Yisaya 24:1-23
24 Talá! Yehova azali kolongola eloko nyonso na mokili* mpe azali kotika yango mpamba.+
Abaloli yango+ mpe apanzi bato oyo bafandi wana.+
2 Ekozala ndenge moko mpo na moto nyonso:
Bato ya ekólo mpe nganga-nzambe,Mosaleli mpe nkolo na ye,Mosaleli ya mwasi mpe nkolo na ye ya mwasi,Mosombi mpe motɛki,Modefisi mpe modefi,Modefisi nyongo mpe moto oyo azwi nyongo.+
3 Mokili ekotikala mpenza mpamba;Ekopunzama mpenza,+Mpo Yehova nde alobi bongo.
4 Mokili ezali kolela;*+ ebebi mpenza.
Mabele oyo ebotaka ekaukikauki, ezali kobeba.
Bato ya lokumu na mokili balɛmbilɛmbi.
5 Bato oyo bafandi na mokili babebisi yango,+Mpo balandi mibeko te,+Babongoli lilako,+Babuki kondimana ya libela.*+
6 Yango wana kolakelama mabe elei mokili,+Mpe bafandi na yango bamemi ngambo.
Yango wana motángo ya bato oyo bafandi na mokili yango ekiti,Mpe kaka bato moke nde batikali.+
7 Vinyo ya sika ezali kolela,* nzete ya vinyo ekaukikauki,+Mpe bato nyonso oyo bazali na motema ya esengo bazali kolela na mongongo ya nse.*+
8 Esengo ya bambonda mike esili,Makɛlɛlɛ ya bato ya bisengo esuki,Esengo ya makɛlɛlɛ ya nzɛnzɛ esili.+
9 Bazali komɛla vinyo kozanga koyemba,Masanga oyo elangwisaka ekómeli baoyo bazali komɛla yango bololo.
10 Engumba oyo basundoli ebukani;+Ndako nyonso ekangami mpo moto akɔta te.
11 Bazali koganga na babalabala mpo vinyo ezangi.
Esengo nyonso esili;Esengo ya mokili esili.+
12 Engumba ebebi mpenza kobeba;Porte ebukanibukani, ekómi liboke mpamba ya biloko oyo ebebisami.+
13 Mpo ekozala bongo na mokili, na kati ya bato ya bikólo:
Lokola ntango oyo babɛtabɛtaka nzete ya olive,+Ndenge balɔkɔtaka mbuma ya vinyo ntango mosala ya kobuka mbuma ekómaka na nsuka.+
14 Bakotombola mongongo na bango,Bakoganga na esengo.
Uta na mbu* bakosakola nkembo ya Yehova.+
15 Yango wana bakokumisa Yehova na etúká ya pole;*+Na bisanga ya mbu, bakopesa nkombo ya Yehova, Nzambe ya Yisraele nkembo.+
16 Longwa na bansuka ya mabele tozali koyoka nzembo:
“Nkembo* na moto ya sembo!”+
Kasi nalobi: “Nazali kobeba, nazali kobeba!
Mawa na ngai! Bakosi basali makambo na bokosi.Na bokosi, bakosi basali makambo na bokosi.”+
17 Nsɔmɔ, mabulu mpe mitambo ezali kozela yo, moto oyo ofandi na mokili.+
18 Moto nyonso oyo akokima lokito ya nsɔmɔ akokwea na libulu,Mpe moto nyonso oyo akobima na libulu akokangama na motambo.+
Mpo baporte ya mai ya likoló ekofungwamaMpe miboko ya mokili ekoningana.
19 Mokili epasuki mpenza;Mokili eningani;Mokili eningani makasi mpenza.+
20 Mokili etengitengi lokola moto oyo alangwe masanga,Mpe eningani epai na epai lokola mwa ndako ya kobatama na mopɛpɛ.
Misala na yango ya kobuka mibeko ekómeli yango kilo,+Ekokwea mpe ekotɛlɛma lisusu te.
21 Na mokolo yango, Yehova akotya likebi na ye na limpinga ya esika oyo etombwanáMpe na bakonzi ya mabele, oyo bazali na mabele.
22 Mpe bakoyanganisamaLokola bato ya bolɔkɔ oyo bayanganisami na libulu,Mpe bakokangama na kasho;Nsima ya mikolo ebele, bakotyela bango likebi.
23 Yehova ya mampinga akómi Mokonzi+ na Ngomba Siona+ mpe na Yerusaleme.Akoyangela na nkembo nyonso liboso ya bankulutu ya bato na ye.+Liboso ya nkembo ya bokonzi na ye, ata sanza oyo ebimi mobimba ekomonana molili,Mpe moi oyo ezali kongala ekongɛnga te.+
Maloba na nse
^ To, “mabele.”
^ To mbala mosusu, “ekauki.”
^ To, “ya kala.”
^ To mbala mosusu, “ekauki.”
^ To, “kokimela.”
^ To, “na wɛsti.”
^ To, “na ɛsti.”
^ To, “Kitoko.”
