SOMO 24
Malaiká ká kʉ ie ma ndirigoti kpadhó njí ká kʉ addu?
Yova adi riji ko chulo ndidzá ra nǎ familia djo. Føri kʉ malaiká, “Mungu dzá nzø” le adi ndima nzi ro. (Yobu 38:7) Biblia ká ngbá lo ddi malaiká djo? Kpa ká adi ndrŭ tsotso kó ngbaribbai? Malaiká krʉ ká kʉ Yova dhó familia nǎ?
1. Malaiká ká kʉ ie ma?
Malaiká Yova nongʉe dz’ ndi no nari nji. Yova bbai, kpa kʉ nzɨ nyi njani ná le ndí na ra nǎ. (Waebrania 1:14) Malaiká kʉ mamilioni, ro kpa krʉ dhó sifa kʉ njonjo. (Ufunuo 5:11) Kpa “adi njínji [Yova] dzá lo na ndirigoti kpa adi ke chu rr rr.” (Zaburi 103:20) Drdr Yova ngʉ adi malaiká ro cho ndiro kpa rá lobbŭ (ujumbe) po ndirigoti kpa ra ndidzá ndrŭ li kpakpa inga kpa ra ndrŭ gøgø d’e. Njʉ malaiká adi chutso ddá Wakristo dho ndiro kpa rá lod’ra ngbà jiri ndima chulo Mungu djo ná ndrŭ dho d’e.
2. Shetani ma, ndidhó gó ma na ká kʉ ie ma?
Nja malaiká nzá tøngʉeni chí Yova dho ri. Anji tsangʉe ná malaika “le adi nzi Shetani Diabolo, dz’ djolu gble ndi ndrŭ sha ro.” (Ufunuo 12:9) Shetani jingʉeri ndi nyopi nari dho, ke chòngʉe anji le nongʉe ná ndrŭ ma, nja malaiká ma na ndiro kpa gba ndima tso ndi tsatsa nari na d’e. Tsatsa ná fø malaiká le adi nzi gó. Yova dingʉe kpa di ra nǎ ro i dz’ djo ndirigoti ke si kpa sasa.—Azø Ufunuo 12:9, 12.
3. Njʉ ká Shetani ma, gó ma na adi riji ndima sha ko ngbaribbai?
Shetani ma, gó ma na adi bí kʉ ná ndrŭ sha gó na le loti nari chulu inga ndrù (uchawi) chulu, føri kʉ le riji le tilo nzɨ nyi njani ná kpakpanga na nari. Loroji na, nja ndrŭ adi rine ndima chulo dyødyø chulu ma, horoskope chulu ma, ndirigoti nja ndrŭ adi rine ndima chulo ro gosi njini ná lo ne ndima chú ná kpa dhó ro ma, ndrùbai ma inga djaiba dhó ro ma. Nja ndrŭ adi rine ndima ba gó na ka ndi gba le tso ná dawa. Nja ndrŭ urie ri nari kʉ ri ka ndi kaka le tilo checheni ná ndrŭ na. Ro Yova rija ko dho ɨ: “Nzɨ ni ro ra gó na loti ná kpa dhi ngana ndirigoti nzɨ ni neri ni chulo ro gosi njini ná loti ná kpa dhó ro.” (Mambo ya Walawi 19:31) Fø lo ke ja ko dho ndiro ko ronga b’oni b’o Shetani ma, gó ma na ró d’e. Shetani ma, gó ma na kʉ Mungu dhó mbubai ndirigoti kpa adi riji ndima nji chelo ko ró.
ANE LONANGA BBO
Aneri ni chu malaiká adi nji ná bblo lo, ndirigoti gó na le loti nari ka ndi bbʉ ná chelo, ndirigoti aneri ni chu ngbaribbai ma ko ka ko b’o ko ronga Shetani ma, gó ma na ró nari.
4. Malaiká adi ndrŭ tsotso kó ndiro ndrŭ chulo Mungu djo d’e
Mungu dhó malaiká nzɨ adi lod’ra ndrŭ dho ri, ro kpa adi lod’ra ná kpa tsotso kó ndiro kpa ba ngbà jiri ndima chulo Mungu djo ná ndrŭ d’e. Azø Ufunuo 14:6, 7, ndirigoti anitilo i ngadhudha djo:
-
Addudho ká ringani malaiká kó ko tsotso ndiro ko d’ralo d’e?
-
Ni churi malaiká ka ndima ddá chutso ngbà ni dho nja ni ba Biblia nǎ loji ndima rr ná ndrŭ d’e, ná føri ká li ni kpakpa nzá? Ká addudho?
5. Apʉ gó na ni loti nari ni ró ro
Shetani ma, gó ma na kʉ Mungu dhó mbubai. Ndirigoti kpa kʉ kodhó mbubai maddi. Azø Luka 9:38-42, ndirigoti anitilo i ngadhudha djo:
-
Gó ká adi ngbá lo nji ndrŭ ró?
Ko nzɨ adi riji ko gba ko tso gó na kodhó maisha nǎ ri. Azø Kumbukumbu la Torati 18:10-12, ndirigoti anitilo i ngadhudha djo:
-
Gó ká adi riji ndima sha ko ndirigoti ndima tilo ko na ngbá chulu? Ni di ná ngana ká ndrŭ adi ngbá lo ro mai nji?
-
Yova gʉ gó na le loti nari gʉ ná føri ká ni nja nyodyu dhi lo bbʉbbʉ? Ká addudho?
Aninja VIDEO, ndirigoti anitilo i ngadhudha djo.
-
Ni ká riddi Palesa dzá ngba thoti ngʉe ná erize ngʉ kpakpalo ma drr kpa djo ddi? Ká addudho?
-
Palesa dho ká ringʉngani ndi nji addu ndiro ndi ronga b’oni gó ró d’e?
Bbʉbbʉ Wakristo adi tøni kprɨ gó dhó kpakpanga tso ró. Azø Matendo 19:19 ndirigoti 1 Wakorinto 10:21, ndirigoti anitilo i ngadhudha djo:
-
Ká addudho ringani le sa gó na ka ndi gba le tso nari ritsi krʉ ledhó ro?
6. Asisì Shetani ma, gó ma na tso ró ni nji ná lɨ djó
Gó djó pi e Shetani. Ro chí tøni ná malaiká dho adi chutso ddá nari kʉ Mikaeli, ná føri kʉ Yesu ró nja dho. Mikaeli ká kʉ kpakpanga na ngbá ngatsi? Azø Ufunuo 12:7-9, ndirigoti anitilo i ngadhudha djo:
-
Bbo pli kʉ kpakpanga na nari ká kʉ ie ma? Ri ká kʉ Mikaeli ma ndidhó malaiká ma na inga Shetani ma ndidhó gó mana?
-
Ni ká riddi Yesu unakpa ka ndima njí Shetani ma do njí ndidhó gó mana?
Ni ka ni sisi Shetani ma dhó lɨ djolu ndidhó gó ma na. Azø Yakobo 4:7, ndirigoti anitilo i ngadhudha djo:
-
Ni ká ka ni b’o ni ronga Shetani ma, gó ma na ró ngbaribbai?
NJA NDRŬ ADI RIPO: “Njati ddikpa kpà (muchezo) inga ddikpa filme nǎ e gó djo tilo ná lo ma ró, føri ro nga kʉ che ri, ro føri kʉ le nyo ro dhé le djé ná chu.”
-
Fø ngaddidha ká kʉ che addudho?
LO DZÁ DɄNGA
Chi tøni ná malaiká adi ko tsotso kó ko. Shetani ma, ndidhó gó ma na kʉ Yova dhó mbubai, ndirigoti kpa adi ndrŭ sha gó na le loti nari chulu.
Lo djolu le ngʉ nari
-
Yova dhó malaiká ká adi ndrŭ tsotso kó ngbaribbai ndiro ndrŭ chulo ke djo d’e?
-
Shetani ma, ndidhó gó mana ká kʉ ie ma?
-
Gó na le loti nari na ká ni jiri ni gba ni tso nzá addudho?
NI KA NI CHU NÁ NJA LO
Anja Yesu kʉ malaika Mikaeli nari dho ná lo.
“Mikaeli, Malaika Mukubwa, Ni Nani?” (Jw.org djó kʉ ná lo)
Aneri ni chu nari kʉ Ibilisi nga kʉ le nǎ ro si ná chelo ri, ro ke kʉ nì kʉ ná ke nganga.
“Je, Shetani Iko Kabisa?” (Jw.org djó kʉ ná lo)
Anja ngbaribbai ma ddikpa isɨle vʉngʉe gó dhó bbonga tsena nǎ ro nari.
“Alipata Kusudi mu Maisha” (Munara wa Mulinzi, 1 Mwezi wa 7, 1993)
Aneri ni chulo ngbaribbai ma Shetani adi ndrŭ sha gó na le loti nari chulu nari djo.
