Mi eco Suru amani e’yo nzezu drinia ’di ngoi’ari lu ra ya?— Ee, ’diri Suru Mungu niri, Suru ngapi wudrikuru dria ojapi paradisi ru ri i. Mi le e’yo oni angiri Suru ’di ma dria ra ya?—

Suru dria ma opi ci. Dika opi alu alu ni angu nya ’ba suru erivu ri ma alea ’diyi pi ma dria. Mi ni opi Suru Munguniri vuri a’di i’ari ra ya?— Eri Yesu Kristo i. Eri o’a ’bua. Ace were eri nga opi nya ’ba dria wudrikurua ’diyi ma dria! Mini ega risi ama nga o’a ayikosi sawa Yesu ni o’azu Opiru wudrikuru drisi dria risi ra ya?—

Ama nga o’a ayikosi tu! Paradisia, ’ba caki ni nga aco co kaniku a’di ’di eyi ma eselea ku. ’Ba dria yi nga eyi le eyima eselea lele. ’Ba azi ngani eca azoru kaniku dra dika ku. ’Ba mile koko ’diyi ma mile ni nga angu ne, ’ba bile koko ’diyi ma bi ni nga e’yo eri, dika ’ba ecopi acipiku ’diyi nga onzu azini ombu ra. Nyaka ni nga ga tre ’ba dria ni nyazaru. Anyapa yi nga o’a agyiru eyima eselea azini ama be. ’Ba odrapi ’bo ’diyi nga enga idriru dika. Agupi azini oku kakau mini e’yo onizu eyima dria buku ’di ma alea ekile Rebeka, Rahabu, Eliya, azini Daudi le ’diyi nga vini enga idriru indi! Mi le dri fu eyi pie sawa eyini engazu ’bo risi ra ya?—

 Yehova le mi saaru azini le mi ma o’a ayiko si. Mi ka mu drile e’yo onizu Yehova ma dria azini e’yo erini ri ma vuti obizu, mi eco di nga o’a paradisi onyiru ’da ma alea ’dani ’dani ra! Mi le ’daleri ra ya?—