IMBATA 31

Suru Mungu Niri A’du Afa ni Ya?

MI AVI

E’yo dri Biblia ni ambo ndeni ri Suru Mungu Niri ma dria. Yehovani nga Suru ’da ayu fezu asisile ndra erini nyaku ’di niri ni ecazu ima paria. Suru ’da a’du afa ni ya? Ama ni ngoniru eri sa ’disi opi nyaria? E’yo erini ’ye ’bo ’diyi ngoyi? E’yo erini nga ’ye ewu drusi ri ma alea ’diyi ngoyi? Imbata ’di azini drile iri ’diyi nga omvita zita ’diyi niri fe ra.

1. Suru Mungu Niri a’du afa ni ya, azini eri ma opi a’di i?

Suru ’di gamete azi Yehova Munguni ’baleni ri ’i ni. Opi erini Yesu Kristo ni opi nya engazu ’bua. (Matayo 4:17; Yohana 18:36) Biblia nze e’yo Yesu ma dria ’dini: “Eri nga opi nya . . . ’dani ’dani.” (Luka 1:32, 33) Yesu ni nga opi nya ’ba woro nyakua ’dia ’diyi ma dria Suru Mungu Niri ma Opiru.

2. A’di ni nga opi nya Yesu be ni ya?

Yesu nyani opi a’dule ku. ’Ba engazu “suruti dria ma eselia, ti ’yoza pie, ’ba pie, suru pie dria, . . . yi nga opi nya nyakua ra.” (E’yo Eceza 5:9, 10) ’Ba ngapi opi nyapi Yesu be ’diyi ma kalafe si? E’dozu ndra Yesu ni emuzu nyakua, ’ba milioni milioni ecaki ’ba eri ma vuti bipi ’diyi ru. Te ’ba ngapi opi nyapi Yesu be ’diyi ma kalafe lu 144,000. (Mi la E’yo Eceza 14:1-4.) Suru ’da ni nga opi nya Kristiani azi awipi nyakua ’dia ’diyi ma dria.—Zaburi 37:29.

3. Suru Mungu Niri aga gamete ’ba ada yini ’diyi ra ngoniru?

Dricere nyakua ’diyi kaki tro le e’yo muke ’diyi ’ye, yi ma okpo ecozu e’yo dria yini le ’ye ’diyi ’yezu ri yo. Sa azi ma vutia, opi nyaza yini ri eco vini i de ra. ’Ba emupi yi ma vutia ri eco ovu anyamgboloru. Te Suru Mungu Niri ma Opi Yesu econi nga opi nyaza ini ri ku ’ba azini dri ku. Mungu ’ba “suru ngapi dri japi ewu vusi ewu vusi kuri.” (Danieli 2:44) Yesu ni nga opi nya wudrikuru drisi dria, azini ngani opendu e’da ku. Eri letaru, asi ndrizaru, azini opendu kokoru. Eri nga ’ba yi imba o’azu yi ma eselea geri alu ’dasi—leta si, asi ndriza si, azini opendu kokoru—Mi la Isaya 11:9.

OVAZU ALI

Ine asisile Suru Mungu Niri ni gamete nyakua ’diyi agazu onyisi te ri.

4. Gamete okporu ni nga opi nya wudrikuru drisi dria

Yesu ma okpo ’ba dricezu ri aga driceza ’ba ada yini adi ma alea ’diyi dria ra. Mi la Matayo 28:18, zita ’di omvizu:

Driceza Yesu niri aga ’ba ada yini ri ra ngoniru?

Driceza ’ba yini rini i oja oja, azini nyaki opi wudrikuru drisi dria ku. Suru Mungu Niri ’dile ya? Mi la Danieli 7:14, zita ’diyi omvizu:

’Yozu Suru Mungu Niri “ngani dri ja ku” ri onyiru a’dusi?
Erini ngazu opi nyazu wudrikuru drisi dria ri onyiru a’dusi?

5. Le ’ba ma oja driceza ’ba ada niri ra

Le Suru Mungu Niri ma oja gamete ’ba ada yini ri ra a’dusi? Mi avi VIDIO ’di, zita ’di omvizu.

VIDIO: Suru Mungu Niri A’du Afa ni ya?—Avipi were ri (1:41)

Driceza ’ba ada yini ri eji amani a’du ma e’yo ni ya?

Mi la Eklesiaste 8:9, zita ’diyi omvizu:

Mini egarisi le Suru Mungu Niri ma nya opi gamete ’ba ada yini ri ma paria ni ya? A’dusi?

6. ’Ba opi nyapi Suru Mungu Niri ma alea ’diyi niki e’yo amani muzu alenia si ’diyi ra

Opi amani Yesu ni ndra o’azu ’ba adaru ra risi, ni “okpoako amani ma candi” ra. (’Ba Ebraniani 4:15) Yehova ope oku azini agupi a’ita pie 144,000 ngapi opi nyapi Yesu be ’diyi engazu “suru ti dria ma eselea, ti ’yoza pie, ’ba pie suru pie dria.”—E’yo Eceza 5:9.

Mini egarisi, Yesu azini ’ba ngapi opi nyapi eri be ’diyi niki e’yo ’ba ada yini o’azu alenia ’diyi ra ya? A’dusi?

Yehova ope agupi azini oku engazu suru dria ma alea si opi nyazu Yesu be

7. Azita Suru Mungu Niri ni ’diyi onyiru ndeni

Gamete ’ba ada yini ’diyi azita ecopi ’ba yi ma aza kopi ’diyi ’ba ci. Suru Mungu Niri ’ba vini azita ’ba eri ma pala ’diyi ni vuti ni obizu ci. Mi la 1 ’Ba Korintoa ’Diyi 6:9-11, zita ’diyi omvizu:

Mini egarisi ’ba dria ka nga azita Mungu ni ’diyi ma vuti obi wudrikuru ’di ni nga ovu ngole? a
Mini egarisi Yehovani azita yi ’bazu ’ba opi nyaza Suru ’di ma pala ’diyi niri muke ya? A’dusi?
A’du afa e’da ’ba azita Mungu niri ma vuti bipi ku ’diyi nga yi oja ra rini?—Ine vasi 11..