Yisaya 54:1-17
54 “Gangá na esengo, yo mwasi ekomba oyo abotá te!+
Sepelá na koganga moko ya esengo mpe gangá makasi,+ yo mwasi oyo oyoká ata mpasi ya kobota te,+Mpo bana ya mwasi oyo asundolamá bazali ebele mpenzaKoleka bana ya mwasi oyo azali na mobali,”*+ Yehova alobi bongo.
2 “Kómisá esika ya hema na yo monene koleka.+
Tandá bilamba ya hema na yo ya monene.
Kotika te. Kómisá bansinga ya hema na yo milai,Mpe kómisá bapike ya hema na yo makasi.+
3 Mpo okopalangana na lobɔkɔ ya mobali mpe na lobɔkɔ ya mwasi,
Bana na yo bakozwa bikólo,Mpe bakofanda na bingumba oyo etikalá mpamba.+
4 Kobanga te,+ mpo okoyokisama nsɔni te;+Mpe komona te ete osambwe, mpo okolɛmba nzoto te.
Mpo okobosana nsɔni ya bolenge na yo,Mpe okokanisa lisusu te kosambwa na yo ya mwasi oyo mobali akufá.”
5 “Mpo Mokeli na yo Monene+ azali lokola mobali* na yo,+Yehova ya mampinga nde nkombo na ye,Mpe Mosantu ya Yisraele azali Mosikoli na yo.+
Akobengama Nzambe ya mabele mobimba.+
6 Mpo Yehova abengaki yo lokola nde ozalaki mwasi oyo basundolá mpe oyo anyokwamá mpenza na makanisi,*+Lokola mwasi oyo babalaki na bolenge mpe na nsima babenganaki,” Nzambe na yo alobi bongo.
7 “Nasundolaki yo mpo na mwa ntango,Kasi na motema mawa na ngai monene nakoyanganisa yo lisusu.+
8 Na nkanda monene lokola mpela, nabombelaki yo elongi na ngai mpo na mwa ntango,+Kasi nakoyokela yo mawa na bolingo na ngai ya sembo mpe ya seko,”+ Mosikoli na yo,+ Yehova, alobi bongo.
9 “Mpo na ngai, oyo ezali lokola mikolo ya Noa:+
Ndenge nalapaki ndai ete mai ya Noa ekozindisa lisusu mabele te,+Yango wana nalapi ndai ete nakosilikela yo lisusu te mpe nakopamela yo lisusu te.+
10 Mpo bangomba ekoki kolongolamaMpe bangomba mike ekoki koningana,Kasi bolingo na ngai ya sembo ekolongolama epai na yo te.+Mpe kondimana na ngai ya kimya ekotengatenga te,”+ Yehova, Moto oyo azali koyokela yo mawa,+ alobi bongo.
11 “Ee mwasi oyo amoni mpasi,+ oyo abɛtami na mopɛpɛ makasi, oyo azali na moto ya kobɔndisa ye te,+Nazali kotya mabanga na yo na pɔtɔpɔtɔ ya makasiMpe moboko na yo na mabanga ya safire.+
12 Nakosala madusu oyo bakatakatá na bifelo na yo na mabanga ya rubi,Baporte na yo na mabanga oyo ezali kongɛnga,*Mpe bandelo na yo nyonso na mabanga ya motuya.
13 Mpe bana na yo nyonso bakoteyama na Yehova,+Mpe bana na yo bakozala na kimya mingi.+
14 Okopikama makasi na bosembo.+
Monyoko ekozala mpenza mosika na yo,+Okobanga eloko te mpe ntina ya kozala na nsɔmɔ ekozala teMpo ekopusana pene na yo te.+
15 Soki moto abundisi yo,Ngai te moto nakopesa ye mitindo.
Moto nyonso oyo akobundisa yo akokwea mpo na yo.”+
16 “Talá! Ngai moko nde nazalisá moto oyo ayebi malamu misala ya mabɔkɔ,Moto oyo azali kofula mɔtɔ ya makala,Mpe mosala na ye ebimisaka ebundeli.
Ngai moko mpe nazalisá mobebisi mpo na kobebisa.+
17 Ebundeli moko te oyo esalemi mpo na kosala yo mabe ekolonga,+Mpe okokweisa lolemo nyonso oyo ekomeka kosambisa yo.
Yango nde libula ya basaleli ya Yehova,Mpe bosembo na bango euti epai na ngai,” Yehova alobi bongo.+
Maloba na nse
^ To, “nkolo.”
^ To, “nkolo.”
^ Lil., “oyo atungisamá na elimo.”
^ To, “mabanga ya mɔtɔ.”
