Nzembo 4:1-8
Epai ya mokambi ya nzembo; eyembamaka elongo na bibɛtɛlo ya bansinga. Mondule ya Davidi.
4 Ee Nzambe na ngai ya bosembo, yanolá ngai ntango nazali kobenga.+
Bongiselá ngai nzela ya kokima* na ntango ya mpasi.
Moniselá ngai boboto mpe yoká libondeli na ngai.
2 Bino bana ya bato, tii ntango nini bokokómisa nkembo na ngai eloko ya kotyolama?
Tii ntango nini bokolinga makambo mpamba mpe bokoluka makambo ya lokuta? (Sela)
3 Bóyeba ete Yehova akomonisela mpenza moto na ye ya sembo boboto;Yehova akoyoka ntango nakobenga ye.
4 Bósilika, kasi bósala lisumu te.+
Bóloba na motema na bino, na mbeto na bino, mpe bófanda nyɛɛ. (Sela)
5 Bambeka oyo bokopesa Nzambe, bópesa yango na motema malamu,Mpe bótyela Yehova motema.+
6 Mingi bazali koloba: “Nani akomonisa biso likambo moko ya malamu?”
Tiká pole ya elongi na yo engɛnga likoló na biso, Ee Yehova.+
7 Otondisi motema na ngai na esengo moko moneneKoleka baoyo babuki mbuma ebele mpe bazwi vinyo ya sika ebele.
8 Nakomilalisa mpe nakolala mpɔngi na kimya,+Mpo kaka yo, Ee Yehova, nde okopesa ngai kimya.+
Maloba na nse
^ Lil., “Bongiselá ngai esika monene.”
