Кудайдын Падышалыгы адамдык өкмөттөрдүн баарын жок кылып, жалгыз өкмөт катары бүт жер жүзүн башкарат (Даниел 2:44; Аян 16:14). Ошондо Кудайдын Падышалыгы төмөнкүлөрдү ишке ашырат:

•   Керт башынын кызыкчылыгы үчүн башкаларга зыян келтирип жаткан ыймансыз адамдарды жок кылат. «Ыймансыздар болсо жер бетинен жок кылынат» (Накыл сөздөр 2:22).

•   Согуш отун биротоло өчүрөт. «[Кудай] жердин учу-кыйырына чейин согуштарды токтотот» (Забур 46:9).

•   Жер бетине коопсуздук өкүм сүргөн, гүлдөгөн заман алып келет. «Ар бири өзүнүн жүзүм сабагы менен анжир дарагынын астында отурат. Аларды эч ким коркутпайт» (Микей 4:4).

•   Жер бетин бейишке айлантат. «Ээн талаа менен какшыган жер шаттанат, чөлдүү түздүк сүйүнүп, шафрандай гүлдөйт» (Ышая 35:1).

•   Ар бир адамды ага ырахат тартуулаган жумуш менен камсыз кылат. «Менин тандап алгандарым өз эмгегинин үзүрүн толугу менен көрүшөт. Алар куру бекер эмгектенишпейт» (Ышая 65:21—23).

•   Ооруну жок кылат. «Ошондо тургундардын бири да: „Ооруп жатам“,— дебейт» (Ышая 33:24).

•   Карылыкты жок кылат. «Анын денеси жаш кезиндегисинен да жаш болсун, ал жаштыктын күчүнө толуп турган күндөрүнө кайрылып келсин» (Аюп 33:25).

•   Өлгөндөрдү тирилтет. «Мүрзөлөрдө жаткандардын баары анын [Иса Машаяктын] үнүн уга турган убак келет» (Жакан 5:28, 29).