Nzembo 24:1-10
-
Mokonzi ya nkembo akɔti na baporte
-
‘Mabele ezali ya Yehova’ (1)
-
Mondule ya Davidi.
24 Mabele mpe biloko na yango nyonso ezali ya Yehova,+Mabele oyo ebotaka mpe baoyo bazali kofanda wana.
2 Mpo atye moboko na yango makasi likoló ya mbu,+Mpe apiki yango makasi likoló ya bibale.
3 Nani akoki komata na ngomba ya Yehova,+Mpe nani akoki kotɛlɛma na esika na ye mosantu?
4 Moto oyo mabɔkɔ na ye ezali na likambo te mpe motema na ye ezali pɛto,+Oyo alapi ndai ya lokuta te mpo na bomoi* na ngai,Mpe alapi ndai na bokosi te.+
5 Akozwa mapamboli oyo euti na Yehova+Mpe bosembo oyo euti na Nzambe na ye oyo abikisaka.+
6 Yango nde libota ya baoyo balukaka ye,Ya baoyo balukaka elongi na yo, Ee Nzambe ya Yakobo. (Sela)
7 Bótombola mitó na bino, bino baporte;+Bófungwama,* bino bisika ya kokɔta ya ntango ya kala,Mpo Mokonzi ya nkembo akɔta!+
8 Nani azali Mokonzi yango ya nkembo?
Yehova, oyo azali na makasi mpe na nguya,+Yehova, azali na nguya na etumba.+
9 Bótombola mitó na bino, bino baporte;+Bófungwama, bino bisika ya kokɔta ya ntango ya kala,Mpo Mokonzi ya nkembo akɔta!
10 Nani nde Mokonzi yango ya nkembo?
Ezali Yehova ya mampinga. Ye nde Mokonzi ya nkembo.+ (Sela)
Maloba na nse
^ To, “molimo,” ezali kolobela bomoi ya Yehova, oyo moto alapi ndai na nzela na yango.
^ To, “Bótɛlɛma.”
