WAKARIBISHAJI Wakaribishaji le li ni tsotsokodha dho. Kirikiri anirrnga kpa dho ndirigoti anidyø kpa bbʉ ni dho ná chutso ddadha parking ma, tsudha dhi chu ma, vʉdha dhi chu ma, didha dhi nga ma, nja kʉ ná lo ma na djo.

BATISO Nzá lo thika si øni ø ró, batiso si ba ná ndrŭ dho le si nga thɨ estrade njí ro kʉ ná ngana. Batiso si ba ná ndrŭ dho ri si ngani ndima di føga zanji dyi bbʉtso nzá batiso dhi hotuba tso d’e ngani ro. Kila mutu dho ri si ngani ndi si ndi ró dda ndi si njʉ na ná ru na ndirigoti ngbà thonga batiso dho ná ru na.

BBɄDHA Nja i asamble dá bblo d’e, ri koe mbø bí nja le thɨ ri le nji ná nga ma, le ba njonjo kʉ ná video ma, sonorizasio ma ndirigoti le njí bí kʉ ná nja njí ma na d’e. I Asamble rili ko kana nga é chøchø Yova na. Jidha na ni bbʉ ná bbʉdha ka ndi kó fø njí tsotso ndirigoti ngø djolu gble njini ná njí maddi. Rie ngbà ni jiri ni bbʉ bbʉdha ró, aliri i asamble dhi ngana kʉ ná sanduku na. Ni ka ni bbʉ nidhó bbʉdha kodhó site 2donate.jw.org. chulu maddi, donate le ndi ná ngana. Krʉ ni ka ni bbʉ ná bbʉdha kʉ mana na bbo. Lo dho Chutso ddá ná Baraza adi mbai po bbo ni adi bbʉ Pidhinga dhi njí tsotsokodha dho hwè na ná bbʉdha dho.

SEKUR YA KWANZA Achuri føri kʉ le tsotso le kó nari dhé.

VIVI NDIRIGOTI BA BANI NÁ RITSI Krʉ le ba Asamble dhi ngana ná ritsi riji le mba vivi ndirigoti ba bani ná ritsi dhi departema na. Njati nidhó ddikpa ritsi ro vi ró, ara ri ne fø departema na. Dha bbi ná nzø ma, vivi ná nzø ma na riji le mba fø departema na. Nja nzɨ che kʉ ná lo banga ró, anib’o nidhi nzø ronga bblo ndirigoti anidi kpa na ddikpa ngana.

DIDHA DHI NGA Kirikiri addinga nja ndrŭ djo. Anonga nari kʉ ni ka ni li didha dhi nga ro nidhó familia nǎ ndrŭ dho ma, ddikpa motokari nǎ ni si na ná ndrŭ dho ma, inga Biblia nǎ longa ni adi ddi dho ná ndrŭ ma na dho dhé. Nzɨ li ritsi nzá tso ni cho ná kiti djo.

VOLOTERE DHÓ NJĺ Njati ni ji ni njinjí i asamble nǎ ró, ad’rari volotere djo nganja ná departema nǎ kpa dho.