Nzambe alingi nasala nini na bomoi na ngai?
Eyano ya Biblia
Nzambe alingaka ete oyeba ye ndenge azali mpenza, okóma moninga na ye, olinga ye, mpe osalela ye na motema na yo mobimba. (Matai 22:37, 38; Yakobo 4:8) Okoki koyeba ndenge ya kosala mokano ya Nzambe soki otaleli bomoi mpe mateya ya Yesu. (Yoane 7:16, 17) Yesu asukaki kaka na kolobela mokano ya Nzambe te, asalaki yango mpe na bomoi na ye. Kutu, alobaki ete azalaki na bomoi nde “mpo na kosala, mokano na [ye moko] te, kasi mokano ya moto oyo atindaki [ye].”—Yoane 6:38.
Esengeli Nzambe apesa ngai vision, to namona emonaneli, nalɔta ndɔtɔ moko boye, mpo nayeba mokano ya Nzambe mpo na ngai?
Te, mpo Biblia ezali na nsango oyo Nzambe atindelá bato. Yango nde ekosalisa yo ozala na “nyonso oyo esengeli mpo na mosala nyonso ya malamu.” (2 Timote 3:16, 17) Nzambe alingi osalela ‘makoki na yo ya kokanisa’ ntango ozali kotánga Biblia mpo oyeba mokano na ye mpo na yo.—Baroma 12:1, 2; Baefese 5:17.
Nakokoka mpenza kosala mokano ya Nzambe?
Ɛɛ, okokoka, mpo Biblia elobi ete “mibeko [ya Nzambe] ezali penza pasi mingi té po na biso.” (1 Yoane 5:3, Bible na lingala ya lelo oyo) Yango elingi koloba te ete kotosa mibeko ya Nzambe ezalaka ntango nyonso pɛtɛɛ. Kasi, matomba oyo okozwa eleki mosika milende oyo okosala mpo na kotosa mibeko ya Nzambe. Yesu ye moko alobaki: “Esengo . . . na baoyo bazali koyoka liloba ya Nzambe mpe kotosa yango!”—Luka 11:28.
Talá mpe...
BIYANO NA MITUNA YA BIBLIA
Biblia elobi nini mpo na bonsomi ya kopona? Bomoi na biso etángamá?
Bato mingi bakanisaka ete bomoi na bango etángamá. Makambo oyo toponaka esalaka nini na bomoi na biso?
MATEYA YA NTINA MINGI YA BIBLIA
Ndenge nini okoki kokóma moninga ya Nzambe?
Esali bambula, bato bazali na mposa ya koyeba moto oyo akelá bango. Biblia ekoki kosalisa biso tókóma baninga ya Nzambe. Boninga yango ekobanda ntango oyebi nkombo ya Nzambe.
LINƆ́NGI YA MOSƐNZƐLI
Bomoi na ngai ezali mpenza na ntina?
Bato mingi bakanisaka ete kozwa mbongo mpe lokumu nde makambo oyo eleki ntina na bomoi, kasi na makambo oyo eleki yango mosika.
NDENGE BAVƐRSƐ YA BIBLIA ELIMBOLAMI
Ndenge Yirimia 29:11 elimbolami—“Nayebi malamu makanisi oyo nazali kokanisa mpo na bino”
Nzambe azali na makambo ya sikisiki oyo abongisá mpo na moto na moto?
LINƆ́NGI YA MOSƐNZƐLI
Osalaka makambo oyo Nzambe asɛngaka?
Kotosa Nzambe ezali na ntina, kasi ezali na likambo moko oyo eleki ntina mingi mpo na kokóma moninga na ye.
MATEYA YA BIBLIA
Meká boyekoli na biso ya Biblia
Bandá boyekoli ya Biblia ofele mpe talá makambo oyo esengeli kosala.