Nzembo 16:1-11
Mikitame* ya Davidi.
16 Batelá ngai, Ee Nzambe, mpo nakimi epai na yo.+
2 Nalobi na Yehova ete: “Yo ozali Yehova, bolamu na ngai eutaka epai na yo.
3 Mpe basantu na mabele,Bato ya lokumu, bapesaka ngai esengo mpenza.”+
4 Baoyo balandaka banzambe mosusu babakisaka mpasi na bango.+
Nakosopa ata moke te makabo na bango ya masanga ya makila,Mpe mbɛbu na ngai ekotánga bankombo na bango te.+
5 Yehova azali eteni na ngai, likabo oyo bapesá ngai+ mpe kɔpɔ na ngai.+
Okobatela libula na ngai.
6 Bandelo etyami na bisika ya kitoko mpo na ngai.
Ɛɛ, nasepeli na libula na ngai.+
7 Nakokumisa Yehova, moto oyo apesi ngai toli.+
Ata na butu, makanisi na ngai oyo ebombaná mpenza* esembolaka ngai.+
8 Yehova azali ntango nyonso na makanisi na ngai.*+
Lokola azali na lobɔkɔ na ngai ya mobali, nakokwea ata moke te.*+
9 Na yango, motema na ngai ezali kosepela, nazali mpenza na esengo.*
Mpe nakofanda* na kimya.
10 Mpo okotika ngai* na kati ya Nkunda* te.+
Okotika te ete moto na yo ya sembo amona libulu.*+
11 Osali ete nayeba nzela ya bomoi.+
Liboso na yo* esengo ezalaka mingi;+Makambo ya esengo* ezalaka na lobɔkɔ na yo ya mobali mpo na libela.
Maloba na nse
^ Talá Ndimbola ya maloba.
^ To, “mayoki na ngai ya kati.” Lil., “bangɛi na ngai.”
^ To, “nakotengatenga ata moke te.”
^ Lil., “Natye Yehova liboso na ngai ntango nyonso.”
^ Lil., “nkembo na ngai ezali na esengo.”
^ To, “nzoto na ngai ekofanda.”
^ To, “okosundola molimo na ngai.”
^ To, “Sheole,” elingi koloba, nkunda ya bato nyonso. Talá Ndimbola ya maloba.
^ To mbala mosusu, “amona kopɔla.”
^ Lil., “Liboso ya elongi na yo.”
^ To, “Bolamu.”
