Nzembo 83:1-18
Loyembo. Mondule ya Asafe.+
83 Ee Nzambe, kofanda nyɛɛ te;+Kozanga liloba ya koloba te, mpe kofanda kimya te, Ee Nzambe.+
2 Mpo, talá banguna na yo bazali na yikiyiki;+Mpe bato oyo bazali koyina yo makasi batomboli motó na bango.+
3 Bazali kokoba kosalela bato na yo masolo ya nkuku+ na mayele mabe;Mpe bazali kosala likita mpo na bato oyo yo obombi.+
4 Balobi ete: “Bóya mpe tósilisa bango bázala ekólo lisusu te,+Mpo nkombo ya Yisraele ekanisama lisusu te.”+
5 Mpo bango nyonso elongo bapesani toli na motema moko;+Basali kutu kondimana mpo na kotɛmɛla yo,+
6 Bahema ya Edome+ mpe Bayishimaele, Moabe+ ná Bahagri,+
7 Gebale, Amone+ ná Amaleke,Filistia+ ná bato oyo bafandi na Tire.+
8 Lisusu, Asiri esangani na bango;+Bakómi lobɔkɔ ya bana ya Lota.+ Sela.
9 Salá bango lokola Midiane,+ lokola Sisera,+Lokola Yabine+ na lobwaku ya mokɛli ya Kishone.+
10 Basilaki nyɛɛ na Ene-dore;+Bakómaki nyɛi na mabele.+
11 Nde bato na bango ya lokumu, kómisá bango lokola Orebe mpe lokola Zeebe,+Mpe bankumu na bango nyonso lokola Zeba mpe lokola Zalamuna,+
12 Baoyo balobi ete: “Tózwa bisika ya kofanda ya Nzambe ekóma ya biso.”+
13 Ee Nzambe na ngai, kómisá bango lokola ekumbaki oyo ezali kobalola nsende,+Lokola matiti ya blé na mopɛpɛ.+
14 Lokola mɔtɔ oyo ezali kozikisa zamba+Mpe lokola lolemo ya mɔtɔ oyo ezali kozikisa bangomba,+
15 Landá bango ndenge wana na mopɛpɛ makasi na yo+Mpe bulunganisá bango na ekumbaki na yo.+
16 Tondisá bilongi na bango na nsɔni,+Mpo bato báluka nkombo na yo, Ee Yehova.+
17 Ee báyoka nsɔni mpe bábulungana libela,+Mpe bábulungana mpe bákufa;+
18 Mpo báyeba+ ete yo, oyo nkombo na yo ezali Yehova,+Yo moko nde Oyo-Aleki-Likoló+ na mabele mobimba.+
