Guvernema za mu nza yayansoni mu nzingula zena. Ni zibâ nsi zi batâka za sikama, guvernema zakotele mu nzingula mu bungu dia misamu mia mbi, tihambula tia mfumu za politike na vwandi dia bantu.

 Bibila disongele ti guvernema ye kô ya sikama. Kampe guvernema yango ya lweka wîla nsangu. Guvernema ni yo ya zonzela Yezu mu lusambulu lu kalongesa kwe milongoki miandi.

•   “Lufweti sambilaka ebu: ‘Tata’eto die ku mazulu, bîka nkumbu’aku yabâ ya santu. Bîka Timfumu tiaku tiza, bîka luzolo lwaku lwasalama ha mutoto ntiana ku zulu.’”—Matie 6:9, 10.

 Ngano Bibila bwe ditâka mu Timfumu tiango?

 Timfumu tûka mu zulu tiyâlaka.

•   Yezu watâ guvernema yango “Timfumu tia mazulu.” (Matie 4:17; 5:3, 10, 19, 20) Ntiangu, yandi katâ: “Timfumu tiani ka tiena tia nza yi ko.”—Za 18:36.

 Timfumu tio mbo tiyingasa guvernema za bantu.

•   Bibila ditêle: “Timfumu [. . .] mbo tikosakasa mpe mbo tisukisa bimfumu bio biabiansoni biakaka [bia bantu], mpe tiawu kaka kwa tiyâla ntangu zazansoni.”—Daniele 2:44.

 Timfumu, tibâ mu lutumu lwa Mutinu, Yezu, ka tifuka ko.

•   Bibila ditêle: “Luyâlu lwandi, luyâlu lwa mankululu lwena— ka lwena na nsuka ko—mpe timfumu tiandi ka bafukisa tio ko”—Daniele 7:13, 14.

 Timfumu mbo tinata tidzunu na nkengololo ha mutoto.

•   Bibila ditêle: “Muna muntu mbo wuzinga mu tidzunu ha kati dia miti mia vinu na mia fige, mpe ka ku bâ kani muntu ko wubatâ bunkuta.”—Mika 4:4, Good News Translation.

 Yezu bu kabâ ha mutoto, wasarila ntangu’andi mu “samuna nsangu za mbote za Timfumu.” (Matie 9:35) Yandi watâ mpe:

•   “Nsangu zi za mbote za Timfumu mbo basamuna zo ha mutoto wa mukaka, mu tâ timbangi kwe makanda mamansoni, mpe buna nsuka mbo yitûla.”—Matie 24:14.

 Lumbu ti, nsangu za mbote mu nsi yôka 240 basamunaka zo. Tukulombele mu longoka misamu mitariri guvernema yo na mpila yi bakila ndandu mu lutumu lwandi.

 Tala video ya Ngano Timfumu tia Nzambi ni nti?