TIMOKO 56
Singasaka bumosi mu timvuka
Bu tubâka ha kati dia mpangi zeto, mabanza ma Mutinu Davide ma baka neto: “Bubote bwena mpe nsayi yayingi kwe bampangi mu bâ tintwari mu bumosi!” (Mikunga 133:1) Bumosi bweto ka bwasalama mu mbala mosi ko. Muna muntu dema die nandi mu simbirila bo.
1. Nti bie bia nzitukulu mu kanda dia Yehova?
Tala ti wele ku lukutakanu ku nsi yakaka, lendi lembo bakula zu dio, kâ mbo kwizi mona bubote na luzolo. Mu bungu dia nti? Mu bungu ti kwakwansoni ku tulongokaka Bibila, mabuku mamosi tusarilaka. Ngolo mpe tusaka mu songasana luzolo. Kwakwansoni ku tubâka, ‘nkumbu ya Yehova tukembelaka mpe ha timosi tumusarilaka.’—Sofoni 3:9, note.
2. Nti lendi sa mu singasa tidzunu?
“Tomoeno zolosono beno na beno mu mutima wumosi.” (1 Piere 1:22, NWT) Bwe lendi sarila verse yo? Kutalakandi kwa misamu mia mbi mia bampwana’aku. Kuyôkesakandi kwa ntangu na bô baluzoloko misamu mimosi, kâ, dinga mu zaba mpangi zakaka. Tulendi sarila mpe ngolo mu katula mabanza ma mbi malendi bâ neto mu bantu.—Tanga 1 Piere 2:17. a
3. Ngano nti sa tala ti musamu we naku na Mukristo wakaka?
Bumosi bwe neto, kâ mpe ka twena ba lunga ko. Ntangu zakaka bantu tuniongesaka peleko tufwemesaka. Buna Zu dia Nzambi ditutêlele ‘tatatamana [. . .] mu tilemvokelaka beto na beto,’ divutulu tâ: “Ntiana Yehova bu kazololo mu lu lemvokela, beno mpe sarileno bo.” (Tanga Bisi-Kolose 3:13, NWT.) Bwabwingi tafwemesa Yehova, kâ watulemvokela. Buna tu lombele mpe talemvokela mpangi zeto. Tala ti mweni ti muntu fwemese, dinga mu yirika musamu wo.—Tanga Matie 5:23, 24. b
YIKA NDILU
Dinga mpila zilendi singasa bumosi na tidzunu mu timvuka.
Nti lendi sa mu singasa tidzunu?
4. Telamana mabanza ma mbi mu bantu bakaka
We neto tazolo mpangi zeto zazansoni. Kâ wulendi bâ musamu wa mpasi kwe beto mu tambula muntu we wa swaswana na beto. Nti bilendi tu bakisa? Tangeno Bisalu 10:34, 35, mpe zonzeleno biyuvu ebi:
-
Yehova muntu ni muntu katambulaka mu bâ Mbangi’andi. Bwe lendi landa tifwani tiandi mu mpila yi mwinaka bantu bê ba swaswana na nge?
-
Ntia mabanza ma mbi mu bantu bakaka me mu tizunga tiaku zololo wadioka?
Tangeno 2 Bisi-Korente 6:11-13, mpe zonzeleno tiyuvu eti:
-
Bwe lendi longoka mu tomo zolo mpangi zaku zazansoni?
5. Zolo mulemvokela mpe singasa tidzunu
Yehova zololo mu tu lemvokela ni bu sa ti kani kabwe kena na nsatu beto tamulemvokela. Tangeno Mikunga 86:5, mpe zonzeleno biyuvu ebi:
-
Ngano mulemvo wa Yehova ntia bunene wena?
-
Mu bungu dia nti tondaka mu bungu dia mulemvo’andi?
-
Ntia misamu milendi tu kabakasa mu wisana na bantu bakaka?
Bwe tulendi landila tifwani tia Yehova mpe tusimbirila bumosi na mpangi zeto? Tangeno Bingana 19:11, mpe zonzeleno tiyuvu eti:
-
Tala ti muntu wukuniongese peleko wukufwemese, nti lendi sa mu tomesa misamu?
Ntangu zakaka mbo tufwemesaka bantu. Musamu wo bu wutûlaka, nti tufweti sa? Taleno VIDEO, mpe zonzeleno tiyuvu tita landa.
-
Mu video, ngano mpangi ya yikento nti kasa mu singasa tidzunu?
6. Dinga misamu mia mbote kwe mpangi zaku
Bu tulongokaka mu zaba mpangi zeto, mbo tuzabaka bifu biawu bia mbote na misamu mi balembolo ngolo. Bwe tulendi tala kwa bifu biawu bia mbote? Taleno VIDEO, mpe zonzeleno tiyuvu tita landa.
-
Nti bilendi ku bakisa mu mona bifu bia mbote bia mpangi zaku?
Yehova bifu biaku bia mbote kwa katalaka. Tangeno 2 Ntangu 16:9a, mpe zonzeleno tiyuvu eti:
-
Ngano bwe monaka ku mutima, bu zebi ti Yehova bifu biaku bia mbote kwa katalaka?
Diamant ya toma ka yibâka ya lunga ko, kâ ntalu kwa yibâka. Mpila mosi mpe, mpangi zeto ka zena za lunga ko, kâ ntalu zena kwe Yehova
TALA TI BAKUTÊLELE: “Ntete nalemvokela muntu, mfweti bâ na lukwikulu ti ndendi mu lemvokela.”
-
Mu bungu dia nti tufweti zolo mu lemvokela?
MU BUKUFI
Lendi singasa tidzunu mu timvuka bu lemvokelaka na bu songelaka luzolo kwe mpangi zazansoni.
Biyuvu bia mbambukulu
-
Bwe lendi telamana mabanza ma mbi mu bantu bakaka?
-
Ngano nti sa tala ti musamu we naku na Mukristo wakaka?
-
Mu bungu dia nti zololo walanda tifwani tia Yehova tia lemvokelaka bantu?
ZABA BIAKAKA
Tala bwe timosi tia bifwani bia Yezu tilendi tu longesa mu lembo fundisaka bantu bakaka.
Ngano tufweti lomba mulemvo tala ti tumweni ti ka tuyirikiri’â musamu wa mbi ko?
“Lomba mulemvo tidzunu kusingasaka” (Nzo ya Zangama ya Munkengi, 1er novembre 2002)
Tala bwe babakala bole bakurila mu nsi yi beri lembo zoloko bantu ba mukanda-nitu wakaka, bayizi longoka mu zolosono.
Longoka bwe lendi yirikila musamu we naku na muntu ntete katulumuna misamu mu timvuka.
“Yirika misamu mu luzolo” (Nzo ya Zangama ya Munkengi, mai 2016)
Dzukula mpe...
BIYUVU BI VULU YULAKA BANTU
Ngano ndongokolo ya Bibila yi saka Mbangi za Yehova bwe yiyôkelaka?
Mu ndongokolo ya Bibila yi saka Mbangi za Yehova, lendi sarila mbangululu ni mbangululu ya Bibila. Kutinandi mu tikisa bantu ba kanda diaku peleko ndiku zaku ku ndongokolo’aku.
