Nzembo 60:1-12
Epai ya mokambi ya nzembo; na ebɛtɛlo ya “Fololo lísi ya Bokundoli.” Mikitame.* Ya Davidi. Mpo na koteya. Ntango abundaki na Arame-naharaime ná Arame-Zoba, mpe Yoabe azongaki mpe abomaki bato 12 000 ya Edome na Lobwaku ya Mungwa.+
60 Ee Nzambe, obwakaki biso; opanzaki biso.+
Osilikelaki biso; kasi sikoyo ndimá biso lisusu!
2 Oningisaki mabele; opasolaki yango.
Bongisá madusu na yango, mpo elingi kokwea.
3 Osali ete bato na yo bámona mpasi makasi.
Omɛlisi biso vinyo oyo ezali kopesa biso kizunguzungu.+
4 Pesá* baoyo bazali kobanga yo elemboMpo bákima mpe makula ezwa bango te. (Sela)
5 Mpo bato oyo olingaka bábikisama,Bikisá biso na lobɔkɔ na yo ya mobali mpe yanolá biso.+
6 Nzambe alobi na kati ya bosantu na ye* ete:
“Nakosepela makasi, nakopesa Shekeme ezala libula,+Mpe nakomeka bonene ya Lobwaku* ya Sukote.+
7 Gileade ezali ya ngai, Manase mpe ezali ya ngai,+Mpe Efraime ezali ekɔti* mpo na motó na ngai;Yuda ezali lingenda na ngai ya komanda.+
8 Moabe ezali saani monene na ngai ya kosukola.+
Nakobwakela Edome sandale na ngai.+
Nakoganga ete nalongi Filistia.”+
9 Nani akomema ngai na engumba oyo ezingami?*
Nani akokamba ngai tii na Edome?+
10 Ee Nzambe, ezali yo te nde moto obwaki biso?Ezali yo te nde okendaka lisusu te elongo na mampinga na biso, Ee Nzambe na biso?+
11 Salisá biso na mpasi na biso,Mpo lobiko oyo euti na bato ezali mpamba.+
12 Tokozwa nguya epai ya Nzambe,+Mpe akonyata banguna na biso.+
Maloba na nse
^ Talá Ndimbola ya maloba.
^ To mbala mosusu, “Opesi.”
^ To mbala mosusu, “na esika na ye mosantu.”
^ To, “Lobwaku patatalu.”
^ Lil., “ndako ya makasi.”
^ To mbala mosusu, “ebatelami makasi.”
