PWONY ME 09

Nok Cok baŋ Obaŋa i Lego

TUKU

Anaka koŋ iwinyo ni imito tela Obaŋa i kwoni? Apenye mene a pirgi tek ame imito nwoŋo agamgi? Ce nyo imito kwecuny kede cukoro cuny? Onyo ce yin daŋ imito winyo ni icok kede Jeova? Lego twero konyi me cobo miti magi luŋ. Ento myero ileg niŋo? Itamo ni Obaŋa winyo lego a Jo luŋ? Itwero timo ŋo wek Obaŋa winy legoni? Wek koŋ onen.

1. Wan myero oleg baŋ ŋa, dok jami mene ame otwero lego pirgi?

Yecu opwonyowa me lego baŋ Papawa atye i polo keken. Yecu ikome daŋ olego baŋ Jeova. En okobo ni: “Kwa wunu Obaŋa, kit man, ni, ‘Papawa atye i polo . . . ’” (Matayo 6:9) Ka wan olego baŋ Jeova, wat i kinwa kede jiŋ.

Wan otwero lego pi ginnoro keken. Ŋeye aŋea ni, me wek Obaŋa gam legowa, legowa myero rwatte kede miti mere. “Ka wan okwao ginnoro kun olubo mittere [Obaŋa], en winyowa.” (1 Lakana 5:14) Yecu omiowa apor i kom jami ame wan otwero lego pire. (Kwan Matayo 6:9-13.) Meddo i kom lego pi mitiwa, wiwa myero pe wil me pwoyo Obaŋa pi jami ame en otimo pirwa, kede kwaye me konyo jo okene daŋ.

2. Wan myero oleg niŋo?

Baibul cukoro cunywa me ‘genno [Obaŋa] i cunywa ducu.’ (Jabuli 62:8) Doŋ legowa myero ya i cunywa. Legowa twero bedo i yore ame winyere nyo ame mom winyere dok myero otim i yore moro keken ame nyuto woro. Wan otwero lego i cawa moro keken dok daŋ i kabedo moro keken.

3. Obaŋa gamo legowa i yore aŋo?

En timo man i yore apapat. Jeova omiowa koppere, Baibul, me konyowa nwoŋo agam pi apenyewa. Kwano kop Obaŋa, twero ‘miyo ŋat a mom i ŋeccoro doko ŋat aryek.’ (Jabuli 19:7; kwan Yakobo 1:5.) En twero miyowa kuc i tamwa ka otye i can. En twero tuggo cuny jo ame wore me miyowa kony i kare mere ikome.

NWOŊ ŊEC ATUT

Nen kit ame itwero lego kede kun ya i cunyi wek legoni yom cuny Obaŋa, dok inen kit ame lego twero konyi kede.

4. Jami mene ame Obaŋa mito ka olego?

Ŋo ame twero mokkiwa ka Obaŋa ogamo legowa nyo pe? Tuk VIDEO.

VIDEO: Obaŋa Winyo Lego a Jo Luŋ?—En acek (2:42)

Jeova mito ni wan oleg baŋe. Kwan Jabuli 65:2, eka ite nyamo wunu apenye magi:

Itamo ni “Agam lego” mito ni yin daŋ ileg baŋe? Piŋo itamo amannono?

Wan myero otute me kwo alubere kede rwom me kite atira Obaŋa wek en winy kwacwa. Kwan Mika 3:4 kede 1 Petero 3:12, eka ite nyamo wunu apeny man:

Wan otwero moko ni Jeova bino gamo legowa niŋo?

I kare me lweny, dul mony aryo apapat ame a rwatte i lweny otwero lego pi loyo lweny. Itamo ni tye me ryeko me genno ni Obaŋa winyo kodi lego magi?

5. Legowa myero ya i cunywa

Jo mogo opwonyogi me bedo nwoyo nyig kop acel-li kare i kare i legogi. Ento ce ni man aye kit ame Obaŋa mito ni oleg kede baŋe? Kwan Matayo 6:7, eka ite nyamo wunu apeny man:

Oromo gwokere i ‘bedo nwoyo kit kop acel-li’ i legowa niŋo?

Itwero tam i kom ginnoro aber ame otimere i kwoni i nino moro-ni eka ite pwoyo Jeova pire. Tim kitti didik pi cabit acel, ibino nwoŋo ni i lego i kom jami abiro apapat aboŋo bedo nwoyo.

Jeova tye bala papo ame cunye yom ka atinnere kobo kede kun ya i cunye. I yo acel-li, mitte ni wan daŋ okob kede Jeova i lego kun ya i cunywa

6. Lego obedo mot ame oya i baŋ Obaŋa

Lego twero jiŋowa niŋo, tutwallere ka kwo tek? Tuk VIDEO.

VIDEO: Lego Konyowa me Kanyo Can (1:32)

Cikere me Baibul tye ni lego twero konywa me bedo i wic opye mot. Kwan Jo Pilipi 4:6, 7, eka ite nyamo wunu apenye magi:

Kadi bed lego pe kwanyo pekkiwa, ento pwod twero konyowa i yore aŋo?
Jami mene ame imito lego pirgi?

Anaka onwoŋo iŋeo?

Nyig kop ni “amen” gonyere ni “wek bed amannono” nyo “tye kittono.” Cakere i kare me Baibul, onwoŋo okobo “amen” i ŋe lego. —1 Tekwaro 16:36.

7. Ket yik me lego

Kare mogo wiwa wil oko kede lego pi tic okacowa. Lego onwoŋo pire tek baŋ Yecu niŋo? Kwan Matayo 14:23 kede Marako 1:35, eka ite nyamo wunu apenye magi: