ສຸພາສິດ 11:1-31
11 ພະເຢໂຫວາຊັງຕາຊິງທີ່ບໍ່ທ່ຽງ*ແຕ່ເພິ່ນມັກແນວຊັ່ງນ້ຳໜັກ*ທີ່ຖືກຕ້ອງ.+
2 ຖ້າຄົນໜຶ່ງກາຍເປັນຄົນເຮັດເກີນສິດ ລາວຈະຖືກເຮັດໃຫ້ອັບອາຍ+ແຕ່ສະຕິປັນຍາຢູ່ກັບຄົນທີ່ຖ່ອມໂຕ.+
3 ຄົນທີ່ສັດຊື່ເຊື່ອຟັງພະເຈົ້າສຸດຫົວໃຈແລະມັນຊ່ວຍລາວໃຫ້ເຮັດສິ່ງທີ່ຖືກຕ້ອງ+ແຕ່ຄວາມຕ້ອງການຂອງຄົນທີ່ບໍ່ສັດຊື່ຈະທຳລາຍເຂົາເຈົ້າເອງ.+
4 ຊັບສົມບັດຈະບໍ່ມີປະໂຫຍດຫຍັງເລີຍໃນມື້ທີ່ພະເຈົ້າໃຈຮ້າຍ+ແຕ່ການເຮັດສິ່ງທີ່ຖືກຕ້ອງຈະເຮັດໃຫ້ລອດຊີວິດ.+
5 ຄົນທີ່ບໍ່ມີບ່ອນຕິເຊິ່ງເຮັດສິ່ງທີ່ຖືກຕ້ອງເຮັດໃຫ້ທາງຂອງໂຕເອງຊື່ແຕ່ຄົນຊົ່ວຈະລົ້ມລົງຍ້ອນຄວາມຊົ່ວຂອງໂຕເອງ.+
6 ຄົນສັດຊື່ຈະໄດ້ຮັບການຊ່ວຍໃຫ້ລອດຍ້ອນເຂົາເຈົ້າໄດ້ເຮັດສິ່ງທີ່ຖືກຕ້ອງ+ແຕ່ຄວາມຕ້ອງການຂອງຄົນທີ່ທໍລະຍົດຈະເປັນກັບດັກດັກເຂົາເຈົ້າເອງ.+
7 ເມື່ອຄົນຊົ່ວຕາຍ ຄວາມຫວັງຂອງລາວກໍໝົດໄປແລະຄວາມຄາດຫວັງທີ່ຂຶ້ນຢູ່ກັບອຳນາດຂອງລາວກໍໝົດໄປຄືກັນ.+
8 ຄົນທີ່ເຮັດສິ່ງທີ່ຖືກຕ້ອງຈະໄດ້ຮັບການຊ່ວຍໃຫ້ພົ້ນຈາກຄວາມທຸກຍາກລຳບາກແຕ່ຄົນຊົ່ວຈະຕ້ອງເຈິກັບຄວາມທຸກຍາກລຳບາກ.+
9 ຄຳເວົ້າຂອງຄົນທີ່ບໍ່ນັບຖື*ພະເຈົ້າເຮັດໃຫ້ເພື່ອນບ້ານຕົກຢູ່ໃນອັນຕະລາຍແຕ່ສະຕິປັນຍາຂອງຄົນທີ່ເຮັດສິ່ງທີ່ຖືກຕ້ອງຈະຊ່ວຍໂຕລາວເອງໃຫ້ລອດ.+
10 ຄວາມດີຂອງຄົນທີ່ເຮັດສິ່ງທີ່ຖືກຕ້ອງເຮັດໃຫ້ຄົນໃນເມືອງມີຄວາມສຸກແລະເມື່ອຄົນຊົ່ວຕາຍກໍເຮັດໃຫ້ມີສຽງຮ້ອງດີໃຈ.+
11 ພອນທີ່ຄົນສັດຊື່ໄດ້ຮັບ*ເຮັດໃຫ້ເມືອງຈະເລີນຮຸ່ງເຮືອງ+ແຕ່ຄຳເວົ້າຂອງຄົນຊົ່ວເຮັດໃຫ້ເມືອງຫຼົ້ມຈົມ.+
12 ຄົນທີ່ບໍ່ຮູ້ຈັກຄິດດູຖູກ*ເພື່ອນບ້ານແຕ່ຄົນທີ່ມີຄວາມເຂົ້າໃຈແທ້ຈະມິດຢູ່.+
13 ຄົນທີ່ມັກໃສ່ຮ້າຍມັກເລາະໄປເວົ້າເລື່ອງທີ່ເປັນຄວາມລັບ+ແຕ່ຄົນທີ່ໄວ້ໃຈໄດ້ຈະເກັບຄວາມລັບໄວ້.
14 ຖ້າບໍ່ມີຄຳແນະນຳຈາກຄົນທີ່ເກັ່ງໆ* ຄົນອື່ນກໍລຳບາກແຕ່ຖ້າມີທີ່ປຶກສາຫຼາຍຄົນກໍຈະປະສົບຄວາມສຳເລັດ.*+
15 ຄົນທີ່ໄປຄ້ຳປະກັນໃຫ້ຄົນແປກໜ້າຈະເດືອດຮ້ອນແນ່ນອນ+ແຕ່ຄົນທີ່ບໍ່ໄປເຮັດຂໍ້ຕົກລົງແບບນັ້ນກໍຈະປອດໄພ.
16 ຜູ້ຍິງທີ່ມີສະເໜ່*ຈະໄດ້ຮັບກຽດ+ແຕ່ຜູ້ຊາຍທີ່ໂຫດຫ້ຽມຈະຄວ້າຈັບເອົາຄວາມຮັ່ງມີ.
17 ຄົນໃຈດີ*ເຮັດໃຫ້ໂຕເອງໄດ້ຮັບປະໂຫຍດ*+ແຕ່ຄົນໂຫດຮ້າຍເຮັດໃຫ້ໂຕເອງເຈິບັນຫາ.*+
18 ຄົນຊົ່ວໄດ້ລາງວັນທີ່ບໍ່ມີຄ່າຫຍັງ+ແຕ່ຄົນທີ່ເຮັດສິ່ງທີ່ຖືກຕ້ອງໄດ້ລາງວັນທີ່ມີຄ່າ.+
19 ຄົນທີ່ຕັ້ງໃຈເຮັດສິ່ງທີ່ຖືກຕ້ອງຈະມີຊີວິດຢູ່ຕໍ່ໄປ+ແຕ່ຄົນທີ່ບໍ່ເຊົາເຮັດຊົ່ວຈະຕ້ອງຕາຍ.
20 ພະເຢໂຫວາຊັງຄົນທີ່ມີໃຈຄົດໂກງ+ແຕ່ເພິ່ນພໍໃຈຄົນທີ່ບໍ່ມີບ່ອນຕິ.+
21 ໃຫ້ໝັ້ນໃຈໄດ້ເລີຍວ່າ: “ຄົນຊົ່ວຈະຕ້ອງຖືກລົງໂທດແນ່ນອນ+ແຕ່ລູກຫຼານຂອງຄົນທີ່ເຮັດສິ່ງທີ່ຖືກຕ້ອງຈະບໍ່ຖືກລົງໂທດ.
22 ຜູ້ຍິງງາມທີ່ບໍ່ຮູ້ຈັກຄິດກໍເປັນຄືກັບບ້ວງຄຳທີ່ຢູ່ດັງໝູ.
23 ຄວາມຕ້ອງການຂອງຄົນທີ່ເຮັດສິ່ງທີ່ຖືກຕ້ອງເຮັດໃຫ້ເກີດສິ່ງທີ່ດີ+ແຕ່ສິ່ງທີ່ຄົນຊົ່ວຫວັງເຮັດໃຫ້ເກີດຄວາມໃຈຮ້າຍ.
24 ຄົນທີ່ໃຫ້ຢ່າງເອື້ອເຟື້ອ ໃນທີ່ສຸດຈະມີຫຼາຍຂຶ້ນ+ແຕ່ຄົນຂີ້ຖີ່ ໃນທີ່ສຸດຈະທຸກຍາກ.+
25 ຄົນທີ່ເອື້ອເຟື້ອຈະຈະເລີນຮຸ່ງເຮືອງ+ແລະຄົນທີ່ເຮັດໃຫ້ຄົນອື່ນສົດຊື່ນກໍຈະສົດຊື່ນຄືກັນ.+
26 ຄົນທີ່ກັກຕຸນເຂົ້າໄວ້ຈະຖືກຄົນອື່ນສາບແຊ່ງແຕ່ຄົນທີ່ຂາຍເຂົ້າຈະໄດ້ພອນຈາກຄົນອື່ນ.
27 ຄົນທີ່ຊອກວິທີທີ່ຈະເຮັດດີຈະໄດ້ຮັບຄວາມພໍໃຈ+ແຕ່ຄົນທີ່ຊອກວິທີທີ່ຈະເຮັດຊົ່ວກໍຈະໄດ້ຮັບຄວາມຊົ່ວກັບຄືນມາ.+
28 ຄົນທີ່ໄວ້ໃຈໃນຊັບສົມບັດຂອງໂຕເອງຈະຈິບຫາຍ+ແຕ່ຄົນທີ່ເຮັດສິ່ງທີ່ຖືກຕ້ອງຈະງອກງາມຄືກັບຕົ້ນໄມ້ທີ່ມີໃບດົກ.+
29 ຄົນທີ່ສ້າງບັນຫາໃຫ້ຄອບຄົວຂອງໂຕເອງ*ຈະບໍ່ໄດ້ຫຍັງເລີຍ+ແລະຄົນໂງ່ຈະຕ້ອງໄປເປັນຄົນຮັບໃຊ້ຂອງຄົນສະຫຼາດ.
30 ຜົນຂອງການເຮັດສິ່ງທີ່ຖືກຕ້ອງເປັນຄືກັບຕົ້ນໄມ້ທີ່ໃຫ້ຊີວິດ+ແລະຄົນທີ່ຊ່ວຍຄົນອື່ນໃຫ້ເຮັດສິ່ງທີ່ຖືກຕ້ອງກໍເປັນຄົນສະຫຼາດ.*+
31 ຖ້າຄົນທີ່ເຮັດສິ່ງທີ່ຖືກຕ້ອງໃນໂລກນີ້ຍັງໄດ້ຮັບການຕອບແທນຄົນຊົ່ວແລະຄົນບາບກໍແຮ່ງຕ້ອງໄດ້ຮັບການລົງໂທດຫຼາຍກວ່ານັ້ນອີກ.+
ຂໍ
^ ຫຼື “ຫີນທີ່ໃຊ້ຊັ່ງນ້ຳໜັກ”
^ ຫຼື “ສໍ້ໂກງ”
^ ຫຼື “ຄົນທີ່ທໍລະຍົດ”
^ ຫຼື “ຢາກໄດ້”
^ ຫຼື “ຊັງ”
^ ຫຼື “ການຊີ້ນຳທີ່ສະຫຼາດ”
^ ຫຼື “ກໍຈະໄດ້ຄວາມລອດ”
^ ຫຼື “ໜ້າດຶງດູດ”
^ ຫຼື “ຄົນທີ່ມີຄວາມຮັກທີ່ໝັ້ນຄົງ”
^ ຫຼື “ເຮັດດີກັບໂຕເອງ”
^ ຫຼື “ເສຍກຽດ”
^ ຫຼື “ຄົນທີ່ເຮັດໃຫ້ຄອບຄົວຂອງໂຕເອງອັບອາຍ”
^ ອາດໝາຍເຖິງຄົນທີ່ຊ່ວຍຄົນອື່ນໃຫ້ມາຢູ່ໃນທາງຂອງຊີວິດ
