Biyano na mituna ya Biblia
Mpo na nini Yesu akozonga lisusu?
Liboso Yesu Kristo amata na likoló na mobu 33 ya ntango na biso, alakaki ete akozonga lisusu. Amikokanisaki na moto moko ya lokumu oyo akei mobembo mpo na ntango molai mpe azongi na nguya nyonso mpo na koyangela lokola mokonzi. Yesu akozonga lisusu mpo bato bázwa guvɛrnema ya malamu.—Tángá Luka 19:11, 12.
Yesu akotyela bato guvɛrnema ya malamu
Yesu akozonga na nzoto ya ndenge nini? Asekwaki na nzoto ya elimo. (1 Petro 3:18) Na nsima, azongaki na likoló mpe afandaki na lobɔkɔ ya mobali ya Nzambe. (Nzembo 110:1) Bambula mingi na nsima, balekisaki Yesu liboso ya Yehova Nzambe, “Mokóló na Mikolo,” oyo apesaki ye bokonzi mpo na koyangela bato. Na yango, Yesu akozonga na nzoto ya bomoto te kasi nde lokola Mokonzi oyo tokoki komona na miso te.—Tángá Danyele 7:13, 14.
Yesu akosala nini ntango akoya?
Ntango Yesu akoya elongo na baanzelu na ye, akosambisa bato. Akoboma bato mabe, kasi akopesa baoyo bandimi ete azala Mokonzi na bango bomoi ya seko.—Tángá Matai 25:31-33, 46.
Boyangeli ya Yesu ekokómisa mabele paradiso. Akosekwisa bakufi mpo bázala na bomoi na paradiso yango awa na mabele.—Tángá Luka 23:42, 43.
Talá mpe...
BIYANO NA MITUNA YA BIBLIA
Bokonzi ya Nzambe ezali nini?
Talá ntina oyo Bokonzi ya Nzambe eleki baguvɛrnema mosusu nyonso.
LINƆ́NGI YA MOSƐNZƐLI
Nini ekosalema na Mokolo ya Kosambisama?
Bato bapesaka makanisi ndenge na ndenge mpo na Mokolo ya kosambisama. Ezali likambo ya kobangisa? Ekokokisa makambo nini?
