2021-жылы, 7-февралда Грек Жазмаларынын «Жаңы дүйнө котормосу» киси тилинде чыкты. Бул долбоорду бүтүрүш үчүн котормо топ бир жарым жыл бою күжүрмөн эмгектенишкен.

Грек Жазмаларынын жарык көргөнүн Либериядагы филиалдын комитетинин мүчөсү Жозеф Менсах алдын ала жаздырылган программа аркылуу жарыялады.

Басылып чыккан Ыйык Китептер Борбордук Европадан Гвинеяга, Либерияга, Сьерра-Леонеге жөнөтүлдү. Алар киси тилинде сүйлөгөн 1 200дөй жарчыга таратылды. Ошол эле учурда COVID-19 пандемиясына байланыштуу бардык сактык чаралары сакталды.

Долбоордун үстүнөн үч котормочудан турган топ иштеди. Алардын бири мындай деп бөлүшкөн: «Киси тилинде сүйлөгөн жарчылар бул Ыйык Китепти окугандан ырахат алат. Анткени ал түшүнүүгө оңой тил менен которулду. Бул котормонун жардамы менен киси тилинде сүйлөгөн адамдар чындыкка тартылат деп ойлойм».

Дагы бир котормочу: «Бул котормо — Жахаба берген өзгөчө белек. Ал аркылуу анын жеке мени жана киси тилинде сүйлөгөндөрдүн баарын канчалык жакшы көрөрүн көрүп жатам».

Киси тилиндеги Грек Жазмаларынын «Жаңы дүйнө котормосу» ишенимдештерибизге мындан ары да Кудайдын сөзүн угуп, аткара бергенге жардам береринен эч шектенбейбиз (Жакып 1:22).