LOYEMBO 95
Pole ezali kongɛnga se kongɛnga
-
1. Elimo ya Nzambe emonisaki
Koya ya Kristo na mokili.
Basakoli mpe baanzelu ya Nzambe
Balukaki koyeba yango.
Lelo Kristo, ye wan’az’oyangela,
Toza’ komona bilembo.
Tozwi libaku ya koyeba yango;
Tozali bato ya esengo!
(MONDIMO)
Nzela na biso ez’ongɛnga;
Pol’ez’otambwisa biso.
Matey’a Nzambe, tososoli;
Ye nde az’okamba biso.
-
2. Nkolo atyá nde moombo ya sembo;
Na ye tozali koleisama.
Pole eza’ kongɛnga se kongɛnga,
Mateya ekómi kitoko.
Toz’otambola na pole ya Nzambe,
Eza’ kongɛngisa biso.
Matɔndi Yehova, Lizib’a solo;
Tokolanda se nzela na yo.
(MONDIMO)
Nzela na biso ez’ongɛnga;
Pol’ez’otambwisa biso.
Matey’a Nzambe, tososoli;
Ye nde az’okamba biso.
(Talá mpe Rom. 8:22; 1 Ko. 2:10; 1 Pe. 1:12.)
