Mu ntangu yi ya mpasi, musamu wa mpasi wena mu zabirila misamu mitutûrilaka. Kâ, nsayi’eto mu mpila yi tubongelaka misamu yivulu sikamanaka, yôka misamu mi tubwabanaka na mio. Bibila ditêle ti ntono misamu mi babwabanaka na mio, “bantu bê mu nsayi um luzingu bayangalalaka.” (Bingana 15:15, Good News Translation) Nti tulendi sa mu kurisa nsayi’eto? Tala bwe malongi ma Bibila malendi ku bakisila

 Bibila ditêle: “Maniongo mutima wa muntu mademesaka, kâ nzonzolo ya mbote yandi yitindisaka.”—Bingana 12:25.

•   Bibila dilendi ku bakisa mu telamana maniongo ma ngolo. Mu zaba bwe, tanga mutu-diambu wa “Bibila bwe ditâka mu bungu dia maniongo.”

 Bibila ditêle: “Nkatika ndiku, ntangu zazansoni yisongelaka luzolo; mpe mpangi yena yabutuka mu bungu dia ntangu za mpasi.”—Bingana 17:17.

•   Bibila malongi dihanaka malendi ku bakisa mu telamana bukaka, bu kwe kurisi bindiku biaku. Tanga mutu-diambu wa “Sarila tindiku mu telamana bukaka—Bwe Bibila dilendi bakisila.”

 Bibila ditêle: “‘Fweti zolo Yehova Nzambi’aku mu mutima’aku wawansoni, mu tilundi tiaku tiatiansoni na mu mabanza maku mamansoni.’ Yo ni ntumunu ya ntete na yiyôkele. Ya nzole yimudelakane ni eyi: ‘Fweti zolo mpwana’aku ntiana nge beni.’” a—Matie 22:37-39.

•   Lusambulu lulendi tu bakisa mu kurisa luzolo lweto mu Nzambi. Mu zaba misamu miakaka, tanga mutu-diambu wa “Ngano Nzambi tusambulu tweto kawâka?”

•   Luzolo tusongelaka kwe bantu bakaka bu tubongelaka bantu bakaka mu mpila yi tuzololo batubongela. Dzukula misamu miakaka mu mutu-diambu wa “Ngano ntumunu ya ore ni nti?”

 Dinga mu zaba bwe Bibila dilendi ku bakisila mu bâ mu nsayi mu ntangu yi ya mpasi. Mu lenda, tukulombele mu yêla ndongokolo’eto ya Bibila.