Ышая 58:1—14
58 Ал мага мындай деди: «Болгон үнүң менен кыйкыр, тынч турба!
Үнүңдү мүйүз сурнайдай бийик чыгар.
Менин элиме козголоңун,+Жакыптын урпактарына күнөөлөрүн айт.
2 Алар адил иш кылган,Кудайынын адилеттүү жолунан чыкпаган эл болгонсуп,Күнүгө жол көрсөтүшүмдү сурашат,Менин талаптарымды билгенине кубанарын айтышат.+
Менден адил өкүм чыгарышымды өтүнүшөт,Өз Кудайына жакындаганына кубангансып:+
3 „Биз орозо тутсак, эмнеге көрбөйсүң?+
Күнөөлөрүбүз үчүн кайгырганыбызды көрсөтсөк*, эмнеге байкабайсың?“+ — деп жатышат.
Мен болсо мындай дейм: „Себеби силер орозо туткан күнү өз кызыкчылыгыңарды көздөйсүңөр,Жумушчуларыңарга кысым көрсөтөсүңөр.+
4 Орозоңор уруш-талаш, жаңжал менен бүтөт,Атүгүл башкаларды аёосуз муштайсыңар.
Ушинтип орозо тутсаңар, үнүңөр асманга жетмек беле?
5 Туткан орозосу мага жагышы үчүн,Пенде күнөөлөрү үчүн өкүнгөнүн көрсөтүп,Башын камыштай шылкыйтып,Алдына таар жайып, күл төшөнүп эле коюшу керекпи?
Ушуну мага, Жахабага, жаккан орозо дейсиңерби?
6 Жок, орозоңор мага жагышы үчүн,Адилетсиздиктин кишендерин,Моюнтуруктун жиптерин чечип салгыла,+Кысымга алынгандарды эркиндикке чыгарып,+Моюнтуруктун баарын талкалагыла;
7 Наныңарды ачкалар менен бөлүшкүлө,+Бей-бечара менен үйү жокту үйүңөргө киргизгиле.
Жылаңач бирөөнү көрсөңөр, кийим кийгизип,+Жакыныңардан жүзүңөрдү тескери бурбагыла.
8 Ошондо жарыгыңар таң шооласындай жаркырап,+Заматта айыгасыңар.
Адилдигиңер алдыңарда жүрөт,Жахабанын даңкы артыңардан коргойт.+
9 Жахабаны чакырганыңарда, ал жооп берет.
Жардам сураганыңарда: “Мен мындамын!” — дейт.
Эгер араңардан моюнтурукту жок кылсаңар,Сөөмөйүңөрдү көзөгөнүңөрдү*, кордогон сөздөрдү айтканыңарды койсоңор,+
10 Өзүңөр каалаганды ачка бирөөгө берсеңер,+Запкы жеген кишинин муктаждыгын канааттандырсаңар,Анда жарыгыңар караңгыда да жаркырайт,Түнүңөр чак түштөй болот.+
11 Жахаба силерди ар дайым жетектеп,Кагыраган жерде да муктаж болгон нерсеңерди берет;+Силерди күч-кубатка толтурат,Ошондо жакшы сугарылган бакчадай,+Суусу эч качан соолубаган булактай болосуңар.
12 Эчак ураган шаарлар силер үчүн калыбына келтирилет.+
Муундан муунга уранды астында жаткан пайдубалдарды кайрадан тургузасыңар.+
Силерди ураган дубалдарды калыбына келтиргендер,+Боюна эл отурукташа турган жолдорду жаңырткандар деп аташат.
13 Эгер дем алыш күнү, менин ыйык күнүмдө, өз каалооңорду аткаргандан баш тартсаңар,+Ал күндү өзгөчө рахат тартуулаган, Жахабанын ыйык күнү, абдан маанилүү күн деп эсептесеңер,+Керт башыңардын кызыкчылыгын көздөбөй, куру сөздөрдү сүйлөбөй, аны абдан маанилүү күн катары көрсөңөр,
14 Анда мен, Жахаба, силер үчүн зор кубанычтын булагы болом.
Силерге тоолор менен адырларды багындырып берем,+Бабаңар Жакып мураска алган жердин түшүмүнөн жедирем.+
Анткени бул сөздөрдү мен, Жахаба, айттым“».
Шилтемелер
^ Бул орозо тутууну, өзүн-өзү тыюу, чектөө сыяктуу нерселерди билдириши мүмкүн.
^ Сыягы, бирөөнү жек көрүп же жалаа жаап көзөгөнүн билдирет.
