ສຸພາສິດ 27:1-27
27 ຢ່າເວົ້າອວດວ່າເຈົ້າຈະເຮັດຫຍັງໃນມື້ອື່ນເພາະເຈົ້າບໍ່ຮູ້ວ່າຈະເກີດຫຍັງຂຶ້ນ.+
2 ໃຫ້ຄົນອື່ນ*ຍ້ອງເຈົ້າ ຢ່າຍ້ອງໂຕເອງ.ໃຫ້ຄົນອື່ນ*ເປັນຜູ້ເວົ້າ ບໍ່ແມ່ນໂຕເຈົ້າເອງ.+
3 ຫີນກໍໜັກແລະຊາຍກໍໜັກແຕ່ບັນຫາທີ່ຄົນໂງ່ສ້າງກໍແຮ່ງໜັກກວ່ານັ້ນອີກ.+
4 ຄວາມໃຈຮ້າຍເປັນສິ່ງທີ່ໂຫດຮ້າຍແລະສ້າງຄວາມເສຍຫາຍໄດ້ຄືກັບນ້ຳຖ້ວມແຕ່ຄວາມອິດສາກໍແຮ່ງຮ້າຍກວ່ານັ້ນອີກ.+
5 ການຕັກເຕືອນແບບເປີດເຜີຍກໍດີກວ່າຄວາມຮັກທີ່ບໍ່ສະແດງອອກມາ.+
6 ການໄດ້ຮັບຄຳຕັກເຕືອນຈາກໝູ່ທີ່ສັດຊື່ເຖິງວ່າຈະເຮັດໃຫ້ເຈັບ+ແຕ່ກໍຍັງດີກວ່າໄດ້ຮັບຈູບຫຼາຍໆ*ຈາກສັດຕູ.
7 ຄົນທີ່ກິນອີ່ມແລ້ວບໍ່ສົນໃຈ*ນ້ຳເຜີ້ງຈາກຮັງແຕ່ສຳລັບຄົນທີ່ຫິວ ແມ່ນແຕ່ສິ່ງທີ່ຂົມກໍຍັງຫວານ.
8 ຄົນທີ່ໜີອອກຈາກເຮືອນເປັນຄືກັບນົກທີ່ໜີອອກຈາກຮັງ.
9 ຄືກັບນ້ຳມັນແລະເຄື່ອງຫອມທີ່ເຮັດໃຫ້ມີຄວາມສຸກໝູ່ທີ່ໃຫ້ຄຳແນະນຳຢ່າງຈິງໃຈກໍເປັນແບບນັ້ນແຫຼະ.+
10 ຢ່າຖິ້ມໝູ່ຂອງເຈົ້າຫຼືໝູ່ຂອງພໍ່ເຈົ້າແລະຢ່າໄປເຮືອນອ້າຍນ້ອງຂອງເຈົ້າໃນມື້ທີ່ເຈົ້າເຈິຄວາມຈິບຫາຍ.ເພື່ອນບ້ານທີ່ຢູ່ໃກ້ກໍດີກວ່າອ້າຍນ້ອງທີ່ຢູ່ໄກ.+
11 ລູກເອີ້ຍ ໃຫ້ເປັນຄົນສະຫຼາດແລະເຮັດໃຫ້ພໍ່ມີຄວາມສຸກ+ເພື່ອພໍ່ຈະຕອບຄົນທີ່ທ້າທາຍພໍ່ໄດ້.+
12 ຄົນສະຫຼາດເຫັນອັນຕະລາຍແລ້ວໜີໄປລີ້+ແຕ່ຄົນທີ່ຂາດປະສົບການຍ່າງຕໍ່ໄປແລະໄດ້ຮັບຜົນເສຍຫາຍ.*
13 ຖ້າຜູ້ໃດໄປຄ້ຳປະກັນໃຫ້ຄົນແປກໜ້າກໍໃຫ້ຍຶດເອົາເຄື່ອງນຸ່ງຂອງລາວໄປ.ຖ້າຜູ້ໃດໄປຄ້ຳປະກັນໃຫ້ຜູ້ຍິງຕ່າງຊາດກໍໃຫ້ຍຶດເອົາເຄື່ອງຂອງຂອງລາວໄປ.+
14 ຖ້າຜູ້ໃດທັກທາຍ*ເພື່ອນບ້ານດ້ວຍສຽງດັງແຕ່ເຊົ້າໆເພື່ອນບ້ານຈະຖືວ່າຄຳທັກທາຍນັ້ນເປັນຄຳສາບແຊ່ງ.
15 ເມຍທີ່ມັກຫາເລື່ອງຜິດຖຽງກັນ*ເປັນຄືກັບຫຼັງຄາຮົ່ວໃນມື້ທີ່ຝົນຕົກ.+
16 ໃຜທີ່ຫ້າມລາວໄດ້ກໍຫ້າມລົມໄດ້ແລະຈັບນ້ຳມັນໄດ້ດ້ວຍມືເບື້ອງຂວາຂອງລາວ.
17 ຄືກັບເຫຼັກທີ່ຝົນເຫຼັກໃຫ້ຄົມຄົນເຮົາກໍຊ່ວຍໝູ່ໃຫ້ເກັ່ງຂຶ້ນໄດ້.+
18 ຄົນທີ່ເບິ່ງແຍງຕົ້ນໝາກເດື່ອຈະໄດ້ກິນໝາກຂອງມັນ+ແລະຄົນທີ່ເບິ່ງແຍງເຈົ້ານາຍຂອງລາວຈະໄດ້ຮັບກຽດ.+
19 ຄືກັບທີ່ພວກເຮົາເຫັນເງົາສະທ້ອນໜ້າຂອງໂຕເອງໃນນ້ຳໃຈຂອງຄົນໜຶ່ງກໍສະທ້ອນໃຫ້ເຫັນໃຈຂອງອີກຄົນໜຶ່ງໄດ້.
20 ຂຸມຝັງສົບແລະບ່ອນທີ່ສົບເນົ່າເປື່ອຍ*ບໍ່ເຄີຍຮູ້ຈັກພໍ+ແລະຕາຂອງມະນຸດກໍບໍ່ເຄີຍຮູ້ຈັກພໍຄືກັນ.
21 ຄືກັບທີ່ເຕົາໄຟມີໄວ້ເພື່ອຫຼອມເງິນແລະຄຳ+ຄຳຍ້ອງຍໍສັນລະເສີນກໍເຮັດໃຫ້ເຫັນວ່າຄົນທີ່ຖືກຍ້ອງເປັນຄົນແນວໃດແທ້ໆ.
22 ເຖິງວ່າເຈົ້າຈະເອົາສາກຕຳຄົນໂງ່ຄືກັບຕຳເຂົ້າຢູ່ໃນຄົກແຕ່ຄວາມໂງ່ກໍຈະບໍ່ຫຼຸດອອກຈາກລາວດອກ.
23 ເຈົ້າຕ້ອງຮູ້ວ່າຝູງແກະຂອງເຈົ້າເປັນຈັ່ງໃດ.
ໃຫ້ເບິ່ງແຍງຝູງແກະຂອງເຈົ້າດີໆ.*+
24 ຄວາມຮັ່ງມີຈະບໍ່ໝັ້ນຄົງຢູ່ຕະຫຼອດໄປ+ແລະມົງກຸດທີ່ຕົກທອດຈາກລຸ້ນສູ່ລຸ້ນກໍຈະບໍ່ໝັ້ນຄົງຢູ່ຕະຫຼອດໄປຄືກັນ.
25 ເມື່ອຫຍ້າຂຽວຕາຍໄປ ຫຍ້າໃໝ່ກໍປົ່ງຂຶ້ນມາແລະພືດຜັກທີ່ຢູ່ເທິງພູກໍຖືກລວບລວມມາໃຫ້ຝູງສັດກິນ.
26 ແກະໂຕຜູ້ເຮັດໃຫ້ເຈົ້າມີເຄື່ອງນຸ່ງໃສ່ແລະແບ້ໂຕຜູ້ເຮັດໃຫ້ເຈົ້າມີເງິນຊື້ທົ່ງນາ.
27 ມັນຈະມີນົມແບ້ພໍສຳລັບເຈົ້າສຳລັບຄົນໃນຄອບຄົວຂອງເຈົ້າແລະພວກຄົນຮັບໃຊ້ຜູ້ຍິງຂອງເຈົ້າ.
ຂໍ
^ ແປຕາມໂຕວ່າ “ຄົນແປກໜ້າ”
^ ແປຕາມໂຕວ່າ “ຄົນຕ່າງຊາດ”
^ ຫຼືອາດແປວ່າ “ຈູບທີ່ບໍ່ຈິງໃຈ; ຈູບທີ່ຖືກບັງຄັບ”
^ ແປຕາມໂຕວ່າ “ຢຽບ”
^ ຫຼື “ການລົງໂທດ”
^ ແປຕາມໂຕວ່າ “ອວຍພອນ”
^ ຫຼື “ມັກຈັບຜິດ; ມັກຈົ່ມ”
^ ຫຼື “ອາບາດອນ.” ບໍ່ແມ່ນສະຖານທີ່ແທ້ໆ ແຕ່ໝາຍເຖິງສະພາບຂອງຄົນຕາຍທີ່ຮ່າງກາຍເນົ່າເປື່ອຍກາຍເປັນດິນແລະສູນສະຫຼາຍໄປ.
^ ຫຼື “ໃຫ້ຕັ້ງໃຈເບິ່ງແຍງຝູງແກະ; ໃຫ້ສົນໃຈເບິ່ງແຍງຝູງແກະ”
