Mu nza yayansoni bantu mabanza ma swaswana me nawu mu malavu. Bakaka bazololo mu nwaka malavu na ndiku zawu. Bakaka mbo basoloka mu lembo nwa malavu. Bakaka mpe mbo basoloka mu nwa malavu mamingi. Bwe Bibila ditâka mu bungu dia malavu?

1. Ngano bubi bwena mu nwa malavu ma ngolo?

Bibila ka diyiminaka ko mu nwa malavu. Kâ Bibila bu dizonzelaka makabu mamingi ma tu hana Nzambi, mbo dizonzelaka mpe “vinu yiyangirikaka mutima wa muntu.” (Mikunga 104:14, 15) Bibila bakento na babakala ba kwikama dizonzelaka beri nwaka malavu ma ngolo.​—1 Timote 5:23.

2. Ntia malongi Bibila dihanaka kwe bô basolaka mu nwa malavu?

Yehova tifu tia nwaka malavu mamingi kayiminaka, na bundiafu bwa nwina peleko busulare. (Bisi-Ngalate 5:21) Zu diandi ditêle: “Kubândi ha kati dia bô banwaka vinu yayingi.” (Bingana 23:20) Buna tala ti tusolele mu nwa malavu​—ni wubâ ha beto kaka—​ka tufweti’â tanwa malavu mamingi ko masa ti talembo tomo banza, talembo zabirila nzonzolo’eto peleko talembo kengerela tikolela tieto. Tala ti ka tuzabiriri’â makopa peleko mbwata zi tunwaka ko, tufweti bika mu nwa malavu.

3. Bwe tulendi zitisila nzengolo za bantu bakaka mu bungu dia malavu?

Muna muntu fweti sola tala ti mbo kanwa malavu ma ngolo. Ka tufweti’â tafundisa muntu wusolele mu nwa malavu mu mpila ya delakana ko, mpe ka tufweti’â tasa tiya ko kwe muntu wusolele mu lembo ma nwa. (Bisi-Rome 14:10) Tufweti sola mu lembo nwa malavu tala ti malavu meto malendi tulumuna misamu kwe bantu bakaka. (Tanga Bisi-Rome 14:21.) Ka tudingaka “bubote bwa [beto beni] ko, kâ bwa bantu bakaka.”​—Tanga 1 Bisi-Korente 10:23, 24.

 YIKA NDILU

4. Sola tala ti malavu nwa

Bwe Yezu keri bongelaka malavu? Mu zaba mvutu tataluzula timangu tia ntete ti kasa. Tangeno Za 2:1-11, mpe zonzeleno biyuvu ebi:

• Mu timangu tio, nti tulendi longoka mu mpila Yezu yi kabongelaka malavu, na bô banwaka mo?

• Mu bungu ti Yezu kayimina mu nwa malavu ko, bwe Mukristo wufweti bongela muntu wusolele mu nwa malavu?

Ni bu sa ti Mukristo nswa we nandi wa nwa malavu, ka wuta zolo tâ ko ti ntangu zazansoni ndwenga kasarilaka bu kanwaka malavu. Tangeno Bingana 22:3, mpe taleno bwe misamu mita landa milendi sobesela mabanza maku ma nwina malavu:

• Kaminio nata peleko masini sarila.

• Zimi die naku.

• Doktere ku lombele mu lembo nwa malavu.

• Ku zabirilaka makopa peleko mbwata zi nwaka ko.

• Musiku wa hata ka wuta ku hana nzila ko ya nwa malavu.

• Na muntu wena wusolele mu lembo nwa malavu mu bungu ti musamu wa mpasi wabâ kwe yandi mu ntama, mu zabirila malavu.

Ngano fweti hana malavu kwe bantu ku makwela peleko ku malaki makaka? Mu zaba nti bilendi ku bakisa mu sola, taleno VIDEO.

Tangeno Bisi-Rome 13:13 na 1 Bisi-Korente 10:31, 32. Bu lumana tanga muna verse zonzeleno tiyuvu eti:

• Sarila mutieno wo, bwe kulendi ku bakisila mu bonga nzengolo yiyangirika Yehova?

 5. Sola makopa peleko mbwata zi nwa

Tala ti solele mu nwa malavu ma ngolo, bambukaka ti Yehova kayiminaka ko mu nwa malavu, ka tu yimini mu yôkesa ndilu. Mu bungu dia nti? Tangeno Ozea 4:11, 18, mpe zonzeleno tiyuvu eti:

• Nti bilendi tûrila muntu wunwaka malavu mamingi?

Nti bilendi tu bakisa mu lembo nwa malavu mamingi? Tufweti zabaka nzilu zeto. Tangeno Bingana 11:2, mpe zonzeleno tiyuvu eti:

• Mu bungu dia nti we musamu wa mbote mu kubikaka ndilu ya makopa peleko ya mbwata zi tufweti nwa?

6. Nti bilendi bakisa muntu mu bika mu nwa malavu mamingi

 MU BUKUFI

Yehova watuhana malavu mu bungu dia nsayi’eto, kâ mbo kayiminaka busulare na mu yôkesaka ndilu bu tunwaka malavu.

Biyuvu bia mbambukulu

• Bwe Bibila ditâka mu bungu dia malavu?

• Mu bungu dia nti bwe bubi mu nwaka malavu mamingi?

• Bwe tulendi zitisila nzengolo za bantu bakaka mu bungu dia malavu?