Cho ddi kana ddikpa ina, Yova dzá Dimu ma, nzi kpa nzi ná mamilioni kʉ dz’ djolu gble ná ndrŭ ma na adi ndima tso nju Yesu dzá dhe nga nodha dho ke jangʉeri nari bbai. (Luka 22:19) Fø lo adi ko tsotso kó ko famu Yesu bbʉngʉe ndidhó shinga ndrŭ djotsina nari kʉ mana na bbo nari d’e. Godhé ri adi Yesu bbʉngʉe ndi nari ká ka ndi bbʉ ngbá faida ko dho njʉ ndirigoti gosi ná saa na nari dhǒ.​—Yohana 3:16.

 Rie nì inga nzɨ ma ni si si Yesu dzá dhe nga nodha dho i cho nǎ ri ró, ni ká ka ni ba ngbá faida ke bbʉngʉe ndidzá shinga ndi dhedhe nari nǎ ro? Yesu ddingʉeri nari kʉ, ringani ko njí bbo na mana kʉ ná aro kʉ ná i lo:

1.  1. Achulo Mungu djo ndirigoti Yesu djo. Yesu nzingʉe nga ndidzá ra nǎ Baba tsó ndirigoti ke pongʉeri ɨ: “Iri kʉ nŭnŭ di ná shinga, ndrŭ chu ni, bbʉbbʉ kʉ ná Mungu ddikpa ndirigoti ni chongʉe ná ke, Yesu Kristo.”​—Yohana 17:3.

2.  2. Anjinjí ni chu ná lo na. Yesu pongʉeri kodhó maisha nǎ ringani ko njinjí ndidhó mafundisho na. Loroji na, ke dyangʉe ndidhó Ngøtsɨ djó Mahubiri tso, “[ndidzá] lo rr ndirigoti njínji ri na ná kpa” dho ndi mbai po ná ri na. (Luka 6:46-48) Føri dzá lo dho ke pongʉeri: “Ni dho kʉ hwè, njati ni chu fø lo, ro ni njiinjí ri na ró.”​—Yohana 13:17.

 Ni ká ka ni jiri ni chulo bbo ngbà Mungu ma, Yesu ma na djo? Ni ká jiri ni ba ngbà thonga ná shauri ngbà ngbaribbai ma ni ka ni njinjí ni chu ná lo na nari djo? Ni tsotso ka ndi kó ná nja lo ro kʉ ena.

 Pá ko Biblia jifunza ndrŭ na ddinga ko loti nari chulu nari ko bí kʉ ná ndrŭ tsotso b’lo ndima chú Biblia nǎ lo ndirigoti ndima njinjí fø lo na ndima dhó maisha nǎ d’e.

•   Atsu kodhó eternete dhi site djó Programu ya Kujifunza Biblia dhi paje djo.

•   Anja ɨ djǒ ripo ná video Bblo sidha ni dho Biblia nǎ longanedha dho ndiro ni nja ngbaribbai ma Yova dzá Dimu adi Biblia jifunza ndrŭ na nari d’e.

 Yova dzá Dimu adi njuni yenga ddi kana aro ina ndima adi madha bbʉ Mungu dho ná ngana, Pidhinga dzá dza le adi ndi nzǐ ro. Fø njudha nǎ, ko adi loti Biblia nǎ lo djo ndirigoti ngbaribbai ma ko ka ko njinjí ri na kodhó maisha na nari djo.

 Fø njudha tso uni krʉ kʉ ná ndrŭ dho; nga ma ni é Yova dzá Dimu ró. Ni di ná ngana hali kʉ nari bbai, ni ka ni si njudha dho ni ronga na inga ni njí ri zum chulu.

•   Anja ɨ djǒ ripo ná video Pidhinga dzá dza nǎ ká ngbá lo adi da? ndiro ni nja njudha dhi ngana ni si chu ná lo ro d’e.

•   Ndiro ni ba chøchø kʉ ni di ná nga nǎ ro ná njudha dhinga d’e, atsu kodhó eternete dhi site djó Yova dzá Dimu dhó njudha dhi paje djo.

 Kodhó eternete dhi site djó bí kʉ ná zødha dhi ritsi ma, video ma na adi ko tsotso kó ko chu Yesu dhó mafundisho ndirigoti ke dhe nari dhó faida.

 Loroji na, ndiro ni chu ngbaribbai ma ddikpa ke dhe nari ka ndi liri ri kaka mamilioni kʉ ná ndrŭ ba faida nari d’e, azø ɨ djǒ ripo ná lo “Yesu Anatuokoa Namna Gani?” ndirigoti “Sababu Gani Yesu Aliteseka na Kufa?” inga anja ɨ djǒ ripo ná video Yesu ká dhengʉe addudho?