Hosea 12:1-14
12 “Efraime azali kolya mopɛpɛ.
Azali kolanda mopɛpɛ ya ɛsti mokolo mobimba.
Abakisi lokuta mpe misala ya mobulu.
Basali kondimana na Asiri,+ mpe bamemi mafuta na Ezipito.+
2 Yehova azali na likambo ya kosambisa Yuda;+Akosɛnga Yakobo azongisa monɔkɔ mpo na banzela na ye,Mpe akofuta ye na kolanda misala na ye.+
3 Na kati ya libumu, akangaki ndeko na ye na nse ya lokolo,*+Mpe na makasi na ye nyonso, abundaki na Nzambe.+
4 Abundaki mingi na anzelu mpe alongaki.
Alelaki, mpe asɛngaki lipamboli.”+
Nzambe akutaki ye na Betele, mpe kuna asololaki na biso,+
5 Yehova Nzambe ya mampinga,+Yehova ezali nkombo oyo bakanisaka ye na yango.*+
6 “Yango wana zongelá Nzambe na yo,+Batelá bolingo ya sembo mpe bosembo,+Mpe tyelá Nzambe na yo elikya ntango nyonso.
7 Kasi moto ya mombongo azali na bimekeli-kilo ya bokosi na lobɔkɔ na ye;Alingaka kobuba.+
8 Efraime azali ntango nyonso koloba: ‘Ya solo nakómi mozwi,+Nazwi bomɛngo.+
Mpe na mosala na ngai nyonso ya makasi, bakomona te eloko moko ya mabe to oyo ezali lisumu.’
9 Kasi ngai nazali Yehova Nzambe na yo banda na mokili ya Ezipito.+
Nakofandisa yo lisusu na bahemaLokola na mikolo ya ntango moko oyo etyamá.*
10 Nalobaki na basakoli,+Nabakisaki bimonaneli na bango,Mpe napesaki masese na nzela ya basakoli.
11 Na Gileade, ezalaki na bokosi*+ mpe lokuta.
Na Gilgale, bapesaki bambeka ya bangɔmbɛ-mibali,+Mpe bitumbelo na bango ezali lokola mipiko ya mabanga na banzela ya mikala na bilanga.+
12 Yakobo akimaki na teritware* ya Arame;*+Yisraele+ asalelaki moto mosala kuna mpo na kozwa mwasi,+Mpe mpo na kozwa mwasi, abatelaki bampate.+
13 Na nzela ya mosakoli moko, Yehova abimisaki Yisraele na Ezipito,+Mpe na nzela ya mosakoli moko, abatelaki ye.+
14 Efraime apesaki Nzambe mpasi mingi mpenza;+Ngambo ya makila ezali kaka na motó na ye.Nkolo na ye akopesa ye etumbu mpo na nsɔni oyo ayokisaki ye.”+
Maloba na nse
^ To, “na litindi.”
^ To, “nkombo ya ekaniseli na ye.”
^ To mbala mosusu, “fɛti moko.”
^ To, “misala ya maji; bikelakela.”
^ To, “Siri.”
^ Lil., “esobe.”
