Ka ngolo za bantu’â ko zisa ti mu nza mwa bâ tidzunu. Kâ Timfumu tia Nzambi tinata tidzunu. Timfumu tio guvernema ya ku mazulu yena mpe Yezu Kristo we mutinu wa guvernema yango. Taleno misamu mi tulongesaka Bibila mu bungu dia tivuvu tio tia toma.

1.   Nzambi mbo “kamanisa mizingu tii kwa sukina nza,” mpe mbo kalungisa kani diandi dia tûla tidzunu ha mutoto mu bungu dia bantu bamuyangirikaka!—Mikunga 46:9; Like 2:14.

2.   Timfumu tia Nzambi mbo tiyâla zulu na mutoto wa mukaka. (Daniele 7:14) Mu bungu ti guvernema yo mbo yiyâla mutoto wawansoni, mbo yikatula tihambula titûkaka mu masika ma hata manataka misamu miamingi.

3.   Yezu, Ntwarisi ya Timfumu tia Nzambi, “Mfumu ya tidzunu” bamutâka. Mbo kasa ti kwa bâ tidzunu tia mankululu.—Izaya 9:6, 7.

4.   Bantu babansoni bê na miangu mpe balembolo zolo mu soba, ka bakota mu Timfumu tia Nzambi ko mu bungu ti Nzambi “mbo kayinaka muntu ni muntu wuzololo miangu.”—Mikunga 11:5; Bingana 2:22.

5.   Nzambi mbo kalongesaka kwe bantu bandi bwe balendi sa mu bâ mu tidzunu. Bibila mbo dizonzelaka musamu wo mu mpila eyi: “Mu mbele zawu za muzingu, mbo bayirika nsengo (soc de charrue) mpe mu madionga mawu mbo bayirika nkakulu (serpes). Ka kubâ kanda ko dinwanisa kanda diakaka mpe ka bavutu’â longoka muzingu ko.”—Izaya 2:3, 4.

 Lumbu ti, Mbangi za Yehova za mu nza yayansoni mbo zilongokaka mu bâ bantu basingasaka tidzunu mu zila ya ndongosolo ya Yehova. (Matie 5:9) Ni bu sa ti bikulu bia swaswana bie nawu mpe mu nsi yôka 230 babêlaka, ka banwanaka mizingu na bampwana’awu ko. Lumbu ti, Mbangi za Yehova mbo zilongokaka mu bâ bantu basarilaka tidzunu.