Mi ne zamva i’da ma alea ’di ’bo ya?— Eri agu ndra omvele Yefita i ri ma mva. Biblia lu amani eri ma ru ku, te amani ni risi fe ndra ayiko ima ati pini Yehova be ra. Ama ma oniki nga e’yo eri ma dria eri ma ati Yefita be.

Yefita ni ndra agu azi muke dika sawa ’dupi angiri ima zi ni imbazu Yehova ma dria ri. Eri vini ndra agu azi okporu azini dricere kililiru ni. Ani ’ba Israelini ’diyi ngaki eri zi eyi ma dri cezu a’di ’dizu ari’ba eyini pie.

Yefita nga Mungu zi ima aza kozu a’di ’diri ndezu. Yefita so oyo i ka nga a’di ’diri nde ra, sawa i ni dri edazu risi i nga agu ifupi i vule joa risi oko ri fe Yehova ni. Agu ’di ni nga azi nga Yehova dri hema ti icita  ni ria idri ini ma alea dria. Hema ti icita ni ’diri ndra pari ’ba yini muzu Mungu ni inzizu ri. ’Dini, Yefita nde ndra a’di ’diri ra! Erini eca ria akua, mi ni a’di ifu eri vule joa risi oko ni’ari ra ya?—

Yefita ma zi i! ’Diri ndra lu mva erini alu a’dule ri, te Yefita ni ndra di nga eri ma ti pe ra. E’yo ’di fe ndra erini candi saaru. Te mi eco ega ra kini so ndra oyo ’bo. Coti, eri ma zi nga ’yo tinia, ‘Ma ati, mi zi mi tile Yehova dri ’bo, mi ’ye ma be ekile efupi mi tilia ’bo rile.’

Yefita ma zi o’a vini ndra candi si indi. Hema ti icita niria ’dale, ngani ndra agupi ’du azini anzi ti ku. Te le ndra ayiko fe ima ati pini Yehova be saaru. ’Dari ndra erini orodriru aga agupi ’duzu azini anzi tizu ri ra. ’Dini nga di mu akua risi azi ngazu hema ti icita niria ’dale idri erini ria dria.

Mini egarisi e’yo erini ’ye ’di fe ayiko eri ma ati pini Yehova be ra ya?— Ee, fe ra! Mi ka ovu ruta be azini Yehovani le Yefita ma izi dri rile, mi nga ayiko fe mi tipika yini Yehova be saaru.