Masese 5:1-23
5 Mwana na ngai, tyá likebi na bwanya na ngai.
Yoká malamumalamu* makambo oyo nazali koteya yo mpo na bososoli,+
2 Mpo obatela makoki na yo ya kokanisaMpe oloba ntango nyonso na kolanda boyebi ya solo.+
3 Mpo mbɛbu ya mwasi ya mobulu* etangaka lokola ndako ya mafuta ya nzoi,+Mpe monɔkɔ na ye ezali mosɛlu lokola mafuta.+
4 Kasi na nsuka azali bololo lokola mbondo+Mpe apeli lokola mopanga ya mino mibale.+
5 Makolo na ye ezali kokita na liwa.
Matambe na ye ezali komema na Nkunda.*
6 Atyaka likebi te na nzela ya bomoi.
Azali koyengayenga, kasi ayebi te esika makolo na ye ekomema ye.
7 Sikoyo, mwana* na ngai, yoká ngaiMpe kobwaka te maloba na ngai.
8 Zalá mosika na ye;Kopusana pene ya ekɔtelo ya ndako na ye te,+
9 Mpo opesa lokumu na yo epai ya bato mosusu te+To onyokwama bomoi na yo mobimba;+
10 Mpo bapaya básilisa nguya na yo te+Mpe biloko oyo ozwaki na mpasi ekende te na ndako ya mopaya.
11 Soki te okolela* na nsuka ya bomoi na yoNtango mosuni na yo mpe nzoto na yo ekobeba+
12 Mpe okoloba ete: “Nayinaki disiplini!
Motema na ngai etyolaki mpamela!
13 Nayokaki mongongo ya balakisi na ngai teMpe natyaki likebi te epai ya bateyi na ngai.
14 Talá nakómaki pene ya libebi mpenzaNa kati ya lisangá mobimba.”*+
15 Mɛlá mai ya libulu na yo moko ya kobomba maiMpe oyo ezali kotíyola uta na kati ya libulu na yo moko.+
16 Maziba na yo esengeli nde kopanzana libándá,Mikɛli ya mai na yo na bisika minene ya bato nyonso?+
17 Yango ezala mpo na yo moko,Mpe kokabola yango na bato mosusu te.+
18 Liziba ya mai na yo epambwama,Mpe sepelá na mwasi ya bolenge na yo,+
19 Bishe ya bolingo mpe ntaba kitoko ya ngomba.+
Mabɛlɛ na ye elangwisa yo ntango nyonso.
Bolingo na ye elangwisa yo ntango nyonso.+
20 Bongo mwana na ngai, mpo na nini olangwisama na mwasi ya mobulu*To oyamba ntolo ya mwasi ya pite?*+
21 Mpo banzela ya moto ezali liboso ya miso ya Yehova;Atalaka na likebi banzela na ye nyonso.+
22 Mabunga ya moto mabe ezali motambo mpo na ye,Mpe akokangama na bansinga ya lisumu na ye moko.+
23 Akokufa mpo andimaki disiplini teMpe akobunga nzela mpo bozoba na ye eleki ndelo.
Maloba na nse
^ Lil., “Sembolá litoi na yo na.”
^ To, “Sheole,” elingi koloba, nkunda ya bato nyonso. Talá Ndimbola ya maloba.
^ Lil., “bana.”
^ To, “okokimela.”
^ Lil., “Na kati ya liyangani mpe ya lisangá.”
