IMBATA 25
Mungu ma asisile ama dria ri ngoni?
Biblia ece ’ba ada, “eri idriru o’du were, eri ga tre candisi.” (Yobu 14:1) ’Di adaru e’yo Munguni le ama niri i ya? Ka ovu ’dale ku, eri ma asisile amani ri di ngoni? Eri nga eca ima paria ra ya? Ine nga omvita Biblia ni fe amani asi omizaru ’diyi.
1. Idri Yehova ni le amaniri ngoleri i?
Yehova le ama ma o’aki idri azi kililiru ’dileni ma alea. Sa ndra Yehova ni ’ba ada oko Adamu azini Eva pi o’bazu risi, ’ba yi amvu ndrizaru ni ma alea, ’di amvu Edeni ruri. Ani “Mungu nga asi ndrinza fe yi dri, Mungu nga ’yo yi tia, Emi ma ti, emi ma ezu kakau, ma ga nyakua tre, nyaku ma ovu di emi ma palaa.” (E’doza 1:28) Yehova le ndra ma tiki anzi, ma oja nyaku ’di paradisi ru, azini ma mba ki anyapa yi ma ta. Asisile erini ri ndra ’ba yini o’azu rua alasi azini o’azu ’dani ’dani.
E’yo ’da yini tro yi ezazu te ra ti, a asisile Mungu niri ojani nga ’i ku. (Isaya 46:10, 11) Le nga kiri ’ba ima ti eripi ra ’diyi ma o’aki ’dani ’dani rua alasi.—Mi la E’yo Eceza 21:3, 4.
2. Ama eco o’a idri kililiru risi sa ’disi ngoniru?
Yehova o’ba ama “ba alioru orindi ma alea ’diyi,” ru. ’Di ma efi ama ovu ava lezu eri inzizu ri be. (Mi la Matayo 5:3-6.) Le ama ma si agyi okporu i be, “acizu geri erini ’diyi ma alea, eri lezu avasi” azini azi ngazu eri dri “asi driasi.” (Azita Amviza 10:12; Zaburi 25:14) E’yo yini tro ovuzu ewaru ra ti, ama nga ovu ayiko adaru risi aka e’yo ’di ’ye ra ria. Yehova ni inzizu ri ni amani idri ma orodri adari e’da, azini eri amani idri ma asisile adari fe.
OVAZU ALI
Mi oni e’yo angiri leta Yehovani e’da amani sa erini nyaku o’bazu risi ri ma dria, e’yo erini imba amani asisile idrini ri ma dria Biblia ma alea ri be.
3. E’yo Yehova ni le ’ba ada niri onyiru tu
Mi avi vidio ’di, zita ’di omvizu.
-
Asisile Munguni nyaku amani ndrizaru ’di o’bazu ri ngoni?
Mi la Eklesiaste 3:11, zita ’di omvizu:
-
’Di imba mini e’yo Yehova ma dria ngoni?
4. Yehova ma asisile oja ni nga i ku
Mi la Zaburi 37:11, 29 azini Isaya 55:11, zita ’di omvizu:
-
Ama ni ngoniru Yehova ma asisile ama niri ojani nga i ku?
’Ba eco jo i ezapi ri otu ogogo ra. Geri alu ’dasi, Munguni nga nyaku ’ba yini eza ’di ede ogogo ’ba eri lepi ’diyi ni ra
5. Yehova ni inzizu rini amani idri ma orodri ada ri e’da
Asisile idri niri nizu ri ni amani ayiko fe. Mi avi VIDIO ’di, zita ’di omvizu.
-
Terumi isu ndra orodri erini asisile idri niri nizu risi ngoniru?
Mi la Eklesiate 12:13, zita ’di omvizu:
-
Yehovani afa kakau yi ’yezu amani risi le di ama ma ’ye erini a’duni?
’BA AZI ECO MI ZI: “Asisile idri niri a’duni?”
-
Mi ta omvi ngoni?
’BAZU ALIARU
Yehova le ama ma zu ayiko idri ma alea ’dani ’dani rua kililiru si nyakua ’dia. Aka eri inzi asi dria si, ama idri ma orodri adari isu,—e’dozu sa ’disi.
Aleni amvizu
-
Yehova ma asisile ndra oko Adamu pini Eva be ngoni?
-
Ama ni ngoniru Mungu ma asisile ndra ’ba ada yini okori ojani nga i ku?
-
Mi eco idri ma orodri adari isu ngoniru?
ONIZU ANGIRI
Mi oni afa e’dapi amvu Edeni niri ndra ci adari.
“Amvu Edeni Niri—A’diko ni ya Kani E’yo Adani?” (Watchtower, Mba Alu 1, 2011)
Mi oni e’yo asisile amani a’izu nyaku ’dini nga o’a ’dani ’dani ri ma dria.
Ine agu azi ndra egapi i isu afa ini le idri ma alea ’diyi woro ’bo ri isu afa ini ece idri ma alea ri ngoniru yari.
Ine agu azi ndra egapi i isu afa ini le idri ma alea ’diyi woro ’bo ri isu afa ini ece idri ma alea ri ngoniru yari.
a Imbata drile ri ma alea, mi nga oni a’du ma eyo ’ye ndra ’i ni yari.
