Ndiku “ni muntu wa kangama kwe muntu wakaka mu luzolo peleko mu buzitu.” Mu tifwani, Davide na Yonatane babatika tindiku tia ngolo, Davide bu kamana honda Goliate. (1Sa 18:1) Muna muntu bifu bia bâ nandi biasa ti mpwana’andi kamuzolo. Dieka bo, mu tomo bâ ndiku na muntu, fweti tomo mu zaba. Longoka mu zaba muntu wakaka ntangu kudingaka na ngolo. Kâ mu réseaux sociaux bantu balendi bâ “ndiku” mbala mosi. Mu bungu ti bantu bakwendaka mu Internet lenda die nawu dia kubika misamu mi batâ, na mu zabirila mpila bantu bakaka yi babamwina, ka wena musamu wa mpasi ko kwe bawu mu sweka mpila ya bantu yi bêna. Dieka bo, bubote bwena mu bâ na ‘misiku mia tindiku’ mu Internet. Kubândi na bunkuta mu kala peleko mu bika ndombolo za bindiku za bantu ba lembolo tomo zaba, ntia wabafwemesa. Mu bungu dia misamu mia mpasi milendi ba turila, bantu bakaka bayizi sola mu lembo sarilaka réseaux sociaux. Kâ, tala ti solele mu sarila réseaux sociaux nti fweti zaba?

TALENO VIDEO YA BÂ NA MAYELA MU NSALULU YA RÉSEAUX SOCIAUX, MPE HANENO MVUTU MU BIYUVU BITA LANDA:

• Nti fweti toko zaba ntete watûla mabanza peleko foto mu réseaux sociaux?

• Mu bungu dia nti fweti tomo solaka ndiku zaku mu Internet?

• Mu bungu dia nti fweti kubikaka ntangu yi yôkesaka mu réseaux sociaux?​—Efz 5:15, 16