TIMOKO 31
Ngano Timfumu tia Nzambi ni nti?
Diambu dia nguri dizonzelaka Bibila ni Timfumu tia Nzambi. Yehova mbo kasarila Timfumu tio mu lungisa kani diandi dia ntete mu bungu dia mutoto. Timfumu ni nti? Bwe tuzabiri ti yâla tita yâla bwawu bu? Ngano nti tieka lungisa? Mpe nti tilungisa mu bilumbu bita kwiza? Timoko ti na bio bia biole bita landa mbo bihana mvutu mu biyuvu bio.
1. Timfumu tia Nzambi ni nti, mpe Mutinu ni nani?
Timfumu tia Nzambi guvernema yena ya tumba Yehova. Mutinu’andi, Yezu Kristo, tûka ku zulu kayâlaka. (Matie 4:17; Za 18:36) Bibila ditêle mu bungu dia Yezu: “Mbo kayâla [. . .] ntangu zazansoni.” (Like 1:32, 33, NWT) Bu ke Mutinu wa Timfumu tia Nzambi, Yezu mbo kayâla bantu babansoni ha mutoto.
2. Nani yâla na Yezu?
Yezu ka yâla yandi kaka ko. Bantu ‘ba makanda, ba mazu, ba mawa na ba nsi zazansoni [. . .] bafweti bâ mitinu mpe bafweti yâla mutoto.’ (Nzabukusu 5:9, 10) Ngano bantu bakwa bayâla na Yezu? Tûka ntangu ya yiza Yezu ha mutoto, Bakristo ba nkatika babingi bayizi bâ milongoki miandi. Kâ bantu 144 000 kwa ha kati diawu bakwenda ku zulu mpe bayâla na Yezu. (Tanga Nzabukusu 14:1-4.) Bakristo babansoni bakaka bantu ba Timfumu tia Nzambi bakwizi bâ ha mutoto.—Mikunga 37:29.
3. Bwe Timfumu tia Nzambi tiyôkele guvernema za bantu?
Ni bu sa ti bantu batwarisaka misamu mia mbote bayêlaka mu yirika, ka bena na lenda ko dia yirika musamu ni musamu wu bazololo. Mfumu zibayingasaka zilendi bâ na bwimi mpe zilendi lembo zolo mu bakakisa bantu ba zitwarisaka. Kâ ntwarisi ya Timfumu tia Nzambi, Yezu, ka kwena muntu ko wulendi mu yingasa. Nzambi mbo “kazakasa timfumu ti balembo fukisa.” (Daniele 2:44) Yezu mbo kayâla mutoto wawansoni mpe ka bâ na titantu ko. Yezu luzolo kasongelaka, nsayi na buderede, mpe mbo kalongesa bantu mu bongelaka bampwana’awu mpila mosi—mu luzolo, mu nsayi na mu buderede.—Tanga Izaya 11:9.
YIKA NDILU
Taluzula bwe Timfumu tia Nzambi tiyôkele guvernema za bantu.
4. Guvernema ya ngolo yiyâla mutoto wawansoni
Yezu Kristo ngolo zazingi ze nandi mu yâla, yôka ntwarisi zazansoni. Tangeno Matie 28:18, mpe zonzeleno tiyuvu eti:
-
Bwe lutumu lwa Yezu luyôkele lwa ntwarisi za bantu?
Guvernema za bantu soba zivulu sobaka mpe muna ntwarisi hata diandi kwa yiyâlaka. Bwe tulendi tâ mu bungu dia Timfumu tia Nzambi? Tangeno Daniele 7:14, mpe zonzeleno biyuvu ebi:
-
Mu bungu dia nti we wa mbote ti Timfumu tia Nzambi “bu balembo tia fukisa”?
-
Mu bungu dia nti we wa mbote ti tiayâla mutoto wawansoni?
5. Bimfumu bia bantu bafweti bia yingasa
Mu bungu dia nti Timfumu tia Nzambi tifweti yingasa guvernema za bantu? Taleno VIDEO, mpe zonzeleno tiyuvu tita landa.
-
Ngano lutumu lwa bantu ntia ndandu lwanata?
Tangeno Ekleziaste 8:9, mpe zonzeleno biyuvu ebi:
-
Ngano Timfumu tia Nzambi tifweti yingasa guvernema za bantu? Mu bungu dia nti?
6. Timfumu tia Nzambi tie na ntwarisi zibakulaka misamu mieto
Mu bungu ti Mutinu’eto Yezu muntu wabâ, lendi fwila “bunôkena bweto tiari.” (Bahebre 4:15, NWT) Babakala na bakento ba kwikama 144 000 bayâla na Yezu, Yehova wabasola ‘mu makanda, mu mazu, mu mawa na mu nsi zazansoni.’—Nzabukusu 5:9.
-
Ngano musamu wa mbote wena mu zaba ti Yezu na bô bayâla na yandi bazebi misamu mi tumonaka ku mutima na mpasi zeto? Mu bungu dia nti?
Yehova wasola babakala na bakento ba makanda mamansoni mu yâla na Yezu
7. Timfumu tia Nzambi tie na misiku miyôkele
Guvernema misiku zihanaka mifweti nata ndandu mpe mifweti kengerela bantu bawu. Timfumu tia Nzambi mpe tie na misiku mi fweti landa bantu bandi. Tangeno 1 Bisi-Korente 6:9-11, mpe zonzeleno biyuvu ebi:
-
Mu mabanza ma nge, ngano nza bwe yibâ bantu babansoni bu balanda misiku mia Nzambi? a
-
Mu mabanza ma nge, ngano wa delakana we ti Yehova kalomba kwe bantu bango bazitisa misiku miango? Mu bungu dia nti?
-
Nti bita songela ti bantu balembo zitisaka misiku miango balendi soba?—Tala verse 11.
Guvernema misiku zihanaka mikengerelaka mpe minataka ndandu kwe bantu bawu. Timfumu tia Nzambi tie na misiku miyôkele mikengerelaka mpe minataka ndandu kwe bantu bandi
TALA TI BAKUYURIRI: “Ngano Timfumu tia Nzambi ni nti?”
-
Ntia mvutu lendi hana?
MU BUKUFI
Timfumu tia Nzambi guvernema ya matieleka yena ku zulu, yiyâla mutoto wawansoni.
Biyuvu bia mbambukulu
-
Ngano ntwarisi za Timfumu tia Nzambi ni banani?
-
Bwe Timfumu tia Nzambi tiyôkele guvernema zazansoni za bantu?
-
Ngano Yehova nti kalombaka kwe bantu ba Timfumu tia Nzambi?
ZABA BIAKAKA
Taluzula nti Yezu kalongesa mu mbuka ye Timfumu.
“Ngano Timfumu tia Nzambi mu mutima’aku tiena?” (Mutu-diambu wa mu Internet)
Mu bungu dia nti Mbangi za Yehova zisolaka mu bâ ba kwikama mu Timfumu tia Nzambi kani babâ ba kwikama mu luyalu lwa bantu?
Taluzula bwe Bibila ditâka mu bungu dia bantu 144 000 Yehova ba kasola mu yâla na Yezu.
Nti biahana lukwikulu kwe mukento wumosi wabâ ku boloko ti ni Timfumu tia Nzambi kwa tilendi nata nza ya môna?
“Nayizi dzukula tima tilendi nunga kondo kwa buderede” (Réveillez-vous!, Novembre 2011)
Dzukula mpe...
BIYUVU BI VULU YULAKA BANTU
Ngano ndongokolo ya Bibila yi saka Mbangi za Yehova bwe yiyôkelaka?
Mu ndongokolo ya Bibila yi saka Mbangi za Yehova, lendi sarila mbangululu ni mbangululu ya Bibila. Kutinandi mu tikisa bantu ba kanda diaku peleko ndiku zaku ku ndongokolo’aku.
