SOMO 57
Njati ni njí bbo chenga ró ká ri ka ndi é ngbaribbai?
Ngbà mai ni ji Yova bbo ndirigoti ni kpakpanga nji bbo ndiro nzɨ ni njí nzá tho ke nyǒ ná lo ro, nja saa na chelo ka ndi njini ni dhó ro. Nì mai ri kʉ fø ro, nja kʉ ná chenga kʉ bbo pli nja kʉ ná chenga djolu. (1 Wakorinto 6:9, 10) Njati ni njí bbo chenga ma ró, anonga nari kʉ Yova nzá ndro ni ro fø lo dho maddi ri; achu nari kʉ ke jiri ndi njí ni zø njí ndirigoti ndi kó ni tsotso ko.
1. Ri ká ngani ko njí ngbá lo nja Yova njí ko zø d’e?
Ngbà ji Yova ná ndrŭ njí bbo chenga ró, føri adi njedha bbʉ bbo kpa dho. Ro Yova adi kpa iso pɨ ndidhó i tsodha na: “Njati nidhi chenga é ddiddi bbo pli dzá kakanga kʉ ná ritsi bbai ma ri ró, ri si ngʉ sawø rere thokpa bbai.” (Isaya 1:18) Njati ko leni ngbà kodhó chenga nǎ ro ró, Yova si ko zø njinji. Ko ká ka ko leni ngbaribbai? Ko njie ná chelo di ko nanga d’o bbo ró, føri adi rili nzɨ ko nji fø lo ki ndirigoti ri adi ko cho ko kó zø Yova tso. Fø ro, ko adi kpakpanga nji bbo ndiro ko bbá chenga na ka ndi tsú ko ná ngaddidha, inga che kʉ ná nyí tso d’e, ndirigoti ko adi kpakpanga nji ndiro ko nji ná lo gbani Yova dza tsetse ná yadha na d’e.—Azø Isaya 55:6, 7.
2.Yova ká adi ko tsotso kó ngbaribbai wazee chulu chenga ko nji ná saa na?
Njati ko njí bbo chenga ró, Yova rid’ra ko dho ko “nzi kutaniko nǎ wazee.” (Azø Yakobo 5:14, 15.) Fø wazee jirie Yova ma, Yova dhǒ njínji ná ndrŭ ma na ji. Kpa dho longaddirieni ndiro ndima chu ngbaribbai ma ndima ka ndima kó ko tsotso nari ndiro ko kana nga ki ngʉ chøchø Yova na d’e.—Wagalatia 6:1.
Wazee ká adi ko tsotso kó ngbaribbai njati ko njí bbo chenga ró? Aro inga gbo kʉ ná wazee ka ndima njinjí Biblia nǎ shauri na ndiro ndima dhǒ addudho ma ko nji ná chenga kʉ bbo nari d’e. Kpa ka ndima d’ra ko ka ko njí ná lo ndiro nzɨ ko nji chenga ki ró. Kpa ka ndima d’rari nzɨ ko nji kutaniko nǎ nja kʉ ná njí kpø kodhó kiroho si ngʉ bblo ná nga djo. Njati bbo kʉ ná chenga nji ná le leni nzá ndidhó chenga nǎ ro ró, wazee adi fø le pʉpʉ kutaniko nǎ ro ndiro nzɨ kutaniko nǎ nja ndrŭ dyø fø le dhó che kʉ ná loroji ró.
ANE LONANGA BBO
Aneri ni chu ngbaribbai ma Yova adi ko tsotso kó nari njati ko njí bbo chenga ró.
3. Njati ko d’ra ko nji ná chenga ró, ko kana nga adi ngʉ chøchø Yova na
Chenga ko nji ná saa na Yova thí adi vodha ba. Føri dzá lo dho ri kʉ bblo ko d’ra ko nji ná chenga ke dho. Azø Zaburi 32:1-5, ndirigoti anitilo i ngadhudha djo:
-
Addudho ká ri kʉ bblo ko d’ra ko nji ná chenga Yova dho, ru ko ri ru nari djolu?
Njati ko ne wazee dhó ngatsotsokodha Yova dhò ko d’ra ko nji ná chenga nari goti ró, ko adi ko mbu bblo. Aninja VIDEO, ndirigoti anitilo i ngadhudha djo.
-
Video nǎ ni njari nari bbai, wazee ká kongʉe Canon tsotso ngbaribbai nja ndi ngʉ Yova ro d’e?
Ringani ko d’ra bbʉbbʉlo ndirigoti ko é chi wazee na ko loti ná saa na; dhonalo kpa adi rine ndima kó ko tsotso ko. Azø Yakobo 5:16, ndirigoti anitilo i ngadhudha djo:
-
Njati ko d’ra bbʉbbʉlo wazee dho ró, ká ri ka ndi é sʉsʉ kpa kó ko tsotso addudho?
Ad’ra ni nji ná chenga, nzɨ ru ri wazee ró, ndirigoti au jidha na Yova ni tsotso kó nari
4. Nzá leni ná le lé pʉ kutaniko nǎ ro nari dzá faida
Njati bbo chenga nji ná le gʉ Yova dhó shauri dho ndi ngarr nari gʉ ró, fø le lé adi pʉpʉ kutaniko nǎ ro. Mutengwa kʉ ná fø le na nzá ko ka ko gba ko tso inga ko tilo le na ri. Azø 1 Wakorinto 5:6, 11 ndirigoti 2 Yohana 9-11, ndirigoti anitilo i ngadhudha djo:
-
Thì (levure) le li mukati na ró ká addu adi njini? Nde, nzá leni ná le na lé le tso gba nari ká ka ndi lø kutaniko ronga ngbaribbai?
Kutaniko nǎ ro le pʉngʉe ná bí kʉ ná ndrŭ ki ra ngʉ vi. Ngbà mai kpa dho le bbʉngʉe ná nizamu bbʉngʉe njedha kpa thí dho ro, føri lieri kpa d’i ndima dhó chelo ù tso d’i. (Zaburi 141:5) Aninja VIDEO, ndirigoti anitilo i ngadhudha djo.
-
I video nǎ ni njari nari bbai, Sonja tsotso ka mutengwa ndi ngʉe nari kongʉe ngbaribbai?
Ri ká kʉ ngbaribbai mutengwa ddikpa le ngʉ nari adi rili . . .
-
Yova ró dho ba madha ri?
-
Yova njani chø lo dhi ke ndirigoti jidha na kʉ ná ke ri?
5. Yova adi ko zø njinji njati ko léni le ró
Ddikpa loroji chulu, Yesu d’rangʉe ngbaribbai ma Yova adi ndi mbu chenga njí ná le léni le ró nari. Azø Luka 15:1-7, ndirigoti anitilo i ngadhudha djo:
-
Fø lo ká ngbá lo ngaddi ni dho Yova djo?
Azø Ezekieli 33:11, ndirigoti anitilo i ngadhudha djo:
-
Ddikpa le leni bbʉbbʉ nari ká addu ka ndi dhǒ?
Miya ró rø ná ke bbai, Yova adi ngaddi bbo le-djoi ma, le-vei ma na djo
NJA NDRŬ ADI RIPO: “Ma nji ná chenga má ra d’ra wazee dho nari do ma njinji, ma le si pʉpʉ kutaniko nǎ ro nari dho.”
-
Fø riddi ná le dho ká ni ka ni pori ngbǎ?
LO DZÁ DɄNGA
Njati ko nanga ri d’od’o ko nji ná bbo chenga dho ndirigoti ko vʉri ko nzɨ ri ki nji ri ró, Yova si ko zø njinji.
Lo djolu le ngʉ nari
-
Ri ká ngani ko d’ra ko nji ná chenga Yova dho addudho?
-
Ri ká ngani ko njí ngbá lo nja Yova njí ko zø d’e?
-
Njati ko njí bbo chenga ró, ká addudho ringani ko ne ko tsotsokodha wazee dhó ro?
NI KA NI CHU NÁ NJA LO
Nja ndi gbani Isaya 1:18 nǎ kʉ ná lo na d’e, anja ngbaribbai ma Yova dhoe zølo ddikpa ke dho nari.
Ddikpa le lé tenga kutaniko nǎ ro nari ká ka ndi bbʉ faida ndrŭ krʉ dho ngbaribbai?
“Sababu Gani Kutengwa na Kutaniko Ni Mupango Wenye Upendo?” (Munara wa Mulinzi, 15 Mwezi wa 4, 2015)
Aneri ni chu ngbaribbai ma ni ka ni tu kutaniko nǎ ro le ndrŭ tenga nari nanga, nga kʉ Yova dzá Dimu ná ndrŭ dho nari.
“Je, Mashahidi wa Yehova Wanakataa Wale Waliokuwa Katika Dini Yao Zamani?” (Jw.org djó kʉ ná lo)
Anja ɨ djǒ ripo ná lo “Nilipaswa Kumurudilia Yehova,” ndiro ni chu addudho ma bbabbae bbʉbbʉlo ná ddikpa ke mbue ndi chøchø ki ngʉ Yova ró nari bbai nari d’e.
“Biblia Inabadilisha Maisha ya Watu” (Munara wa Mulinzi, 1 Mwezi wa 4, 2012)
