Biblia ko zø ná saa na, ko adi riji Yova djo ko chu ná lo lø ko thí ronga. Ezra bba bblo kʉ ná loroji ko dho fø chu nǎ, ke “tayarishangʉe ndi thí ndiro ndi ne Yova dzá yadha nanga” d’e. (Ezr. 7:10) Ko ká ka ko dyø Ezra dhó loroji ngbaribbai?

Anji Sala. Ngazødha tso ni nga nari njí, anji sala. Anziri Yova kó ni tsotso ni famu ndirigoti ni njínjí ni zø ná lo na.​—Zb. 119:18, 34.

Adi nyenyenga na. Mungu adi bbʉbbʉlo ruru nodha na ndima thí li ndima dhó akili djo ná ndrŭ ró. (Lu. 10:21) Føri kina, ko nzɨ adi riji ko zø Biblia ndiri na ko dhǒ ngbá ngatsi ma ko chu lo nari nja ndrŭ dho d’e ri. Njati ni njari nidhó ngaddidha ma tso gbani Mungu dhó ri na nzá ró, nyenyenga na awø ri thika wø.

Amburi ni di Pidhinga dzá dyi rr. Dyi adi ko thí ronga lø bbo, føri dho njati ko di dyi rr Biblia zødha tso ko nga nari njí ró, føri ka ndi kó ko tsotso ko li ko thí Yova djo ndiro ko zø ná lo lø ko thí ronga d’e.