຂຶ້ນແທ້.+ຄຳເວົ້ານັ້ນຂອງເພິ່ນເຮັດໃຫ້ລາວເປັນຄົນທີ່ດີຂຶ້ນ.
20 ກະສັດໄດ້ອອກຄຳສັ່ງໃຫ້ປ່ອຍລາວ.+ຜູ້ປົກຄອງປະຊາຊົນໄດ້ປ່ອຍລາວໃຫ້ເປັນອິດສະຫຼະ.
21 ກະສັດໄດ້ແຕ່ງຕັ້ງໂຢເຊັບໃຫ້ເປັນຜູ້ເບິ່ງແຍງວັງຂອງລາວແລະໃຫ້ເບິ່ງແຍງຊັບສົມບັດທັງໝົດຂອງລາວ.+
22 ກະສັດໃຫ້ລາວມີອຳນາດສັ່ງພວກເຈົ້ານາຍຕາມທີ່ລາວເຫັນວ່າເໝາະສົມແລະໃຫ້ລາວສອນພວກຜູ້ນຳໃຫ້ເປັນຄົນສະຫຼາດ.+
23 ແລ້ວອິດສະຣາເອນກໍມາຢູ່ເອຢິບ.+ຢາໂຄບຢູ່ແຜ່ນດິນຂອງຮາມຄືກັບຄົນຕ່າງຊາດ.
24 ພະເຈົ້າເຮັດໃຫ້ປະຊາຊົນຂອງເພິ່ນມີຫຼາຍຂຶ້ນເລື້ອຍໆ.+ເພິ່ນເຮັດໃຫ້ເຂົາເຈົ້າມີຄົນຫຼາຍກວ່າພວກສັດຕູ.+
25 ເພິ່ນຍອມໃຫ້ພວກສັດຕູຊັງປະຊາຊົນຂອງເພິ່ນແລະວາງແຜນຕໍ່ສູ້ຜູ້ຮັບໃຊ້ຂອງເພິ່ນ.+
26 ເພິ່ນສົ່ງໂມເຊຜູ້ຮັບໃຊ້ຂອງເພິ່ນ+ແລະອາໂຣນ+ຜູ້ທີ່ເພິ່ນເລືອກໄປຫາເຂົາເຈົ້າ.
27 ເຂົາເຈົ້າໄດ້ເຮັດການອັດສະຈັນຈາກພະເຈົ້າໃຫ້ຄົນເຫຼົ່ານັ້ນເຫັນ.ເຂົາເຈົ້າໄດ້ເຮັດການອັດສະຈັນຈາກເພິ່ນໃນແຜ່ນດິນຂອງຮາມ.+
28 ເພິ່ນໄດ້ສົ່ງຄວາມມືດມາແລະແຜ່ນດິນກໍມືດ.+ເຂົາເຈົ້າເຊື່ອຟັງຄຳເວົ້າຂອງເພິ່ນ.
29 ເພິ່ນໄດ້ເຮັດໃຫ້ນ້ຳຂອງເຂົາເຈົ້າກາຍເປັນເລືອດແລະເຮັດໃຫ້ປາຕາຍ.+
30 ເພິ່ນໄດ້ເຮັດໃຫ້ແຜ່ນດິນຂອງເຂົາເຈົ້າເຕັມແຕ່ຝູງກົບ.+ຂະໜາດຫ້ອງຢູ່ໃນວັງກໍຍັງມີກົບເຂົ້າໄປ.
31 ເພິ່ນສັ່ງໃຫ້ຝູງເຫຼືອກເຂົ້າໄປໃນແຜ່ນດິນຂອງເຂົາເຈົ້າແລະໃຫ້ມີຝູງຮີ້ນໄປຢູ່ທົ່ວເຂດຂອງເຂົາເຈົ້າ.+
32 ເພິ່ນປ່ຽນຝົນໃຫ້ເປັນໝາກເຫັບແລະໃຫ້ມີຟ້າຜ່າ*ຢູ່ແຜ່ນດິນຂອງເຂົາເຈົ້າ.+
33 ເພິ່ນເຮັດໃຫ້ຕົ້ນໝາກລະແຊັງແລະຕົ້ນໝາກເດື່ອຂອງເຂົາເຈົ້າຕາຍແລະທຳລາຍຕົ້ນໄມ້ທີ່ຢູ່ໃນເຂດຂອງເຂົາເຈົ້າ.
34 ເພິ່ນສັ່ງໃຫ້ຝູງຕັກກະແຕນເຂົ້າໄປໃນແຜ່ນດິນຂອງເຂົາເຈົ້າ.ຕັກກະແຕນກໍມີບັກຫຼາຍໆຈົນນັບບໍ່ຫຼ້ອນ.+
35 ພວກມັນກິນພືດຜັກໃນແຜ່ນດິນແລະພວກມັນກໍກິນຜົນລະປູກຈາກດິນ.
36 ແລ້ວເພິ່ນໄດ້ຂ້າລູກຊາຍຜູ້ທຳອິດໃນແຜ່ນດິນຂອງເຂົາເຈົ້າ+ເຊິ່ງເປັນຜົນງານທຳອິດຈາກພະລັງຂອງເຂົາເຈົ້າ.
37 ເພິ່ນພາປະຊາຊົນຂອງເພິ່ນອອກມາພ້ອມກັບເງິນກັບຄຳ.+ບໍ່ມີຜູ້ໃດໝົດເຫື່ອໝົດແຮງ*ເລີຍ.
38 ພວກເອຢິບດີໃຈຫຼາຍທີ່ພວກອິດສະຣາເອນໄປຍ້ອນເຂົາເຈົ້າຢ້ານພວກອິດສະຣາເອນຫຼາຍ.+
39 ເພິ່ນໃຫ້ມີຂີ້ເຝື້ອເພື່ອບັງເຂົາເຈົ້າໄວ້+
ແລະໃຫ້ມີໄຟເພື່ອເປັນແສງສະຫວ່າງໃຫ້ເຂົາເຈົ້າໃນຕອນກາງຄືນ.+
40 ເມື່ອເຂົາເຈົ້າຂໍຊີ້ນ ເພິ່ນກໍເອົານົກກະທາໃຫ້ເຂົາເຈົ້າ.+ເພິ່ນເຮັດໃຫ້ມີແນວກິນຕົກລົງມາຈາກຟ້າໃຫ້ເຂົາເຈົ້າກິນຈົນອີ່ມ.+
41 ເພິ່ນເຮັດໃຫ້ຫີນແຕກແລະມີນ້ຳໄຫຼອອກມາ.+ນ້ຳນັ້ນໄຫຼຜ່ານບ່ອນກັນດານຄືກັບແມ່ນ້ຳ.+
42 ຍ້ອນເພິ່ນຈື່ຄຳສັນຍາທີ່ບໍລິສຸດທີ່ເພິ່ນໄດ້ເຮັດກັບອັບຣາຮາມຜູ້ຮັບໃຊ້ຂອງເພິ່ນ+
43 ເພິ່ນຈຶ່ງພາປະຊາຊົນຂອງເພິ່ນອອກມາ. ປະຊາຊົນຂອງເພິ່ນດີໃຈຫຼາຍ.+ຜູ້ທີ່ເພິ່ນເລືອກຮ້ອງເພງຢ່າງມີຄວາມສຸກ.
44 ເພິ່ນເອົາແຜ່ນດິນຂອງຊາດຕ່າງໆໃຫ້ເຂົາເຈົ້າ+ແລະຊ່ວຍເຂົາເຈົ້າໃຫ້ໄດ້ຜົນລະປູກທີ່ຊາດຕ່າງໆປູກມາດ້ວຍຄວາມຍາກລຳບາກ+
45 ເພື່ອເຂົາເຈົ້າຈະເຮັດຕາມຄຳສັ່ງຂອງເພິ່ນ+ແລະເຊື່ອຟັງກົດໝາຍຂອງເພິ່ນ.
ໃຫ້ສັນລະເສີນພະເຢໂຫວາ.*
ຂໍ
^ ຫຼືອາດແປວ່າ “ເວົ້າເຖິງ”
^ ແປຕາມໂຕວ່າ “ເຊື້ອສາຍ”
^ ແປຕາມໂຕວ່າ “ເພິ່ນບໍ່ລືມຄຳສັ່ງຂອງເພິ່ນ”
^ ແປຕາມໂຕວ່າ “ຫັກທ່ອນໄມ້.” ອາດໝາຍເຖິງທ່ອນໄມ້ທີ່ເອົາໄວ້ສອດເຂົ້າຈີ່ເພື່ອຫ້ອຍມ້ຽນໄວ້.
^ ແປຕາມໂຕວ່າ “ເຮັດໃຫ້ເຈັບປວດ”
^ ຫຼື “ໃຫ້ມີແປວໄຟ”
^ ຫຼື “ສະດຸດ”
^ ແປຕາມໂຕວ່າ “ໃຫ້ສັນລະເສີນຢາ.” ຫຼື “ອາເລລູຢາ.” ຄຳວ່າ ຢາ ແມ່ນຊື່ຫຍໍ້ຂອງພະເຢໂຫວາ.
