IMBATA 06
Idri E’do i Ngoniru?
Mungu vu “yi a’di idriniri” ci. (Zaburi 36:9) Mi a’i ’di ra ya? ’Ba azi ’diyi ega idri e’doru ’isi ceni. ’Da ka ovu e’yo adani, ama di ’dia drile onzi si. Te Yehova ka idri feni, asisile niri ni o’a ci. Ovuni ’da le ku ya? a Ine nga Biblia ma alea idri e’do i ngoniru yari, azini e’yo erini nze ’da si ta ra a’dusi yari.
1. Wudrikuru e’do i ngoniru ya?
Biblia ’yo ’dini: “Okokele Mungu ’ba ’bu pi nyaku be.” (E’doza 1:1) ’Ba sayansi ma e’yo onipi ’diyi atiki ra ada wudrikuru ’di ma e’dota ci. Mungu o’ba eri ngoniru? Ayu “okpo i vuri”—’di orindi alatararu ri—afa wudrikurua ’diyi o’bazu, alenia indi ri ’bi’bio yi, leleo ongulumuru ’diyi, azini afa o’bale ’bua ndu ndu ’diyi.—E’doza 1:2.
2. Mungu o’ba nyaku ’di a’du ma e’yo si?
Yehova o’ba nyaku ’di “ovuzu toko ku, eri ede eri ’ba ma adri alenia ani.” (Isaya 45:18) O’ba angu amani ’di kililiru, ovuzu aku ’ba ada yini ri ru ’dani ’dani. (Mi la Isaya 40:28; 42:5.) Sayansi ni e’da risi nyaku ’di isi ndu. Eri lu angu ecopi ’ba ada ma idri ma ta mba pi ri i a’dule.
3. A’du afa co ’ba ada yi ma esele anyapa pie ni ya?
Yehovani nyaku ’di o’bazu ’bo ri ma vutia, o’ba afa idriru ’diyi o’azu alenia. Oko risi, o’ba afa idiza yi, anyapa pie. Vutinia, “Mungu nga di ’ba ’ba i ma ngulupi ma wura vusi.” (Mi la E’doza 1:27.) A’du afa ’ba ’ba ada yi nduni ya? ’Bani ama o’bazu Mungu ma wura si risi, ama adriza erini ekile leta le azini e’yo liza kililiru ri le ’diyi e’da ra. Mungu o’ba ama ondua ecozu ti azi onizu ri pie, afa e’dapi ndriza ’diyi lezu ri pie, azini ongo ma ayiko zuzu. Ama ovu anyapa yile ku, ama eco ’ba ama o’bapiri inzi ra.
OVAZU ALI
Mi one nga eceta e’dapi ’ba o’ba idri o’ba o’ba azini e’yo Biblia ni imba o’bata ma dria ri kililiru ri. Mi oni nga adriza ’ba ada yini ndu ndu ’diyi ama imba Mungu ma dria ngoniru yari.
4. ’Ba o’ba idri o’ba o’ba
’Ba yi ru kuza isu afa eyini ede eyini ne engazu o’bata vu ’diyi si. Te di e’yo ada si ria leta a’di ma isu ru kuza ni ya? Mi avi VIDIO ’di, zita ’di omvizu.
-
Afa ’ba ada yini ede ’diyi ma alea yini ne engazu o’bata ma alea ’diyi ngo yi?
Jo dria alu alu ovu ’ba eri sipiri be, te di a’di o’ba afa dria yi ni? Mi la ’Ba Ebraniani 3:4, zita ’diyi omvizu:
-
Afa o’baza yi ma alea, mini ayiko fepi ndeni ri ngo i?
-
Eri muke ’bani ’yozu ’ba o’ba wudrikuru ’di afa alenia ’diyi pie dria o’ba o’ba ya? A’dusi?
Ini oku ra ya?
Buku azini vidio e’yo nzepi e’yo ’diyi ma dria ri, mi yi isu jw.org ma alea e’yo nzeza ’bani awa esele si ria “’Ba O’ba Eri O’ba O’ba Ya?” azini “Egata ’Bani Fe Idri ma E’dota ma Dria ’Diyi.”
“A’disiku jo dria alu alu ovu afa ’bani sileniri’i, te ’ba afa dria ’bapiri eri Mungu’i”
5. E’yo Biblia ni nze o’bata ma dria ri kililiru
E’doza capita 1 ma alea, Biblia ece amani e’yo nyaku ’di ma e’dota ma dria idri alenia ri pie ra. Mi eco e’yo Biblia ni imba ’di ati ra ya, kani ’di lu a’diko ni? Mi avi VIDIO ’di, zita ’diyi omvizu.
-
Biblia ni imba risi nyaku ’di azini idri alenia ri be, ’ba o’ba lu ’di o’du azia sa ni o’azu alenia 24 ’dile ya?
-
Mini ega risi e’yo Biblia ni imba o’bata ma dria ri e’yo azi kilili ’bani eco ati ra ni ya? A’dusi?
Mi la E’doza 1:1, zita ’di omvizu:
-
’Ba sayansi ma e’yo onipi ’diyi ’yo ki wudrikuru ’di ma e’dota ci. E’yo yini nze ri eci i e’yo mini ebi la Biblia ma alea ri be ngoniru?
’Ba azi ’diyi ega Mungu o’ba lu afa azini alu, afa azi ’diyi efuki di engazu alenia. Mi la E’doza 1:21, 25, 27, zita ’diyi omvizu:
-
Biblia ni imba risi, Mungu o’ba afa azi alu, afa ekile e’bi le, anyapa yi le, ’ba ada yi le, ’di efuki di woro engazu alenia ya? Kani o’ba afa yi ma “wura” ndu ndu? b
6. ’Ba ada yi o’bata Munguni ovupi ndu ’dile ni
Aco esele anyapa Yehovani o’ba ’diyi pie ra. Mi la E’doza 1:26, zita ’di omvizu:
-
’Bani ama o’bazu Mungu ma wura si risi, adriza azi amani e’da ekile leta le, azini yiki le ’diyi amani Mungu ma adriza ma dria a’du ma e’yo e’da?
’BA AZI ’DIYI ’YO: “E’yo Biblia ni imba o’bata ma dria ’di a’diko ni.”
-
Mi ega ngoni? A’dusi?
’BAZU ALIARU
Yehova o’ba wudrikuru ’di afa alenia ’diyi pie woro ni.
Aleni amvizu
-
E’yo Biblia ni imba wudrikuru ’di ma e’dota ma dria ri ngoni?
-
Mungu fe idri ndu ndu ’diyi engaki woro afa alu ma alea ya, kani o’ba afa alu alu yi ndu ndu?
-
Afa azi ’ba ada yi ’ba pi ndu ri a’duni?
ONIZU ANGIRI
Ine ondua ’bani isu afa Munguni o’ba ’diyi ma alea ri.
“O’bata ni Amani A’du ma E’yo Imba?” (Awake!, Mba Oromi 2006)
Ine ata eco e’yo Biblia ni imba o’bata ma dria ri imba ima mva were ri ni ngoniru yari.
Ine imbata afa woro efu afa alu ma alea ri eci i e’yo Biblia ni imba ri be ra yari.
Ine fala ndra drio ’diyi, azini e’yo sayansi ni isu ri, e’daki idri ’ba o’ba o’ba ya kani idri e’do i drile onzi si yari.
E’dota Idri Niri—Zita Ambo Ambo Towi Amani Ozi ’Diyi (brocua)
