• Mez 17:24​—Ri ká kʉ ngbá chu nǎ “rrchu ná ke nyǒ adi bbí julu ro julu kpø dz’ tso d’ø na ngana” ri? (it-1 790 §2)

  Nidhó jibu

• I yenga ddo kana ni zø Biblia nari nǎ ro, ká ni ba kiroho nǎ ngbá mali?

  Nidhó jibu

Bblo le loti le kana nari na mana e bbo ndiro familia é hwè na d’e. Familia nǎ ndrŭ di loti pʉlʉpʉlʉ ndima kana ná saa na, kpa ka ndima njínjí ddinga ndiro ndima kó ndima tsotso ndima kana kpakpalo dhi saa na d’e. (Mez 15:22) Ni ká ka ni njí addu ndiro nidhó familia nǎ ndrŭ di loti pʉlʉpʉlʉ ndima kana d’e?

Anidi di ddinga. (Kum 6:6, 7) Kimwili nǎ njí ma, kiroho nǎ njí ma, le nyǒ djedha ma na familia nǎ ndrŭ di nji ddinga ná føri adi rili kpa kana é kpakpa kʉ ná jidha ndirigoti kpa di ndima thí lili ndima djo ndima kana. Føri kina, ri adi rili kpa ba saa bbo bblolo tidha dho. Nja saa na, ri ka ndi uri ni njí familia nǎ nja ndrŭ ji ndima njí ná lo nzá mai ni ji ri ro, fø ni rinji nari na mana kʉ bbo! (Flp 2:3, 4) Ddinga ká ni ka ni njínjí nidhó saa na bblo ngbaribbai?​—Efe 5:15, 16.

Aninja VIDEO Anidyø ngoi dhi familia na le mba ná chu dhi karte​—Anidi loti bblo. Føri goti adhuri ndrŭ tso:

• Elektronike dhi ritsi na le njínji d’idhe nari ká ka ndi é ngbá matokeo na familia nǎ ndrŭ adi loti ndima kana nari djo?

  Nidhó jibu

• Video nǎ ro ká ni ba nja ngbá somo bblo le loti le kana nari djo?

  Nidhó jibu

Adi bblo ngarr ná ke. (Yak 1:19) Nzø adi riji ndima d’ra ngbaribbai ma ndima ndima mbu nari, njati rié nzɨ do kpa nji ndima le si famu nzɨ inga ndima si rili ndima dhi gø dhi ndrŭ nanga kani nari dho ró. Føri dho, anji ni dho ka ná lo krʉ ndiro nzɨ ni nanga di kani njati nidhó ngba po ni ronga lø ná lo ma ró. (Mez 17:27) Føri rɨngana, arr ngba li ni li ni dyu ro. Amburi ni famu kedhó ngaddidha ma, ke ndi mbu nari ma na ndiro ni kó ke tsotso jidha na d’e.