TIMOKO 51
Bwe lendi têla Yehova nsayi mu nzonzolo’aku?
Yehova bu katuyirika, watuhana kabu dia nzitukulu—lenda dia zonza. Ngano mpila yi tusarilaka dio ya kakipaka? Diangana, ya kakipaka! (Tanga Zaki 1:26.) Buna, bwe tulendi sarila lenda dia zonza mu tâ Yehova nsayi?
1. Bwe tufweti sarilaka kabu dia nzonzolo?
Bibila ditutêlele ti “tatamaneno mu tibombaka beno na beno mpe mu titungaka beno na beno.” (1 Bisi-Tesalonike 5:11, NWT) Ngano lendi banzila bantu bê na nsatu lutindusu? Nti lendi sa ngatu bamona bubote? Ba têla ti bawu belokelaka lwaka. Kampe, lendi batêla misamu mi zoloko kwe bawu. Ngano lendi banza verse yilendi tindisa muntu wu zebi? Lendi za baka zazingi. Bambukaka mpe ti mpila yi têlaka musamu yilendi tomo tindisa bantu. Buna, yêlaka mu zonza mu nsayi na mu bulembami.—Bingana 15:1.
2. Ntia nzonzolo tufweti losa?
Bibila ditêle: “Na kani musamu wa bola, ka wudukandi mu munwa’eno.” (Tanga Bisi-Efeze 4:29, NWT.) Wuzololo tâ ti ka tufweti’â tatâ misamu mia mbi ko, peleko ka tufweti’â tazonzela muntu mu ngolo ko mu mu fwemesa. Tufweti tînaka mu tolaka bantu mu mpila ya mbi, na mu bahunisinaka misamu.—Tanga Bingana 16:28.
3. Nti bitubakisa mu zonza mu mpila yitungaka?
Misamu mi tuvulu tâka, mbanzulu zeto na mabanza meto mizabikisaka. (Like 6:45) Buna, tufweti longokaka mu banzaka bima bia mbote—bia sungama, bia buzitu, bi bafweti zolo, bi basikaka, bi bafweti kembela. (Bisi-Filipe 4:8) Mu sila bima bio mutima, tufweti solaka nsaka na ndiku zeto na ndwenga. (Bingana 13:20) Bubote mpe bwena mu banzaka ntete tazonza. Tala bwe misamu mi tâka misobeselaka bantu bakaka. Bibila ditêle: “Nzonzolo yi balembo banzaka ye ntiana bu bawindaka mbele ya muzingu, kâ ludimi lwa bankwa ndwenga wasisa luwasisaka.”—Bingana 12:18.
YIKA NDILU
Longoka bwe zonzela mu mpila yi tâka Yehova nsayi mpe yitindisaka bantu bakaka.
4. Zabirila nzonzolo’aku
Ntangu zakaka, beto bansoni misamu tutâka mituniongesaka ha manima. (Zaki 3:2) Tangeno Bisi-Ngalate 5:22, 23, mpe zonzeleno biyuvu ebi:
-
Ntia bifu lendi sambirilaka bikubakisa mu zabirila nzonzolo’aku? Bwe bifu bio bilendi ku bakisila?
Tangeno 1 Bisi-Korente 15:33, mpe zonzeleno tiyuvu eti:
-
Nsololo’aku ya ndiku na ya nsaka ntia nsobolo yilendi nata mu nzonzolo’aku?
Nti bilendi sobesa nzonzolo’aku?
Tangeno Ekleziaste 3:1, 7, mpe zonzeleno tiyuvu eti:
-
Ngano musamu wa mbote wena mu kuta peleko mu kêla ntangu ya mbote mu zonza?
5. Zonzelaka bantu bakaka mu mpila ya mbote
Bwe lendi sa mu bika mu finga peleko mu tesa bantu bakaka misamu mia nkabu? Taleno VIDEO, mpe zonzeleno biyuvu bita landa.
-
Mu video, mu bungu dia nti mpangi yo yazolo mu soba mpila yi keri zonzelaka bantu bakaka?
-
Ngano nti kasa mu soba?
Tangeno Ekleziaste 7:16, mpe zonzeleno tiyuvu eti:
-
Nti tufweti bambukilaka bu tubâka na nsatu ya zonzela bubi bwa muntu wakaka?
Tangeno Ekleziaste 7:21, 22, mpe zonzeleno tiyuvu eti:
-
Bwe verse zi zilendi ku bakisila mu lembo bakaka nkesi za yôka bu batuzonzelaka bubi?
6. Bâka na nsayi bu zonzaka na kanda diaku
Yehova zololo ti tazonzaka na kanda dieto mu mpila ya nsayi na ya luzolo. Taleno VIDEO, mpe zonzeleno tiyuvu tita landa.
-
Nti bikubakisa mu zonzaka kwe kanda diaku mu nsayi?
Tangeno Bisi-Efeze 4:31, 32, mpe zonzeleno tiyuvu eti:
-
Ntia zonzolo yitungaka kanda?
Yehova watâ misamu mi keri banzaka mu Yezu. Tangeno Matie 17:5, mpe zonzeleno tiyuvu eti:
-
Bwe lendi landila tifwani tia Yehova mu mpila yi zonzelaka na kanda diaku?
Nti bilendi sobesa nzonzolo’aku? Dinga bwe lendi sîkila bantu bakaka
TALA TI BAKUTÊLELE: “Misamu mi nibanzaka ni mio nitâka. Ka mita kuntala ko tala ti bantu ka bazololo’â misamu mi nitâka ko.”
-
Ngano tamburi wo? Mu bungu dia nti?
MU BUKUFI
Misamu mi tutâka ngolo miena. Tufweti tomo banzaka misamu mi tutâ, ntangu yi tutâ mio na mpila yi tutêla mio.
Biyuvu bia mbambukulu
-
Ngano bwe lendi sarila nzonzolo’aku mu bakisa bantu bakaka?
-
Ntia nzonzolo fweti losa?
-
Nti bilendi tu bakisa mu bâ na nzonzolo ya nsayi mpe yitungaka?
ZABA BIAKAKA
Nti bilendi ku bakisa mu bâ na nzonzolo ya mbote?
Longoka nti bilendi ku bakisa mu losa nzonzolo ya mbi.
“Ngano wa nkatika wa mbi wena?” (Mutu-diambu wa mu Internet)
Tala bwe lendi lembo bwila mu mutambu wa zonzelaka bubi bwa bantu.
Dzukula bwe Yehova kabakisila bakala dimosi mu mvita zandi za bika mu tâka misamu mia mbi.
“Nabatika mu tomo banza mu lutwalusu lwa luzingu lwani” (Nzo ya Zangama ya Munkengi, 1er août 2013)
Dzukula mpe...
BIYUVU BI VULU YULAKA BANTU
Ngano ndongokolo ya Bibila yi saka Mbangi za Yehova bwe yiyôkelaka?
Mu ndongokolo ya Bibila yi saka Mbangi za Yehova, lendi sarila mbangululu ni mbangululu ya Bibila. Kutinandi mu tikisa bantu ba kanda diaku peleko ndiku zaku ku ndongokolo’aku.
