Bibila ni buku die na malongi mayôkele mu ndwenga. Wamana dia tangaka mpe wamana dia dimbitilaka ntangu zazansoni mpe wamana sarilaka mio mi tangaka, “mbo lenda nzila zaku.” (Yosua 1:8; Mikunga 1:​1-3) Mbo kwizi zaba Yehova na Mwana’andi Yezu, mpe luzabu lo mbo lukubakisa mu baka luzingu lwa mankululu.​—Za 17:3.

Bwe fweti tangila Bibila? Lendi sola mpila ni mpila. Programe yi ya ntangulu ya Bibila yilendi ku bakisa mu tanga mikanda mia Bibila mu mulonga peleko mu mitu-diambu. Mu tifwani, lendi tanga bitini biakaka mu zaba mpila Yehova yi keri bongelaka Israele ya ntama. Lendi tanga mpe bitini biakaka mu zaba bwe timvuka tia Bakristo mu mbandu ya ntete tia batikila mpe bwe tia kurila. Wamana kwe tangi tikunku tia bikapu bilumbu biabiansoni, mbo kwizi tanga Bibila mu muvu wumosi.

Ni bu sa ti programe ya ntangulu ya Bibila ya bilumbu biabiansoni ta dinga, programe yikubakisa mu tanga Bibila mu muvu wumosi, peleko programe ya bô bata batika mu tanga Bibila, programe yi mbo yikubakisa. Benda programe yi ya ntangulu ya Bibila yilendi sa imprimer, mpe batika yo lumbu ti.