ESELE 7

Engata Yesunia Cazu Kpere Paulo ni ’Bazu Arujoa

O’du na zu risi eri ma drata vutia, Yesu engara. O’du ’dasi nga i e’da ’ba ima vuti bipi ’diyi dri pale towi. Yesu nga i e’da eyi dri o’du 40. Vutinia, ’ba eri ma vuti bipi ’diyi ni deria nesi, Yesu nga tu ’bua ra. O’du mudri ma vutia Mungu nga orindi alatararuri fe ’ba Yesu ma vuti bipi o’api Yerusalemua ’diyi dri ra.

Vuti vuti ru, ari’ba Munguni ’diyi nga ’ba ti opele ’diyi ki osu arujoa, te malaika onze eyi ki ra. Ari’ba O’beki ’ba ti Opele Stefano ni o’be oni si kai. Te ama oniki Yesu epe ari’bo ’diyi ma azi aluni ecazu ima ati’bo ru ngoni ngoni ’a ri, Vutinia nga eca ’ba ti opele Paulo i. Eli na nusu drata Yesu ni ma vutia, Mungu pe ’ba ti opele Peteroni muzu e’yo oluzu agu ovupi Yahudi ru ku Korinelio ni azini ’ba eri vile akua ’diyi pie.

Eli 13 ’da ma vutia Paulo e’do aci ini oko e’yo oluza ni ri. Aci erini irizuri ma alea Timoteo nga mu Paulo be indi. Ama oniki Paulo pi ’ba erini acizu ’diyi pie esuki ayiko azi Munguni ma alia ngo pia ri. Asizu, ’ba nga Pauloni ’ba arujoa Rumia. Eli iri ’da ma vutia ’ba ofu eri arujoa risi ra, te ’dika ’ba ’ba eri arujoa azini ’ba ’di eri ra. E’yo eyi ’yepi ESELE 7 ma alia ’diyi ’duki eli 32.